Мадэль Наталля Вадзянава

Вадзянава наведала ў ПВТ сваю IT-кампанію

56
(абноўлена 17:01 18.05.2018)
Мадэль пахваліла ініцыятыву беларускіх уладаў актыўна развіваць у рэспубліцы IT-галіну.

МІНСК, 18 мая — Sputnik. Супермадэль Наталля Вадзянава наведала ў Мінску ў Парку высокіх тэхналогій кампанію Ideanomix Digital, у савет дырэктароў якой яна ўваходзіць, паведамілі ў пятніцу ў эфіры тэлеканала "Беларусь 1".

Вадзянава прыляцела ў беларускую сталіцу ў пятніцу 18 мая, яна прыме ўдзел у закрытым мерапрыемстве, прысвечаным пытанням хатняга гвалту. Вядома, што расійская мадэль ў 2017 годзе ўлажылася ў беларускі стартап Flo, а таксама ўвайшла ў савет дырэктароў дадзенага праекта.

"Тэма жаночага здароўя мне блізкая. У мяне пяцёра дзяцей. Апошняя цяжарнасць была складанай, для мяне гэта паслужыла сігналам, каб падтрымаць гэты праект. Добра, што яны з Беларусі, што я магу падтрымаць стартап. Прадукт надзвычайны, дазваляе даведацца шмат новага пра жаночае здароўе", — распавяла Вадзянава.

Мадэль таксама пахваліла ініцыятыву беларускіх уладаў актыўна развіваць у рэспубліцы IT-галіну.

"Беларусь першай падтрымала крыптавалюту, і наогул развіццё IT-бізнэсу — гэта такая магчымасць для краіны, як мне здаецца, прыцягнуць вельмі цікавыя кампаніі з усяго свету", — заключыла яна.

Вадзянава ў ПВТ таксама прадставіла новае мабільнае прылажэнне Elbi, якое спрашчае працэс пералічэння грошай на дабрачыннасць.

Распрацоўшчыкам прылажэння Flo з'яўляецца беларуская кампанія-рэзідэнт ПВТ Ideanomix Digital. Flo дазваляе сачыць за жаночым здароўем, разлічваць цыкл і больш уважліва падыходзіць да стану арганізма. На падставе 500 тысяч водгукаў адзнака прылажэння Flo ў Google Play складае 4,9 балаў. Яно карыстаецца папулярнасцю ў ЗША, Канадзе, Германіі і іншых краінах.

56
Тэги:
IT-тэхналогіі, ПВТ, Наталля Вадзянава, Мінск

Энергетычная бяспека: што ў Беларусі лічаць альтэрнатывай расійскаму газу?

10
(абноўлена 13:50 12.05.2021)
У сераду, 12 траўня, у мультымедыйным прэс-цэнтры Sputnik Беларусь прайшоў круглы стол на тэму: "Павышэнне энергаэфектыўнасці эканомікі за кошт выкарыстання аднаўляльных крыніц энергіі".

Рэспубліка Беларусь - раўнінная краіна, дзе адсутнічаюць буйныя перапады рэльефу, спрыяльныя для будаўніцтва буйных ГЭС, на яе тэрыторыі не дзьмуць моцныя вятры, каб выкарыстоўваць іх энергію ў прамысловых маштабах, няма выйсця да мораў і акіянаў. Дзяржаўная праграма "Энергазберажэнне" на 2021-2025 гады прадугледжвае дасягненне долі аднаўляльных крыніц энергіі ў валавым спажыванні паліўна-энергетычных рэсурсаў на ўзроўні 8% і зніжэнне энергаёмістасці ВУП на 7% да ўзроўню 2020 года. Як у краіне будзе рэалізоўвацца праграма, і чым плануюць часткова замяніць спажыванне прыроднага газу?

Удзельнікі круглага стала:

  • начальнік упраўлення вытворчасці і рэалізацыі прадукцыі Міністэрства лясной гаспадаркі Рэспублікі Беларусь Андрэй Мацкевіч;
  • намеснік дырэктара Дэпартамента па энергаэфектыўнасці Дзяржаўнага камітэта па стандартызацыі Рэспублікі Беларусь Леанід Паляшчук;
  • прадстаўнікі Міністэрства прыродных рэсурсаў і аховы навакольнага асяроддзя Рэспублікі Беларусь.

Глядзіце таксама:

10
Тэги:
Эканоміка, круглы стол, газ, Расія, альтэрнатыва, Беларусь, Бяспека, Энергетыка

Больш не манахромная: нейрасеткі размалявалі ваенную кінахроніку

55
(абноўлена 17:57 04.05.2021)
Парад у Берліне, дарога дадому і сустрэча ля парога - гістарычныя кадры заканчэння Вялікай Айчыннай вайны сталі даступныя ў каляровай версіі. Глядзіце на відэа, як ваенная хроніка выглядае ў колеры.

