Агляд у афтальмолага - выбар лінзаў

Беларускі медыцынскі IT-стартап атрымаў прэстыжную міжнародную прэмію

14
(абноўлена 09:07 14.11.2018)
Стартап Deep Dee, звязаны са штучным інтэлектам і сучаснымі тэхналогіямі, стаў адным з пяці лаўрэатаў.

МІНСК, 14 ліс - Sputnik. Беларускі інавацыйны медыцынскі праект Deep Dee стаў лаўрэатам прэстыжнай міжнароднай прэміі Bayer, паведамілі арганізатары рэспубліканскага конкурсу сацыяльных праектаў Social Weekend.

Інфармацыя пра тое, што праект увайшоў у шорт-ліст Aspirin: Social Innovation Award 2018, з'явілася ў сярэдзіне кастрычніка. Deep Dee досыць хутка падняўся на першыя радкі чарта, а да канца галасавання за беларускі праект аддалі галасы больш за 5,5 тысячы чалавек. Гэта дало магчымасць прэзентаваць ідэю міжнароднаму журы, у склад якога ўваходзяць практыкуючыя ўрачы і навукоўцы розных краін.

Па выніках беларускі праект стаў адным з пяці лаўрэатаў і атрымаў 20 тысяч еўра на далейшае развіццё.

IT-стартап працуе на стыку медыцыны і штучнага інтэлекту, і выкарыстоўвае сучасныя тэхналогіі. Дадзеная методыка мае на ўвазе раннюю дыягностыку распаўсюджаных захворванняў па фатаграфіі вочнага дна чалавека. Акрамя таго, алгарытмы дазваляюць распазнаць цукровы дыябет на ранняй стадыі, у планах распрацоўнікаў - вызначэнне і іншых хвароб.

Паведамляецца, што грашовае ўзнагароджанне будзе выкарыстана для набыцця абсталявання і ўкараненне новых медыцынскіх тэхналогій у краінах афрыканскага рэгіёну.

Праект DeepDee пачаўся на форуме распрацоўнікаў найбуйнейшага конкурсу сацыяльных праектаў у Беларусі ў 2017 годзе, а у 2018 ужо змог выйсці на міжнародную арэну.

14
Тэги:
Беларусь, ІТ-тэхналогіі, прэмія
Вакцынацыя ад каронавіруса

Беларусь плануе выйсці на распрацоўку ўласнай вакцыны да канца года

11
(абноўлена 14:06 17.06.2021)
Па словах галоўнага ўрача 1-й мінскай клінічнай бальніцы і старшыні Беларускай асацыяцыі ўрачоў, для Беларусі гэта будзе раўназначна палёту Юрыя Гагарына ў космас.

МІНСК, 17 чэр – Sputnik. Беларускія спецыялісты разлічваюць выйсці на распрацоўку ўласнай вакцыны ад каронавіруса да канца года, заявіў галоўны ўрач 1-й гарадской клінічнай бальніцы, старшыня Беларускай асацыяцыі ўрачоў Дзмітрый Шаўцоў. Яго словы прыводзіць прэс-служба Міністэрства аховы здароўя.

Па словах Шаўцова, будуць задзейнічаны лепшыя беларускія спецыялісты, у тым ліку і сумежных профіляў. Галоўны ўрач параўнаў распрацоўку нацыянальнай вакцыны ад COVID-19 з палётам Гагарына ў космас.

"Да канца года Беларусь плануе выйсці на распрацоўку ўласнай вакцыны", - сказаў Шаўцоў.

Напярэдадні стала вядома, што выпрабаванні беларускага прэпарата ад каронавіруса ўжо пачаліся, яны праходзяць у РНПЦ эпідэміялогіі і мікрабіялогіі.

Беларуская вакцына ад каронавіруса

16 чэрвеня стала вядома, што беларускія навукоўцы прыступілі да выпрабаванняў айчыннай вакцыны ад каронавіруса. Спецыялісты вызначыліся з тыпам вакцыны, выбралі некалькі варыянтаў і прыступілі да выпрабаванняў на жывёлах. Вопытны ўзор павінен быць гатовы ўжо да восені, а запуск у вытворчасць плануецца ў 2022 годзе. Наперадзе яшчэ некалькі складаных этапаў.

Нагадаем, 1 красавіка Аляксандр Лукашэнка падпісаў распараджэнне па стварэнні беларускай вакцыны. Па планах, на 2021 год закладзена выкананне навукова-даследчых работ па стварэнні прататыпа айчыннага прэпарату, на 2022-2023 гады - правядзенне даклінічных і клінічных выпрабаванняў.

7 траўня Лукашэнка паведаміў, што Беларусь атрымала ўласную вакцыну ад каронавіруса "у прабірцы". Па сутнасці быў атрыманы кандыдатны варыянт вакцыны - так званая "вакцына ў прабірцы".

