Сімвал Сусветнага дня барацьбы са СНІДам - чырвоная стужачка.

Кампанія Apple прадставіла чырвоныя iPhone 8

20
(абноўлена 11:28 10.04.2018)
Смартфоны ў новым колеры кампанія выпусціла ў рамках дабрачыннай кампаніі, накіраванай на барацьбу са СНІДам.

МІНСК, 10 кра — Sputnik. Кампанія Apple прадставіла смартфоны iPhone 8 і 8 Plus у чырвоным корпусе, аформіць перадзаказ мадэлі можна з аўторка, паведамляе Sputnik.

Анансавала новы колер для смартфонаў кампанія Apple напярэдадні. Новае каляровае рашэнне зроблена ў рамках удзелу фірмы ў дабрачыннай кампаніі Product Red, якая накіравана на барацьбу з ВІЧ і СНІДам.

Ужо з 10 красавіка iPhone 8 і 8 Plus даступныя для перадзаказа на сайце Apple, першыя пакупнікі атрымаюць смартфоны ўжо 13 красавіка. Кошт чырвонага iPhone на амерыканскім рынку пачынаецца ад 700 долараў.

Цэны на мадэлі ў Беларусі яшчэ не вядомыя, аднак, хутчэй за ўсё, яны не будуць адрознівацца ад іншых iPhone 8 — кошт у афіцыйных прадаўцоў стартуе ад 2,4 тысячы рублёў.

iPhone X, апошнюю флагманскую мадэль кампаніі Apple, у чырвоным колеры выпускаць пакуль не плануюць.

Раней Apple ужо выпускала свае смартфоны ў рамках Product Red — вясной мінулага года з'явіліся iPhone 7 у чырвоным колеры.

20
Тэги:
Product Red, iPhone 8, Apple
Каментары