СМІ: Apple праз два гады можа зачыніць iTunes
(абноўлена 11:54 19.12.2017)
Карыстальнікаў iTunes, продажы кантэнту з якога падаюць, могуць перавесці ў сэрвіс Apple Music.МІНСК, 18 сне — Sputnik. Амерыканская кампанія Apple можа зачыніць платны сэрвіс музыкі iTunes у 2019 годзе, пра гэта паведаміў партал Weraveyou.
Па інфармацыі выдання Apple, у апошні час сутыкнулася з падзеннем продажаў трэкаў з iTunes і з'яўленнем шматлікіх стрымінгавых сэрвісаў, якія за невялікую плату адкрываюць доступ да сваіх бібліятэк.
Адзначаецца, што Apple пасля закрыцця iTunes перавядзе свае бібліятэкі ў платны Apple Music, тым самым створыць канкурэнцыю буйным сэрвісам кантэнта, як YouTube, Spotify, SoundCloud і іншым. Магчыма, кампанія прадставіць карыстальнікам бясплатны пробны трохмесячны перыяд.
Пры гэтым у Apple Music з часам не будзе даступная неліцэнзійная музыка, якую карыстальнікі самі загружаюць на свае смартфоны.
Першая версія iTunes пабачыла свет у 2001 годзе і набыла папулярнасць на фоне плэераў iPod, якія з'явіліся ў той час. На іх запампоўвалі платны кантэнт з сервера. Пазней у iTunes з'явіўся і відэакантэнт.
Тэги:
Кампанія Virgin запусціла ракету ў космас з борта самалёта - відэа
(абноўлена 22:59 25.01.2021)
Кампанія Virgin Orbit брытанскага мільярдэра Рычарда Брэнсана запусціла ў космас ракету з борта лайнера Boeing 747-400. Глядзіце на відэа кадры пуску.Boeing вылецеў з аэрапорта ў пустыні Махавэ і запусціў ракету над Ціхім акіянам. Яна вывела на арбіту дзесяць спадарожнікаў NASA. Гэта другая спроба пуску: у траўні 2020-га ён быў няўдалым - ракета ўпала з-за непаладак рухавіка.
Кампанія Virgin Orbit была заснавана Брэнсанам дзевяць гадоў таму. Яна плануе выводзіць на арбіту Зямлі невялікія спадарожнікі - вагой да 500 кілаграмаў.
Глядзіце таксама:
- Відэафакт: ракета Falcon 9 з турэцкім спадарожнікам стартавала ў Фларыдзе
- Выпрабавальны старт "Ангары" з Плесецку: унікальнае відэа ад ваенных
- Як расійскія ракетчыкі пераўзбройваюцца на "Авангарды" - відэа
Тэги:
Кіраўнік МУС: усё гатова, каб пачаць выдачу біяметрычных пашпартоў
(абноўлена 16:32 25.01.2021)
Дата, калі пачнуць выдаваць такія дакументы, пакуль не вызначана, яе прапануюць, калі ўсе нюансы будуць дапрацаваны.МІНСК, 25 сту – Sputnik. Сістэма МУС ужо гатовая, каб пачаць выдачу біяметрычных дакументаў, сказаў міністр унутраных спраў Беларусі Іван Кубракоў.
Нарада, на якой абмяркоўвалася тэма выдачы біяметрычных пашпартоў, прайшла сёння ў прэзідэнта Беларусі Аляксандра Лукашэнкі.
Па словах кіраўніка МУС, прэзідэнтам былі пастаўлены дадатковыя пытанні, якія неабходна прапрацаваць. Гэта тычыцца абароны персанальных дадзеных - самае галоўнае пытанне. Тэрміны ўвядзення біяметрычных пашпартоў будуць вызначаны дадаткова з улікам аб'ёму неабходных дапрацовак і пасля правядзення пагаджальнай нарады з усімі зацікаўленымі дзяржорганамі.
