Праца за камп'ютарам, архіўнае фота

У Беларусі распрацуюць сістэмы электронных віз

20
(абноўлена 21:25 06.07.2018)
Для выпрацоўкі прапаноў створана рабочая група на чале з намеснікам міністра замежных спраў Яўгенам Шастаковым.

МІНСК, 6 ліп — Sputnik. У Беларусі плануюць распрацаваць сістэмы электронных віз, паведамілі ў прэс-службе беларускага ўрада ў пятніцу.

Рабочая група для выпрацоўкі прапаноў па арганізацыі ў Беларусі сістэм электронных віз і аўтарызацыі падарожжаў створана паводле распараджэння прэм'ер-міністра Беларусі №193р ад 4 ліпеня бягучага года.

Узначаліў групу намеснік міністра замежных спраў Яўген Шастакоў. Спецыялісты павінны будуць сфармаваць патрабаванні да такіх сістэм. Акрамя таго, рабочая група вызначыць заказчыкаў і каардынатара работ па распрацоўцы і ўкараненню сістэм, выдзеліць іх стадыі і этапы, аб'ёмы і крыніцы фінансавання. Таксама прапановы павінны датычыцца прававога рэгулявання працы сістэм.

Да ўдзелу эксперты змогуць прыцягваць кіраўнікоў і спецыялістаў рэспубліканскіх органаў дзяржкіравання і іншых падначаленых ураду арганізацый.

Ажыццяўляць арганізацыйнае забеспячэнне дзейнасці рабочай групы будзе Міністэрства замежных спраў.

20
Тэги:
турызм, Візы, Міністэрства замежных спраў Рэспублікі Беларусь
Каментары