Мабільны тэлефон

Праграму "Падарожнічаю без COVID-19" зараз можна ўстанавіць на смартфон

17
(абноўлена 11:18 08.02.2021)
Бяспечнае перамяшчэнне грамадзян у ЕАЭС будзе забяспечвацца у тым ліку з дапамогай мабільнай праграмы, якая стала даступная да запампоўкі.

МІНСК, 8 лют – