Руль электракара Tesla, архіўнае фота

Эйсмант распавяла, адкуль у Лукашэнкі аўтамабіль Tesla

9
(абноўлена 11:58 11.09.2019)
Па словах прэс-сакратара, прэзідэнт нават часткова разбіраў машыну, каб паглядзець, як яна ўладкованая.

МІНСК, 11 вер - Sputnik. Прэс-сакратар беларускага прэзідэнта Наталля Эйсмант распавяла, што аўтамабіль Tesla ў Аляксандра Лукашэнкі "з завода", паведаміла газета Deutsche Welle.

Прэзідэнт рэспублікі падчас урока ў мінскай школе № 93 расказаў вучням, што электрамабіль Tesla, які ён хваліў яшчэ ў пазамінулым годзе, яму падарыў кіраўнік амерыканскай кампаніі Ілона Маск. Аднак пазней кіраўнік Tesla Motors ў Twitter заявіў, што не рабіў такога падарунка беларускаму лідару.

Па словах Эйсмант, у прэзідэнцкім аўтапарку сапраўды ёсць амерыканскі аўтакар мадэлі S P100D, а трапіў ён туды "з заводу".

Яна таксама ўдакладніла, што перыядычна Лукашэнка асабіста правярае машыну на хуткасць. "А аднойчы нават разабраў часткова, каб паглядзець, як яна працуе - як батарэя да дна мацуецца, ну і гэтак далей", - сказала Эйсмант.

Прэс-сакратар прэзідэнта таксама абвергла чуткі, што машыну кіраўніку дзяржавы падарыў дырэктар ЗТАА "Славкалій" Міхаіл Гуцарыеў. Яна адзначыла, што у бізнесоўца было такое жаданне.

"Але прэзідэнт адмовіўся, таму што такая машына ў яго ўжо была - тая самая, якую ён выпрабоўваў", - сказала Эйсмант.

Паводле яе слоў, Лукашэнка станоўча ставіцца да развіцця электратранспарту ў рэспубліцы і ў яго ёсць мара - каб у Беларусі выпускалі ўласны электрамабіль.

9
Тэги:
Ілон Маск, Аляксандр Лукашэнка, Беларусь

Тэхналогіі