Стетаскоп, архіўнае фота

Кітайскі робат паспяхова здаў экзамен па медыцыне і можа стаць доктарам

38
(абноўлена 10:02 21.11.2017)
На выкананне заданняў у штучнага інтэлекту сышло ўсяго 60 хвілін замест звычайных 10 гадзін, а колькасць набраных машынай балаў - 456 з 600 магчымых.

МІНСК, 20 ліс — Sputnik. Робат "Сяо І" паспяхова здаў экзамен на атрыманне ліцэнзіі для вядзення медычнай практыкі ў Кітаі, паведамляе выданне China Daily.

"Мы афіцыйна запусцім робата ў сакавіку 2018 года. Ён не прызначаны для замены дактароў. Ён павінен спрыяць паляпшэнню супрацоўніцтва паміж людзьмі і машынамі, каб павысіць іх агульную эфектыўнасць", — пракаментаваў старшыня кампаніі-распрацоўніка iFlytek Лю Цынфэн.

Штучны інтэлект выканаў усе заданні за адну гадзіну замест патрэбных дзесяці і набраў 456 з 600 магчымых балаў, што на 96 балаў вышэй, чым патрабуецца для паспяховай здачы экзамену.

У кампаніі iFlytek адзначылі, што робат можа аўтаматычна атрымліваць і аналізаваць інфармацыю пра пацыента і ставіць першасны дыягназ. Яго будуць выкарыстоўваць для аказання дапамогі дактарам у вызначэнні будучых метадаў лячэння. Асабліва гэта актуальна для сельскіх раёнаў Кітая, дзе дактароў не хапае.

Экзаменатары сцвярджаюць, што "Сяо І" не мог падмануць іх або скарыстацца шпаргалкай: падчас тэсту ў яго не было доступу да інтэрнэту, і ён выкарыстаў толькі тыя дадзеныя, якія змясцілі ў яго ўнутраную памяць вытворцы.

38
Тэги:
iFlytek, робот, Кітай

Кампанія Virgin запусціла ракету ў космас з борта самалёта - відэа

11
(абноўлена 22:59 25.01.2021)
Кампанія Virgin Orbit брытанскага мільярдэра Рычарда Брэнсана запусціла ў космас ракету з борта лайнера Boeing 747-400. Глядзіце на відэа кадры пуску.

Boeing вылецеў з аэрапорта ў пустыні Махавэ і запусціў ракету над Ціхім акіянам. Яна вывела на арбіту дзесяць спадарожнікаў NASA. Гэта другая спроба пуску: у траўні 2020-га ён быў няўдалым - ракета ўпала з-за непаладак рухавіка.

Кампанія Virgin Orbit была заснавана Брэнсанам дзевяць гадоў таму. Яна плануе выводзіць на арбіту Зямлі невялікія спадарожнікі - вагой да 500 кілаграмаў.

Глядзіце таксама:

11
Тэги:
NASA, ЗША, Космас
Біяметрычны пашпарт прызначаны для выезду за мяжу

Кіраўнік МУС: усё гатова, каб пачаць выдачу біяметрычных пашпартоў

20
(абноўлена 16:32 25.01.2021)
Дата, калі пачнуць выдаваць такія дакументы, пакуль не вызначана, яе прапануюць, калі ўсе нюансы будуць дапрацаваны.

МІНСК, 25 сту – Sputnik. Сістэма МУС ужо гатовая, каб пачаць выдачу біяметрычных дакументаў, сказаў міністр унутраных спраў Беларусі Іван Кубракоў.

Нарада, на якой абмяркоўвалася тэма выдачы біяметрычных пашпартоў, прайшла сёння ў прэзідэнта Беларусі Аляксандра Лукашэнкі.

Па словах кіраўніка МУС, прэзідэнтам былі пастаўлены дадатковыя пытанні, якія неабходна прапрацаваць. Гэта тычыцца абароны персанальных дадзеных - самае галоўнае пытанне. Тэрміны ўвядзення біяметрычных пашпартоў будуць вызначаны дадаткова з улікам аб'ёму неабходных дапрацовак і пасля правядзення пагаджальнай нарады з усімі зацікаўленымі дзяржорганамі.

