Выпрабаванні беспілотнага пагрузчыка БелАЗ

БелАЗ паспяхова выпрабаваў беспілотны пагрузчык, якім кіравалі з Расіі

27
(абноўлена 17:39 11.07.2018)
Аператар у той момант знаходзіўся на адлегласці 2500 кіламетраў - у расійскім Екацярынбургу.

МІНСК, 11 ліп — Sputnik. Выпрабаванні беспілотнага франтальнага пагрузчыка БелАЗ-78250 прайшлі на палігоне аўтазавода, паведаміла ў аўторак прэс-служба прадпрыемства.

Нашпігаваная рознымі сэнсарамі машына пры гэтым кіравалася выдалена — аператар накіроўваў беларускую тэхніку з Екацярынбурга, а гэта 2500 кіламетраў ад выпрабавальнага палігона.

"Кар'ерныя самазвалы, якія мы выпускаем, абсталяваныя сотнямі сэнсараў, генерыруючых у год тэрабайты інфармацыі ў рэжыме рэальнага часу, што дазваляе нам адсочваць якасць працы кар'ернага самазвала ў любым пункце планеты", — адзначыў гендырэктар БелАЗа Пётр Пархомчык.

Паводле яго слоў, на аснове інфармацыі, якая збіраецца падчас эксплуатацыі беспілотнай тэхнікі, завод у найбліжэйшай будучыні зможа даць кліентам новыя сэрвісы. Рабатызаваны комплекс, пагадненне аб стварэнні якога падпісаў завод разам з расійскімі партнёрамі, зможа павысіць прадукцыйнасць цяжкай тэхнікі і знізіць выдаткі на яе эксплуатацыю, падкрэслілі на заводзе.

27
Тэги:
Беспілотнікі, БелАЗ, Жодзіна

Раскосмас патлумачыў паходжанне загадкавага аб'екта ў небе Якуціі відэа

13
(абноўлена 13:30 09.04.2021)
Яркім аб'ектам, які назіралі 12 сакавіка ў небе над Якуціяй, мог быць разгонны блок "Фрегат", паведамілі ў прэс-службе "Роскосмоса". Глядзіце на відэа, што напалохала жыхароў пасёлка Усць-Нера.

Аб'ект, які падае і свеціцца, быў зняты на відэа 12 сакавіка жыхарамі населенага пункта.

Як паведаміла РІА Навіны, згарэлым ў атмасферы Зямлі аб'ектам мог стаць разгонны блок "Фрегат" ракеты-носьбіта "Союз-2.1б", якая была запушчана яшчэ ў 2009 годзе.

Тады на арбіту планеты былі выведзеныя шэсць спадарожнікаў: пяць расійскіх і адзін паўднёваафрыканскі.

Глядзіце таксама:

13
Тэги:
жыхар, Раскосмас, Якуція, відэа

Надзвычай рэдкі метэарыт знайшлі ў Вялікабрытаніі відэа

5
(абноўлена 13:30 09.04.2021)
Навукоўцам удалося сабраць фрагменты касмічнага цела вагой у 300 грамаў. Узоры можна зблытаць з простымі кавалкамі вугалю, але касмічны камень можа ўтрымліваць інфармацыю аб ранняй гісторыі сонечнай сістэмы. Глядзіце на відэа, як выглядае рэдкая знаходка.

Фрагменты касмічнага цела знайшоў жыхар гарадка Глосцершыр на захадзе Англіі прама на сцежцы каля свайго дома.

Абвуглены камень аказаўся абломкам метэарыта, які праляцеў у небе над поўднем Англіі 28 лютага 2021 года. Навукоўцы змаглі сабраць фрагменты касмічнага цела вагой у 300 грамаў.

Хімічная назва знаходкі – «углистый хондрит». Камяністы матэрыял змяшчае арганічныя рэчывы і амінакіслоты, неабходныя для ўзнікнення жыцця.

Фрагменты метэарыта настолькі добра захаваліся, што навукоўцы параўноўваюць іх з ўзорамі, сабранымі падчас касмічных місій. Узоры касмічнага аб'екта можна зблытаць з кавалкамі звычайнага вугалю, але яны нашмат больш мяккія і далікатныя.

Метэарыты нашмат старэй, чым любы іншы камень з Зямлі, і вандруюць у космасе тысячы гадоў, звычайна удараючыся аб сонца, а часам і падаюць на Зямлю. Паводле заявы Музея натуральнай гісторыі ў Лондане, касмічны камень можа ўтрымліваць адказы аб ранняй гісторыі сонечнай сістэмы і жыцця на Зямлі.

Глядзіце таксама:

5
Тэги:
гісторыя, Навукоўцы, навука, Космас, Велікабрытанія, метэарыт, відэа
Аляксей Янукевіч і Дзмітрый Кастусёў

Затрыманы лідэр БНФ Рыгор Кастусёў

6
(абноўлена 12:10 13.04.2021)
Старшыня партыі "Беларускі народны фронт" знаходзіцца ў сталічным СІЗА КДБ па крымінальнай справе.

МІНСК, 13 кра - Sputnik. Затрымалі кіраўніка апазіцыйнай партыі Беларусі Рыгора Кастусёва, пра гэта паведамляецца ў сацсетках БНФ.

Зараз ён знаходзіцца ў СІЗА КДБ (так званая "Амерыканка") у Мінску, як удакладняецца, "па крымінальнай справе". Сваякі даведаліся аб затрыманні пасля таго, як ім патэлефанавалі з Камітэта дзяржбяспекі.

Па дадзеных СМІ, затрыманне адбылося напярэдадні ўвечары ў Шклове (Магілёўская вобласць).

Каментарыяў праваахоўных органаў з нагоды таго, што здарылася пакуль няма.

Рыгор Кастусёў у палітыцы больш за 30 гадоў. У партыю "Беларускі народны фронт" ён уступіў у 1989 годзе, з 2009 года займаў пасаду намесніка старшыні партыі, а ў 2017 годзе палітык узначаліў БНФ. У 2010 годзе вылучаўся кандыдатам у прэзідэнты, пасля выбараў з-за ўдзелу ў акцыі пратэсту быў затрыманы праваахоўным органамі, аднак асуджаны не быў.

Чытайце таксама:

6