Урачысты марш каля Рэйхстага і Брандэнбурскай Брамы дапрацавалі тэхналогіяй каларызацыі. Эксклюзіўнае відэа да 9 Траўня апублікаваў тэлеканал RT.

Страявым крокам і калонамі бронетэхнікі адразу пасля капітуляцыі войскі Чырвонай арміі прайшлі па вуліцах Берліна 4 траўня 1945-га. Гэтыя кадры доўгі час заставаліся чорна-белымі, але электронныя прылады і праграмы дазваляюць зірнуць на падзеі таго часу па-новаму. Як бачна, на байцах - палявая форма, гэта значыць тая самая, у якой яшчэ некалькі тыдняў таму яны штурмавалі нямецкую сталіцу. А маршыраваць прыходзіцца па маставых, зусім нядаўна заблакаваных знішчанай тэхнікай і выбудаванымі барыкадамі.

Такая карцінка стала магчымай пры дапамозе сучаснага абсталявання і штучнага інтэлекту. Што характэрна, нейрасеткі не наладжаныя так, каб рэстаўраваць кінахроніку. Хутчэй, як тлумачаць эксперты, машыны "заточаныя", каб прадугледжваць "як бы гэта магло быць". Дакладнасць залежыць толькі ад "навучанасці" робатаў-аналітыкаў.

Хвалюючай для воінаў-пераможцаў стала і дарога дадому. Гэта чытаецца на тварах. Многія едуць у невядомасць. Ніколі не вярнуліся з вайны больш за 26 мільёнаў байцоў. А для тых, хто выжыў застаецца загадкай - дачакаўся ці іх хто-небудзь з родных. Таму нават на пастановачных кадрах прыкметна непадробная радасць ад сустрэчы. У Дзень Перамогі RT пакажа поўную версію ваеннай кінахронікі ў колеры.

Загад аб святкаванні 9 траўня 1945 года гістарычна атрымаў нумар 369. У той жа дзень па распараджэнні Сталіна быў зацверджаны ўказ пра ўзнагароду "За Перамогу над Германіяй". У Маскве з нагоды свята салют з 30 артылерыйскіх залпаў далі з адной тысячы гармат. Грымоты і ўспышкі суправаджалі прамяні 160 пражэктараў, а таксама рознакаляровыя ракеты.

Глядзіце таксама:

55
Тэги:
кадры, Вялікая Айчынная вайна, Берлін, парад, кіно
Які сёння дзень: 13 траўня

Які сёння дзень: 13 траўня 2021 года

0
(абноўлена 17:24 12.05.2021)
Гэты дзень з'яўляецца сто трыццаць чацвёртым па грыгарыянскім календары, да канца года засталося 232 дні.

Якія падзеі адбыліся 13 траўня і чым азнаменаваны гэты дзень у народным календары, чытайце ў спраўцы Sputnik.

Гістарычныя падзеі 13 траўня

  • У 1986 годзе адкрыўся V з'езд Саюза кінематаграфістаў СССР, на якім першым сакратаром быў абраны рэжысёр Элем Клімаў. З "паліцы" былі знятыя раней забароненыя цэнзурай фільмы.

Хто нарадзіўся 13 траўня

  • 1879 год: Іван Серада, беларускі палітык і навуковец, першы старшыня Рады Беларускай Народнай Рэспублікі.
  • 1905 год: Стэфанія Станюта, беларуская актрыса.
  • 1933 год: Аляксандр Кішчанка, мастак, аўтар вядомага "Габелену стагоддзя".
  • 1949 год: Сяргей Краўчанка, беларускі акцёр.

Таксама сёння нарадзіліся амерыканскі пісьменнік-фантаст Роджэр Жалязны і французскі спявак Грэгары Лемаршаль.

13 траўня ў народным календары

Сёння праваслаўныя вернікі шануюць памяць апостала Іакава Завядзеева - аднаго з дванаццаці апосталаў, бліжэйшага вучня Ісуса Хрыста. У народзе яго называлі Якаў Цёплы, таму што да гэтага дня ўжо ўсталёўвалася добрае надвор'е. Жанчыны верылі, што дождж на Якава прадвяшчае шмат вяселляў увосень. 

13 траўня імкнуліся пазбягаць далёкіх вандровак. Лічылася, што ў гэты час вандруюць па свеце апошнія ліхаманкі, і каб зберагчы здароў'е, лепей было застацца дома.

Калі неба на захадзе яснае, лета будзе пагодлівае, калі ж сонейка сядае ў аблокі, будуць дажджы.

0
Тэги:
народны каляндар, які сёння дзень
Тэмы:
Які сёння дзень: каляндар знакавых падзей