Галоўнае - зручнасць

Міністр адзначыў, што ў першую чаргу на нарадзе звярталася ўвага на зручнасць насельніцтва пры атрыманні і выкарыстанні біяметрычных дакументаў. Іван Кубракоў растлумачыў, што нават пасля пачатку выдачы дакументаў новага ўзору ўсе ранейшыя пашпарты грамадзян будуць сапраўдныя на працягу свайго тэрміну дзеяння. Адна з прапаноў - дапрацаваць сістэму так, каб адным і тым жа дакументам можна было карыстацца як унутры краіны, так і пры выездзе за мяжу.

"З улікам пагадненняў іншых краін прапрацоўваецца магчымасць, каб была толькі ID-карта альбо адзін дакумент, які і для выезду за мяжу, і для выкарыстання ўнутры краіны", - рэзюмаваў ён.

Новыя дакументы

Новае пакаленне асабістых дакументаў для грамадзян Беларусі будзе прадстаўлена ў двух узорах - ідэнтыфікацыйнае пасведчанне і біяметрычны пашпарт.

У 2021 годзе беларусам пачнуць выдаваць ID-карты, якія заменяць стандартныя пашпарты на тэрыторыі краіны. Таксама ўводзяцца біяметрычныя пашпарты для паездак за мяжу.

Прэзідэнт Аляксандр Лукашэнка адобрыў увядзенне ў Беларусі біяметрычных дакументаў. Тым не менш, ён даручыў дапрацаваць асобныя моманты. Дакладная дата, з якой пачнуць выдаваць такія дакументы, пакуль не вызначана. Яна будзе прапанавана прэзідэнту ў праекце ўказа, калі ўсе нюансы будуць улічаны.

Чытайце таксама:

20
Тэги:
Беларусь, МУС Беларусі, Біяметрычны пашпарт
Аэрапорт Унукава

Не толькі Масква: Беларусь і Расія аднаўляюць авіязносіны

2
(абноўлена 12:27 27.01.2021)
Раней РФ прымала авіярэйсы з Беларусі толькі праз аэрапорт Дамадзедава, цяпер гэтыя абмежаванні зняты. Галоўная ўмова пералёту - наяўнасць адмоўнага ПЦР-тэсту, вынік якога неабходна будзе загрузіць у спецыяльную праграму.

МІНСК, 27 сту – Sputnik. Грамадзяне Беларусі змогуць лятаць у Расію пры наяўнасці адмоўных тэстаў на каронавірус, адпаведнае распараджэнне апублікавана на афіцыйным прававым інтэрнэт-партале РФ.

Вынікі ПЦР-даследаванняў неабходна будзе загрузіць у мабільную праграму "Падарожнічаю без COVID-19".

Раней Расія прымала авіярэйсы з Беларусі толькі праз аэрапорт Дамадзедава, цяпер беларусам будуць даступны 20 пунктаў паветранага пропуску РФ.

Распараджэнне будзе дзейнічаць з 1 лютага да 1 сакавіка 2021 года. Аналагічныя меры распаўсюджваюцца і на грамадзян Арменіі.

Праграма "Падарожнічаю без COVID-19" знаходзіць бліжэйшыя медыцынскія ўстановы, у якіх можна здаць аналіз на каронавірус перад падарожжам. У базе дадзеных праграмы - лабараторыі краін ЕўрАзЭС.

Пасля таго, як чалавек здасць ПЦР-тэст, вынікі даследаванняў будуць загружаны ў "Падарожнічаю без COVID-19" у выглядзе QR-кода. Пры перасячэнне мяжы дастаткова будзе толькі прасканаваць гэты код.

Чытайце таксама:

2
Тэги:
каронавірус, Расія, Беларусь, Авіярэйсы
Тэмы:
Каронавірус COVID-19