Офіс кампаніі Microsoft

Беларусь гатовая да супрацоўніцтва з Microsoft

41
(абноўлена 17:26 17.05.2018)
Прадстаўнікі амерыканскай кампаніі таксама выказалі зацікаўленасць у супрацоўніцтве з беларускім урадам.

МІНСК, 17 мая — Sputnik. Беларусь бачыць вялікія магчымасці для развіцця супрацоўніцтва з амерыканскай карпарацыяй Microsoft, заявіў кіраўнік беларускага ўраду Андрэй Кабякоў на сустрэчы з прадстаўнікамі кампаніі.

Паводле слоў прэм'ер-міністра, беларуская дзяржава ўзяла курс на пабудову лічбавай эканомікі.

"Адносіны з такой паважанай кампаніяй, як Microsoft, для нас вельмі важныя. Мы разлічваем, што яны дазволяць нам набыць дадатковы вопыт", — выказаў надзею Кабякоў.

Ён таксама ўдакладніў, што Беларусь валодае магчымасцямі для супрацоўніцтва з Microsoft і гатовая да новых прапановаў і абмену досведам, што дасць магчымасць вызначыць далейшыя шляхі для ўзаемных дзеянняў.

Прэм'ер-міністр лічыць, што Беларусь і Microsoft могуць павысіць узровень узаемаадносін дзякуючы цэламу шэрагу элементаў супрацоўніцтва, уключаючы меры нарматыўнага рэгулявання.

Кіраўнік усходнееўрапейскага дэпартамента Microsoft Евангелас Крысафідзіс пацвердзіў важнасць для кампаніі абмеркаваць перспектыўныя магчымасці для супрацоўніцтва з афіцыйным Мінскам.

41
Тэги:
IT-тэхналогіі, Microsoft, Андрэй Кабякоў, Мінск
Будынак БелАЭС

Аперацыі па фізічным пуску БелАЭС пачнуцца ў бліжэйшыя дні

8
(абноўлена 15:40 04.08.2020)
Усяго ў рэактар першага блока будзе загружана 163 цеплавыдзяляльныя зборкі, а затым уключаць цыркуляцыйныя помпы.

МІНСК, 4 жні - Sputnik. Аперацыі па фізічным пуску першага энергаблока Беларускай атамнай электрастанцыі пачнуцца ў бліжэйшыя дні, паведамілі ў аўторак у Міністэрстве энэргетыкі рэспублікі.

"Пачатак аперацый па фізічным пуску першага энергаблока БелАЭС плануецца ў бліжэйшыя дні. Падрыхтаваны тэхналагічныя сістэмы і абсталяванне для пачатку фізічнага пуску, праведзены іх выпрабаванні, персанал РУП "БелАЭС"падрыхтаваны і прайшоў неабходныя трэніроўкі для выканання аперацый па загрузцы паліва", - сказалі ў Мінэнерга.

Там таксама адзначылі, што фізічны пуск першага энергаблока пачнецца з загрузкі паліва ў актыўную зону рэактара - 163 цеплавыдзяляльных зборак з наступным уключэннем цыркуляцыйных помпаў для разагрэву цепланосбіта першага контуру.

Пасля гэтага рэактар будзе выведзены на мінімальны кантраляваны ўзровень (пачатак ланцуговай рэакцыі) з паступовым павышэннем ўзроўню магутнасці.

"Фізпуск з'яўляецца адным з ключавых этапаў праекта па ўводу энергаблока ў эксплуатацыю. Галоўная яго задача - пацвердзіць надзейнасць і бяспека працы энергаблока на праектных параметрах", - паведамілі ў ведамстве.

Будаўніцтва АЭС побач з горадам Астравец у Гродзенскай вобласці вядзецца па тыпавым расійскім праекце новага пакалення "тры плюс" АЭС-2006. Яна будзе складацца з двух энергаблокаў магутнасцю 1200 МВт кожны. На іх будуць устаноўлены рэактары ВВЭР-1200.

Па планах Мінэнерга, увод першага энергаблока БелАЭС павінен адбыцца на працягу 2020 года, другога - ў 2021 годзе.

8
Тэги:
БелАЭС
Тэмы:
Будаўніцтва БелАЭС у Астраўцы
Галоўны корпус Акадэміі навук

Беларусь хоча адправіць у космас першага касманаўта ў суверэннай гісторыі

42
(абноўлена 11:44 23.07.2020)
Беларускія навукоўцы пасля праходжання неабходнай падрыхтоўкі пры дапамозе Раскосмаса могуць пасля быць камандзіраваныя ў Цэнтр падрыхтоўкі касманаўтаў.

МІНСК, 23 ліп - Sputnik. Беларусь займаецца распрацоўкай плана падрыхтоўкі да палёту свайго касманаўта, паведаміў у чацвер старшыня Прэзідыума Нацыянальнай акадэміі навук Уладзімір Гусакоў.

Паводле яго слоў, рэспубліка павінна займацца пашырэннем ўласнай прысутнасці ў космасе. Тым больш, што ў студзені гэтага года падчас перамоваў з Раскосмасам была дасягнутая дамоўленасць аб наведванні беларускімі навукоўцамі Навукова-даследчага выпрабавальнага цэнтра падрыхтоўкі касманаўтаў імя Ю. А. Гагарына.

"Можа здацца вельмі амбіцыйным план падрыхтоўкі і палёту ў космас першага касманаўта суверэннай Беларусі. Аднак першыя крокі ў гэтым пытанні ўжо робяцца", - цытуе кіраўніка НАН БелТА.

Хто патэнцыйны касманаўт?