Галоўнае - зручнасць
Міністр адзначыў, што ў першую чаргу на нарадзе звярталася ўвага на зручнасць насельніцтва пры атрыманні і выкарыстанні біяметрычных дакументаў. Іван Кубракоў растлумачыў, што нават пасля пачатку выдачы дакументаў новага ўзору ўсе ранейшыя пашпарты грамадзян будуць сапраўдныя на працягу свайго тэрміну дзеяння. Адна з прапаноў - дапрацаваць сістэму так, каб адным і тым жа дакументам можна было карыстацца як унутры краіны, так і пры выездзе за мяжу.
"З улікам пагадненняў іншых краін прапрацоўваецца магчымасць, каб была толькі ID-карта альбо адзін дакумент, які і для выезду за мяжу, і для выкарыстання ўнутры краіны", - рэзюмаваў ён.
Новыя дакументы
Новае пакаленне асабістых дакументаў для грамадзян Беларусі будзе прадстаўлена ў двух узорах - ідэнтыфікацыйнае пасведчанне і біяметрычны пашпарт.
У 2021 годзе беларусам пачнуць выдаваць ID-карты, якія заменяць стандартныя пашпарты на тэрыторыі краіны. Таксама ўводзяцца біяметрычныя пашпарты для паездак за мяжу.
Прэзідэнт Аляксандр Лукашэнка адобрыў увядзенне ў Беларусі біяметрычных дакументаў. Тым не менш, ён даручыў дапрацаваць асобныя моманты. Дакладная дата, з якой пачнуць выдаваць такія дакументы, пакуль не вызначана. Яна будзе прапанавана прэзідэнту ў праекце ўказа, калі ўсе нюансы будуць улічаны.
Чытайце таксама:
- Лукашэнка пра ID-карты: беларусы павінны атрымаць магчымасці, а не праблемы
- Біяметрычныя пашпарты пачнуць выдаваць у Беларусі ў пачатку 2021 года
- "Я дастаю з шырокіх калашын": беларусы атрымаюць біяметрычныя дакументы
Тэги:
Не толькі Масква: Беларусь і Расія аднаўляюць авіязносіны
(абноўлена 12:27 27.01.2021)
Раней РФ прымала авіярэйсы з Беларусі толькі праз аэрапорт Дамадзедава, цяпер гэтыя абмежаванні зняты. Галоўная ўмова пералёту - наяўнасць адмоўнага ПЦР-тэсту, вынік якога неабходна будзе загрузіць у спецыяльную праграму.МІНСК, 27 сту – Sputnik. Грамадзяне Беларусі змогуць лятаць у Расію пры наяўнасці адмоўных тэстаў на каронавірус, адпаведнае распараджэнне апублікавана на афіцыйным прававым інтэрнэт-партале РФ.
Вынікі ПЦР-даследаванняў неабходна будзе загрузіць у мабільную праграму "Падарожнічаю без COVID-19".
Раней Расія прымала авіярэйсы з Беларусі толькі праз аэрапорт Дамадзедава, цяпер беларусам будуць даступны 20 пунктаў паветранага пропуску РФ.
Распараджэнне будзе дзейнічаць з 1 лютага да 1 сакавіка 2021 года. Аналагічныя меры распаўсюджваюцца і на грамадзян Арменіі.
Праграма "Падарожнічаю без COVID-19" знаходзіць бліжэйшыя медыцынскія ўстановы, у якіх можна здаць аналіз на каронавірус перад падарожжам. У базе дадзеных праграмы - лабараторыі краін ЕўрАзЭС.
Пасля таго, як чалавек здасць ПЦР-тэст, вынікі даследаванняў будуць загружаны ў "Падарожнічаю без COVID-19" у выглядзе QR-кода. Пры перасячэнне мяжы дастаткова будзе толькі прасканаваць гэты код.
Чытайце таксама:
- Галоўчанка: разлічваем на аднаўленне пасажырскіх зносін з РФ
- Расіяне, якія прылятаюць у Беларусь, павінны будуць мець антыкавідную даведку
- Тэст на COVID абавязковы: Турцыя зрабіла больш жорсткімі правілы ўезду
Тэги:
Тэмы: