Выканаўчы дырэктар Apple Цім Кук выступіў на Сусветнай канферэнцыі распрацоўнікаў Apple у Сан-Хасэ

Apple прадставіла новую аперацыйную сістэму iOS 12

19
(абноўлена 17:53 05.06.2018)
Адразу пасля прэзентацыі новай аперацыйнай сістэмы акцыі Apple выраслі амаль на 1%.

МІНСК, 5 чэр — Sputnik. Apple прадставіла новую версію сваёй сістэмы iOS 12 на канферэнцыі для распрацоўнікаў WWDC 2018 у Сан-Хасэ ў Каліфорніі.

У новай "аперацыёнкі" для мабільных прылад палепшаная прадукцыйнасць, нямала новых функцый. Акрамя паскоранай працы сістэмы, у ёй будзе даступная функцыя Screen Tim, якая дапаможа карыстальнікам кантраляваць час працы з прыладамі iOS.

У iOS 12 галасавы памочнік Siri зможа працаваць у любых прыкладаннях, яго каманды можна будзе запраграмаваць.

Акрамя звыклых Animoji можна будзе генераваць Memoji — персанажы Apple, якія будуць перадаваць эмоцыі і індывідуальнасць рэальных суразмоўцаў. У iOS 12 з'явіліся таксама новыя эфекты відэаздымкі і групавы FaceTime (відэапаведамленні).

На абноўленай платформе ARKit 2 распрацоўшчыкі змогуць ствараць адзіныя прасторы дапоўненай рэальнасці і пастаянныя аб'екты з прывязкай да пэўных месцаў, а таксама задзейнічаць распазнаванне аб'ектаў і адсочванне малюнкаў.

У Apple CarPlay з'явіцца падтрымка іншых прыкладанняў карт для навігацыі (у тым ліку Google Maps), а ў рэжыме "не турбаваць" можна будзе адключыць усе апавяшчэнні (у тым ліку званкі).

У новай "аперацыёнцы" з'явілася сістэма статыстыкі выкарыстання прыкладанняў, якая дазваляе сачыць за часам знаходжання ў праграме і пры неабходнасці абмяжоўваць яго. Гэтая функцыя можа працаваць дыстанцыйна — напрыклад, на бацькоўскіх смартфонах можна будзе даведацца, якімі праграмамі карыстаецца дзіця і як шмат часу праводзіць у іх. Пры неабходнасці гэты доступ можна дыстанцыйна абмежаваць.

Адразу пасля прэзентацыі кошт на акцыі Apple дадаў амаль 1% — быў зафіксаваны рэкордны кошт за акцыю кампаніі — $191,83.

Apple была заснавана ў 1976 годзе Стывам Джобсам, Стывам Вазняком і Рональдам Уэйнам. Штаб-кватэра кампаніі знаходзіцца ў Куперціна, штат Каліфорнія. Apple займаецца вытворчасцю персанальных і планшэтных камп'ютараў, аўдыяплэераў, тэлефонаў, "разумных гадзіннікаў" і праграмнага забеспячэння.

19
Тэги:
Apple, Каліфорнія, ЗША
(0:41 / 5.07Mb / просмотров видео: 2067)

Сцяг Перамогі над Рэйхстагам: VR-рэканструкцыя ў Брэсце - відэа

16
(абноўлена 10:26 19.06.2021)
У чым сімвалізм і палітычны сэнс Сцяга Перамогі над Рэйхстагам зможа адчуць кожны, хто паўдзельнічае ў VR-рэканструкцыі.

"Невядомы сцяганосец" - гэта гісторыя, якую дзякуючы сучасным тэхналогіям кожны можа "пражыць" ад асобы звычайнага савецкага салдата прама на даху Рэйхстага вясной 1945 года.

Хто і навошта паставіў галоўны Чырвоны Сцяг Перамогі над Рэйхстагам? Чаму гэта важна? Колькі на самой справе было сцяганосцаў? Як у гэты момант выглядаў дах? Хто афарбаваў Берлін у чырвоныя колеры? Адказы на гэтыя і іншыя пытанні вы не толькі даведаецеся, але і ўбачыце на свае вочы.

VR-рэканструкцыя будзе даступна ў вайсковым клубе на тэрыторыі Мемарыяльнага комплексу "Брэсцкая крэпасць-герой" з 19 па 22 чэрвеня.

Каб убачыць праект у фармаце віртуальнай рэальнасці з выкарыстаннем VR-ачкоў, дастаткова спампаваць прылажэнне RIA.Lab у App Store для iOS або Google Play для Android.

Гэтая рэканструкцыя - зборны сюжэт. Пры яго падрыхтоўцы былі выкарыстаны дзясяткі гістарычных дакументаў і рэальных ўспамінаў, вялізная колькасць фотаздымкаў, чарцяжоў і планаў будынка.

Вы апынецеся ў адной з вежаў галоўнага будынка Трэцяга рэйха "у целе" байца, пройдзеце па каньку даху і ўсталюйце сцяг. І пачуеце падчас рэканструкцыі рэальныя гісторыі удзельнікаў тых падзей. Іх агучылі Ягор Бероеў, Віктар Дабранраваў, Ігар Пятрэнка і Максім Дземчанка.

16
Правядзенне вакцынацыі ад COVID-19

Расія спадзяецца супрацоўнічаць з Беларуссю па вакцыне "ЭпиВакКорона"

12
(абноўлена 10:02 18.06.2021)
МЗС РФ прывяло у прыклад станоўчае супрацоўніцтва з Мінскам па вакцыне ад каронавіруса "Спутник V" і хоча прадоўжыць падобную барацьбу з COVID-19.

МІНСК, 18 чэр – Sputnik. Расія разлічвае на працяг супрацоўніцтва з Беларуссю па вакцыне ад каронавіруса "ЭпиВакКорона" па прыкладзе аналагічнай сумеснай працы па "Спутник V", заявілі ў МЗС Расіі.

У Беларусі і Расіі быў станоўчы вопыт узаемадзеяння ў сумеснай барацьбе з COVID-19. Так, гаворыцца на сайце ведамства, у Беларусь былі адпраўлены наборы тэст-сістэм і рэагентаў для вызначэння віруса, рэспіратары, СІА і многае іншае - усё на бязвыплатнай аснове.

Акрамя таго, у рэспубліцы таксама праводзіліся клінічныя выпрабаванні расійскай вакцыны ад каронавіруса "Спутник V". Удзельнічаць у іх вызвалася каля чатырох тысяч добраахвотнікаў, усяго ж было адабрана 100 чалавек.

Як нагадаў МЗС РФ, Беларусь стала першай замежнай дзяржавай, якая зарэгістравала ў сябе расійскую вакцыну.

У Беларусі 19 студзеня пачалася масавая вакцынацыя медработнікаў, 26 лютага - выпусцілі пробную партыю расійскай вакцыны ад каронавіруса "Спутник V" на прадпрыемстве "Белмедпрэпараты", а 25 сакавіка - стартаваў прамысловы выпуск вакцыны па расійскіх тэхналогіях.

"Разлічваем, што працягнем такое супрацоўніцтва і ў дачыненні да "ЭпиВакКороны", - паведамілі ў МЗС Расіі, нагадаўшы, 3 лютага кіраўнік Расспажыўнагляду Ганна Папова бязвыплатна перадала Беларусі дозы гэтай вакцыны.

Зараз Беларусь выпускае расійскую вакцыну ад каронавіруса "Спутник V", разліваючы яе на прадпрыемстве "Белмедпрэпараты" з паўпрадуктаў.

Акрамя таго, міністр аховы здароўя рэспублікі Дзмітрый Піневіч заяўляў, што да кастрычніка магчыма будзе наладжана вытворчасць расійскай вакцыны па поўным цыкле.

Зараз у Беларусі працуюць над стварэннем уласнай вакцыны ад каронавіруса. 16 чэрвеня стала вядома, што навукоўцы краіны прыступілі да выпрабаванняў айчыннага прэпарату ад COVID-19.

Чытайце таксама:

12
Тэги:
COVID-19, Барацьба, "Спутник V", каронавірус, Мінск, супрацоўніцтва, МЗС РФ, МЗС, "ЭпиВакКорона", вакцына "ЭпиВакКорона", вакцына, Беларусь, Расія
Тэмы:
Расійскія вакцыны ад каронавіруса
Фантан - любімае месца ўсіх дзяцей

Зноў аранжавы ўзровень: спёка ў Беларусі захоўваецца

19
(абноўлена 16:19 20.06.2021)
Дажджоў сіноптыкі па-ранейшаму не прагназуюць, у некаторых раёнах з-за спякоты забаронена наведванне лясоў.

МІНСК, 20 чэр - Sputnik. У дзённы час у пачатку тыдня на большай частцы Беларусі максімальная тэмпература паветра дасягне +33 градусаў.

Захаваецца спякота 22-23 чэрвеня, чакаецца малавоблачнае надвор'е, пераважна без ападкаў, вецер будзе дзьмуць умераны і паўднёва-ўсходні, паведамілі ў Белгідрамеце.

Сіноптыкі раяць не забываць асноўныя правілы паводзін у спякоту, асабліва для пажылых людзей: не выходзіць з дому без патрэбы падчас максімальнай сонечнай актыўнасці, абавязкова апранаць галаўны ўбор і браць з сабой ваду. Знаходзячыся на вуліцы, можна часам заходзіць у крамы або гандлёвыя цэнтры з кандыцыянерамі.

Надвор'е ў Беларусі ў пачатку тыдня

У Мінску ў панядзелак ападкаў не чакаецца, тэмпература паветра ноччу да +18, днём паветра прагрэецца да +32C.

У Брэсце невялікая воблачнасць, могуць прайсці кароткачасовыя дажджы (іх верагоднасць сіноптыкі ацэньваюць у 5-10%, тэмпература паветра да +32C, такое ж надвор'е чакаецца і ў Гродне.

У Віцебску без ападкаў і да +33C, а вось у Гомелі сіноптыкі не выключаюць дождж, тэмпература паветра да + 32C. У Магілёве невялікая воблачнасць, таксама магчымы кароткачасовы дождж.

Чытайце таксама:

19
Тэги:
Дождж, сіноптыкі, Беларусь, Аранжавы ўзровень небяспекі