Новы беларускі электрамабіль прыняў удзел у "Ралі свету"

© Sputnik / Виктор ТолочкоБеларускі электрамабіль
Беларускі электрамабіль - Sputnik Беларусь
Падпісацца
У НАН заяўляюць, што беларускі гоначны электракар зможа спаборнічаць з Tesla.

МІНСК, 4 чэр - Sputnik. Новы беларускі электрамабіль прыняў удзел у міжнародным марафоне "Ралі свету", аднак пакуль неафіцыйна, паведамілі ў панядзелак у эфіры тэлеканала "Беларусь 1".

У Мінску 3 чэрвеня на выпрабавальным палігоне Акадэміі навук для ўдзельнікаў гонкі правялі перадпаказ беларускай распрацоўкі.

"У наступным годзе, я спадзяюся, мы зможам ужо паўнавартасна паўдзельнічаць, таму што ў нас яшчэ ёсць наш ініцыятыўны праект - гоначны электрамабіль. На ім мы зможам паспаборнічаць і з Tesla", - сказаў начальнік навукова-інжынірынгавага цэнтра Аб'яднанага інстытута машынабудавання НАНБ Аляксандр Бялевіч.

© Sputnik / Виктор ТолочкоПрадстаўнік інстытута машынабудавання Аляксандр Бялевіч
Новы беларускі электрамабіль прыняў удзел у Ралі свету - Sputnik Беларусь
Прадстаўнік інстытута машынабудавання Аляксандр Бялевіч

Марафон электрамабіляў "Ралі свету" пачаўся ў канцы мая ў Монтэ-Карла. У яго маршруце - 30 этапаў, з іх тры праходзяць па тэрыторыі Беларусі.

© Sputnik / Виктор ТолочкоУдзельнікі марафона "Ралі свету"
Новы беларускі электрамабіль прыняў удзел у Ралі свету - Sputnik Беларусь
Удзельнікі марафона "Ралі свету"

Першы беларускі электрамабіль быў створаны ў рэспубліцы ў 2017 годзе на базе Geely. Яго масавая вытворчасць яшчэ не пачата, а ў НАН мяркуюць, што пры выхадзе на рынак кошт электракара складзе 15-16 тысяч долараў ЗША.

Стужка навiн
0