У цяперашні час у акадэміі навук складзены спіс навукоўцаў, якія прадстаўляюць Інстытут радыебіялогіі, Цэнтральны батанічны сад, НПЦ па біярэсурсах, Інстытут фізіялогіі. Зараз у планах адправіць гэтых навукоўцаў у расійскі цэнтр падрыхтоўкі касманаўтаў.

"Гэтыя прадстаўнікі НАН пасля могуць разглядацца як патэнцыйныя беларускія кандыдаты для праходжання падрыхтоўкі ў ЦПК ў якасці ўдзельнікаў касмічных палётаў", - распавёў Гусакоў.

У цяперашні час з расійскімі партнёрамі абмяркоўваецца праходжанне медыцынскага абследавання беларускіх спецыялістаў, каб яны маглі быць дапушчаныя да падрыхтоўкі ў якасці касманаўтаў-даследчыкаў.

Пасля таго, як будуць зняты ўсе абмежаванні, выкліканыя пандэміяй каронавіруса, беларуская дэлегацыя наведае ЦПК. У планах у нашых навукоўцаў ёсць удзел у наземных эксперыментах з выкарыстаннем навуковых распрацовак беларускіх навукоўцаў.

"Вялікі ўклад у развіццё касманаўтыкі ў СССР і Расіі ўносілі і ўносяць беларусы, працуючы канструктарамі, тэхнічнымі інжынерамі, навукоўцамі і кіраўнікамі арганізацый і прадпрыемстваў", - канстатаваў Уладзімір Гусакоў.

У космасе ўжо пабывалі ўраджэнцы Беларусі Пётр Клімук і Уладзімір Кавалёнак, якія здзейснілі свае палёты ў часы СССР. У XXI стагоддзі ў космас адправіўся яшчэ адзін беларус - Алег Навіцкі, лётчык-касманаўт Расійскай Федэрацыі.

42
Тэги:
Космас, Нацыянальная акадэмія навук Беларусі, Беларусь
Сяргей Чарэчань

Чарэчань не верыць, што затрыманыя расіяне хацелі зрынуць уладу ў РБ

2
(абноўлена 12:11 06.08.2020)
На яго думку, затрыманне расіян і правакаванне міжнароднага скандалу было трэба дзеючай уладзе для ўзмацнення жорсткасці кантролю за акцыямі пратэсту.

МІНСК, 6 жні - Sputnik. Афіцыйную версію, што затрыманыя ў Беларусі, могуць быць датычныя да спробаў звяржэння ўлады ў краіне падчас выбарчай кампаніі, кандыдат у прэзідэнты Беларусі Сяргей Чарэчань лічыць сумнеўнай.

"Мне здаецца, што ўладзе вельмі пашанцавала, што ў нас з'явіліся нейкія транзітчыкі. Не думаю, што яны ехалі да нас зрынуць рэжым", - сказаў Чарэчань у інтэрв'ю РІА "Новости".

На яго думку, гісторыя з затрыманымі ў санаторыі пад Мінскам расіянамі, якіх падазраюць у арганізацыі масавых беспарадкаў, упісваецца ў кантэкст прэзідэнцкай выбарчай кампаніі.

"Думаю, улады раздулі міжнародны скандал, каб зрабіць больш жорсткім кантроль за правядзеннем масавых мерапрыемстваў", - лічыць кандыдат у прэзідэнты.

Гэтую сітуацыю, мяркуе ён, улада можа выкарыстоўваць як падставу для ўзмацнення кантролю за мірнымі акцыямі. Паводле яго слоў, "можна ледзь не войскі ўводзіць, агароджваць зону правядзення мітынгаў БТРамі...".

"Гэта і падрыхтоўка да магчымай "плошчы" ў тым ліку", - мяркуе кандыдат у прэзідэнты.

Пры гэтым ён лічыць, што ўлады не будуць уводзіць надзвычайнае становішча і адмяняць выбары, таму што гэта пагоршыць сітуацыю, настроі ў грамадстве занадта абвостраны.

Кандыдат мяркуе, што сур'ёзнага канфлікту з Расіяй на фоне гісторыі з затрыманымі расіянамі ўсё ж такі не будзе.

"Ён бы быў, калі б, сапраўды, нейкія бандфарміраванні хацелі правесці тут пераварот, і беларускія ўлады пра гэта даведаліся. Тады б можна было казаць пра канфлікт паміж кіраўніцтвамі дзвюх краін. Не думаю, што ў выніку будзе нейкі напал у двухбаковых адносінах", - сказаў Чарэчань.

Затрыманне пад Мінскам

Расійскія грамадзяне былі затрыманыя ў Беларусі 29 ліпеня. Па словах кіраўніка Савета бяспекі Беларусі Андрэя Раўкова, яны з'яўляюцца членамі замежнай прыватнай вайсковай кампаніі "Вагнер". Расіян затрымалі па падазрэнні ў дачыненні да падрыхтоўкі да масавых беспарадкаў.

У Маскве затрыманне грамадзян пад Мінскам і падазрэнні лічаць беспадстаўнымі. Афіцыйны прадстаўнік МЗС Расіі Марыя Захарава ў аўторак заявіла, што віна расійскіх грамадзян не даказаная.

Між тым напярэдадні адбылася тэлефонная размова Лукашэнкі з прэзідэнтам Украіны Зяленскім. Украінскі бок патрабуе выдаць затрыманых расіян за нібыта ўдзел у канфлікце ў Данбасе.

2
Тэги:
Сяргей Чарэчань, Беларусь
Тэмы:
Выбары прэзідэнта Беларусі - 2020