Перавагі і недахопы

Вакцына, якую распрацоўваюць у Беларусі - інактываваная, гэта значыць зроблена з "забітага" віруса: гэты тып вакцыны добра вывучаны, тэхналогія вядомая даўно, вакцына будзе маларэактагеннай, без аддаленых пабочных рэакцый і наступстваў.

Перавага будучай вакцыны - магчымасць мяняць састаў пры неабходнасці, калі будуць адбывацца сур'ёзныя мутацыі штамаў.

З недахопаў - цяжкі працэс вытворчасці і працяглыя тэрміны стварэння ў параўнанні з тымі ж вектарнымі вакцынамі. Праца ідзе з высокапатагенным матэрыялам, таму патрабуецца высокі ўзровень біялагічнай абароны.

Чытайце таксама:

11
Тэги:
уласная вакцына, каронавірус, вакцына, Беларусь
Тэмы:
Каронавірус COVID-19

У Кітаі робатаў навучылі іграць на музычных інструментах - відэа

24
(абноўлена 18:47 12.06.2021)
У выніку атрымаўся сапраўдны аркестр, які назвалі MOJA. Робаты ўжо правялі некалькі выступленняў на аніміраванай сцэне - глядзіце відэа.

Тэхнікі калібруюць і настройваюць інструменты для робатаў, якія затым ужо выступаюць на сцэне. У наборы ў робамузыкантаў - бамбукавая флейта, кітайская арфа, пайгу, а таксама барабаны.

Стварылі такі незвычайны музычны калектыў студэнты і выкладчыкі пекінскага Універсітэта Цінхуа. Як яны кажуць, каб паказаць сувязь паміж гісторыяй і тэхналогіямі. Аказваецца, гэта цалкам спалучальна.

У мінулым аркестр робатаў разам са студэнтамі ўніверсітэта ставіў спектаклі ва ўніверсітэце. І гэта таксама мела вялікі поспех.

Глядзіце таксама:

24
Тэги:
сцэна, выступленне, аркестр, відэа, музычны інструмент, робат, Кітай

"Карону пакуль не надзяваў": Бокій пра рэкорды на Паралімпіядзе і матывацыю

0
(абноўлена 12:18 17.06.2021)
Як беларускі рэкардсмен-паралімпіец Ігар Бокій рыхтуецца да стартаў у Токіа, як змяніліся трэніроўкі на фоне каронавірусных абмежаванняў і што да гэтага часу матывуе спартсмена, які сабраў ужо ўсе магчымыя медалі ў сваёй скарбонцы?

Беларускі плывец Ігар Бокій - уладальнік 11 залатых паралімпійскіх медалёў, 1 сярэбранай і 1 бронзавай. У яго калекцыі - шматлікія ўзнагароды чэмпіянатаў свету і Еўропы, у тым ліку, 6 залатых медалёў нядаўняга еўрапейскага першынства, якое прайшло ў траўні ў Партугаліі.

"Калі я стартую, з раніцы прачынаюся, снедаю, збіраюся, еду, выступаю, абавязкова дзённы сон потым, каб аднавіцца. Толькі прачынаешся, зноў выязджаеш на фінал, нават часу асабліва не было, каб нешта паглядзець, пагуляць, пахадзіць", - распавядае Бокій пра графік спаборніцтваў.

Спартсмен адзначае, што каронавірусныя абмежаванні на спаборніцтвах істотна ўскладнілі і падрыхтоўку, і спосабы правядзення стартаў. "Калі раней гэта была свабодная арганізацыя, то цяпер старты праводзяцца пад такім купалам - арганізатары нікога не хочуць выпускаць, строга гасцініца, спартыўны аб'ект, аўтобусы і ўсё такое. Плюс многія краіны пазачыняліся, няма магчымасці кудысьці выехаць на падрыхтоўку. Калі раней мы ў Славенію выязджалі, праводзілі зборы, то цяпер толькі Турцыя пакуль засталася", кажа паралімпіец.

Аб сваёй калекцыі ўзнагарод разважае сціпла: "Карону пакуль не надзяваў. Матывуе тое, што мне гэта падабаецца, гэтая абстаноўка, калі ты выходзіш на п'едэстал, цяпер, вядома, гэта будзе без гледачоў. Раней было з гледачамі, гэты шум апладысментаў, гул, вось гэта ўсё, вельмі невымоўныя адчуванні, а другое - я стараюся працаваць для павышэння асабістага выніку, даведацца, наколькі я здольны мінімізаваць гэтыя секунды на дыстанцыі", - кажа Бокій.

Глядзіце таксама:

0
Тэги:
Токіа, матывацыя, Паралімпійцы, Ігар Бокій, Карона