Нацбанк Беларусі

Даведацца сваю крэдытную гісторыю цяпер можна ў рэжыме анлайн

70
(абноўлена 08:58 24.10.2017)
Цяпер кожны кліент усіх беларускіх банкаў можа даведацца, ці дадуць яму крэдыт, без наведвання аддзяленняў Нацбанка.

МІНСК, 23 кас — Sputnik. Паслуга па прадастаўленні крэдытнай гісторыі ў рэжыме анлайн з'явілася ў выніку паслядоўнага пашырэння функцыяналу вэб-партала Крэдытнага рэгістра і яго ўзаемадзеяння з міжбанкаўскай сістэмай ідэнтыфікацыі (МСІ), пра гэта паведамілі ў прэс-службе Нацыянальнага банка Беларусі.

Рэгістрацыя ў МСІ дазваляе прайсці ідэнтыфікацыю на партале Крэдытнага рэгістра для атрымання асабістай крэдытнай справаздачы. Рэгістрацыя ў МСІ адбываецца праз АІС "Разлік" (АРІП) бясплатна. У адпаведнасці з заканадаўствам асабістая крэдытная справаздача прадастаўляецца кліенту бясплатна адзін раз на працягу каляндарнага года і неабмежаваную колькасць разоў за ўзнагароджанне.

Крэдытная справаздача ў электронным выглядзе дасць карыстальнікам магчымасць пазбегнуць фізічнай прысутнасці ў структурных падраздзяленнях Нацбанка, што асабліва актуальна для жыхароў рэгіёнаў. Акрамя таго, гэта дазволіць зрабіць таннейшым працэс атрымання паўторнай справаздачы на працягу года: кошт справаздачы ў электронным выглядзе значна ніжэй, чым кошт справаздачы на папяровым носьбіце.

Крэдытны рэгістр Нацбанка фармуе і захоўвае крэдытныя гісторыі ўсіх кліентаў банкаўскіх устаноў. Карыстальнікі крэдытнай гісторыі (банкі, МФА, лізінгавыя арганізацыі і інш.) атрымліваюць доступ да гэтых звестак у выглядзе крэдытнай справаздачы толькі на падставе згоды пазычальніка. Крэдытная справаздача дазваляе банкам ацаніць аплатную дысцыпліну кліента, а патэнцыйнаму крэдытаатрымальніку — аб'ектыўна ацаніць свае шанцы на атрыманне крэдыту. Штогод за асабістай крэдытнай справаздачай у Крэдытны рэгістр звяртаюцца каля 6 тысяч жыхароў Беларусі.

70
Тэги:
кредит, кредитная история, Нацбанк РБ, Беларусь
Дзяўчына працуе за камп'ютарам

Анлайн-сэрвіс для маніторынгу сімптомаў каронавіруса запусцілі ў Беларусі

17
(абноўлена 09:41 16.04.2020)
Мэта праекта - інфармаваць людзей аб характэрных для COVID-19 сімптомах, а рэкамендацыі прылажэння нельга разглядаць як медыцынскія заключэнні.

МІНСК, 16 кра - Sputnik. Анлайн-сэрвіс, які вызначае групу рызыкі карыстальніка і верагоднасць яго заражэння COVID-19 запусцілі ў Беларусі, яго распрацавала адна з кампаній-рэзідэнтаў Парку высокіх тэхналогій (ПВТ).

"Мы хочам прапанаваць бясплатны інструмент для самастойнага хатняга маніторынгу сімптомаў пацыентаў, якія не патрабуюць шпіталізацыі, і знізіць нагрузку на ўстановы аховы здароўя, параіўшы людзям з лёгкімі сімптомамі, якія не пагражаюць жыццю, не ісці адразу ў бальніцу, а сядзець дома і адсочваць сімптомы", - расказваюць пра праект стваральнікі.

Для праходжання маніторынгу неабходна зайсці на сайт Sens MD і націснуць "прайсці дыягностыку". Пасля запаўнення інфармацыі пра сябе (уключаючы хранічныя захворванні), сэрвіс прапануе ў спецыяльнай форме зафіксаваць свае сімптомы, стваральнікі заклікаюць штодня адзначаць іх змяненне. Можна таксама атрымаць рэкамендацыі аб тым, як паводзіць сябе пры высокай верагоднасці заражэння.

На думку беларускіх распрацоўшчыкаў, з-за імклівага распаўсюджвання каронавіруса па ўсім свеце на сістэму аховы здароўя з-за масавага прытоку пацыентаў аказваецца высокая нагрузка, у той час, як медыкі раяць сёння не наведваць установы аховы здароўя без вострай неабходнасці.

Аўтары сэрвісу падкрэсліваюць, што асноўная мэта праекта - інфармаваць карыстальнікаў аб характэрных для COVID-19 сімптомах, а аднясенне пацыентаў у групу рызыкі з'яўляецца ўмоўным і можа быць вельмі недакладным, таму рэкамендацыі прылажэння нельга разглядаць як медыцынскія заключэнні: пры дрэнным самаадчуванні варта неадкладна звярнуцца да ўрача.

