Пачынаць трэба з дзіцячых тэхнапаркаў: як СНД дапаможа ўкараняць інавацыі

© Sputnik / Владимир Трефилов / Перайсці ў медыябанкКіраўнік Федэральнага агенцтва па справах Садружнасці Незалежных Дзяржаў, суайчыннікаў, якія пражываюць за мяжой, і па міжнародным гуманітарным супрацоўніцтве Элеанора Мітрафанава
Кіраўнік Федэральнага агенцтва па справах Садружнасці Незалежных Дзяржаў, суайчыннікаў, якія пражываюць за мяжой, і па міжнародным гуманітарным супрацоўніцтве Элеанора Мітрафанава - Sputnik Беларусь
Падпісацца
На Пецярбургскім міжнародным эканамічным форуме збіралі ідэі для Міждзяржаўнай праграмы па інавацыйным супрацоўніцтве да 2030 года.

У дзяржавах - удзельніцах Міждзяржаўнай праграмы па інавацыйным супрацоўніцтве СНД (Арменія, Беларусь, Казахстан, Кыргызстан, Расія, Таджыкістан і Узбекістан) будуць створаны рабочыя групы.

Лукашэнка: у высокіх тэхналогіях Беларусь - лідар у СНД і не саступае Еўропе - Sputnik Беларусь
Радыё
Лукашэнка: у высокіх тэхналогіях Беларусь - лідар у СНД і не саступае Еўропе

Пра гэта заявіла кіраўнік Рассупрацоўніцтва Элеанора Мітрафанава ў ходзе панэльнай дыскусіі пра інавацыі ў навукова-тэхнічнай сферы на ПМЭФ-2019. Яна распавяла пра падыходы да распрацоўкі новай праграмы.

Па словах кіраўніка Рассупрацоўніцтва, удзельнікамі рабочых груп стануць прадстаўнікі органаў улады, вузаўскай і акадэмічнай навукі, прамысловасці і інавацыйнага бізнесу.

"Распрацоўнікам новай праграмы трэба будзе вызначыць, што захаваць з дзеючай праграмы, што дадаць, зыходзячы з нацыянальных інтарэсаў краін і нацыянальных стратэгій адукацыі і інавацыйнага развіцця", - адзначыла Мітрафанава.

Краіны, якія ўдзельнічаюць у праграме, створаць міждзяржаўныя грантавыя праграмы для даследчыкаў і распрацоўшчыкаў, здольныя канкураваць з падобнымі еўрапейскімі або амерыканскімі праектамі.

На думку кіраўніка Рассупрацоўніцтва, трэба палегчыць інвестарам з краін, якія не ўваходзяць у Садружнасць, магчымасць удзельнічаць у фінансаванні міждзяржаўных праектаў.

Элеанора Мітрафанава заявіла: "Адукацыя ў інавацыйнай сферы пачынаючы з дзіцячага ўзросту павінна стаць нормай. Яна павінна таксама ўлічваць інтарэсы вузаўскай, акадэмічнай навукі і інавацыйных прадпрымальнікаў".

Яна адзначыла, што адукацыйныя праекты, новыя падыходы да школьнай адукацыі трэба развіваць сумесна, выкарыстоўваючы вопыт дзіцячых тэхнапаркаў "Кванторыум", адукацыйнага цэнтра "Сірыус", праекта "Назарбаеў Інтэлектуальныя Школы", іншых праектаў з краін - удзельніц міждзяржпраграмы.

Спікер панэльнай дыскусіі згадала і пра тое, што патрэбны новыя, больш якасныя кантакты паміж прафесійнымі супольнасцямі. Ад гэтага залежыць, як будуць вырашацца задачы прамысловай кааперацыі і трансферу тэхналогій, якія ўлічваюць існуючы вопыт краін СНД і лепшыя сусветныя практыкі.

31 мая ў Ашхабадзе Савет кіраўнікоў урадаў СНД прыняў рашэнне аб распрацоўцы праекта Міждзяржаўнай праграмы па інавацыйным супрацоўніцтве дзяржаў - удзельніц СНД да 2030 года. Задача па распрацоўцы гэтага праекта ўскладзена на Рассупрацоўніцтва, Фонд Сколкава, Міждзяржаўны савет па навукова-тэхнічным і інавацыйнага супрацоўніцтва і Выканаўчы камітэт СНД.

Чытайце таксама: 

  • БДТУ стаў рэзідэнтам тэхнапарку "Сколкава"
Стужка навiн
0