17
Тэги:
Беларусь, каронавірус
Тэмы:
Каронавірус COVID-19
Будынкі БелАЭС

Гарачая абкатка рэактара блока №1 завяршылася на БелАЭС

23
Цяпер згодна з планамі падрыхтоўкі блока № 1 да фізічнага пуску спецыялістам давядзецца праверыць асноўнае і дапаможнае абсталяванне.

МІНСК, 14 кра - Sputnik. Гарачая абкатка рэактара першага энергаблока завяршылася на Беларускай АЭС, паведамілі ў "Белэнэрга".

Тэхналагічны працэс быў пачаты ў снежні мінулага года. Да гэтага часу на энергаблоку правялі больш за 240 выпрабаванняў сістэм да гатоўнасці да фізічнага пуску.

"На Беларускай АЭС паспяхова завяршыўся адзін з найважнейшых этапаў праграмы падрыхтоўкі энергаблока № 1 да ўводу ў эксплуатацыю - гарачая абкатка рэактарнай устаноўкі", - сказалі ў "Белэнерга".

Там таксама паведамілі, што ў яе ходзе была праведзена праверка помпаў, кіравання і абароны рэактара, прадуўка галоўных параправодаў, выпрабаванні ахоўных клапанаў парагенератараў і іншыя аперацыі.

"Усё абсталяванне і тэхналагічныя сістэмы энергаблока, задзейнічаныя ў праграме выпрабаванняў, адпавядаюць праектным характарыстыкам", - удакладнілі ў аб'яднанні.

Цяпер згодна з планамі падрыхтоўкі блока № 1 да фізічнага пуску спецыялістам давядзецца праверыць асноўнае і дапаможнае абсталяванне першага і другога контураў.

Будаўніцтва АЭС побач з горадам Астравец у Гродзенскай вобласці вядзецца па тыпавым расійскім праекце новага пакалення "тры плюс" АЭС-2006. Яна будзе складацца з двух энергаблокаў магутнасцю 1200 МВт кожны. На іх будуць устаноўлены рэактары ВВЭР-1200.

Па планах Мінэнерга увод першага энергаблока БелАЭС павінен адбыцца на працягу 2020 года, другога - ў 2021 годзе.

23
Тэги:
БелАЭС
Лагатып СААЗ

У Расіі адрэагавалі на разрыў стасункаў ЗША з СААЗ

10
(абноўлена 09:55 30.05.2020)
Наступствы пандэміі, упэўненая Марыя Захарава, не дазваляюць ЗША казаць пра лідарства ў сусветнай ахове здароўя.

МІНСК, 30 мая - Sputnik. ЗША наносяць удар па міжнародных асновах узаемадзеяння ў ахове здароўя, заявіў афіцыйны прадстаўнік МЗС РФ Марыя Захарава, каментуючы разрыў адносін Вашынгтона з Сусветнай арганізацыяй аховы здароўя (СААЗ).

У пятніцу прэзідэнт ЗША Дональд Трамп заявіў, што краіна спыняе адносіны з СААЗ, паколькі арганізацыя "адмовілася праводзіць патрабаваныя рэформы". Амерыканскі лідар падкрэсліў, што грошы, якія вылучаліся на фінансаванне арганізацыі, Вашынгтон перанакіруе ўсяму "свету на тэрміновыя патрэбы аховы здароўя".

"У той момант, калі свет патрабуе кансалідацыі намаганняў у барацьбе з пандэміяй, Вашынгтон наносіць удар па міжнародна-прававых асновах ўзаемадзеяння ў сферы аховы здароўя", - сказала Захарава.

"Што могуць ЗША прапанаваць свету наўзамен?" - задалася пытаннем афіцыйны прадстаўнік МЗС.

Паводле яе слоў, "сумная карціна, што адкрылася ў амерыканскай сістэме аховы здароўя ў перыяд пандэміі, не пакідае шанцу Вашынгтону казаць пра лідарства ў гэтай сферы".

У Саўфедзе РФ таксама адрэагавалі на разрыў стасункаў ЗША з СААЗ. Так, кіраўнік міжнароднага камітэта Канстанцін Касачоў лічыць, што ў вырашэнні Трампа няма разумення рызык і ўсведамлення адказнасці.

"Калі глабальнае лідарства - гэта разбурэнне адных глабальных інстытутаў і спроба нахрапам захапіць тыя, што засталіся ... гэта не глабальнае лідарства. Гэта параксізм. Гэта грымаса. І гэта пагроза. Але гэта ніяк не лідарства", - напісаў Касачоў ў Facebook.

10
Тэги:
Расія, Сусветная арганізацыя аховы здароўя (СААЗ), ЗША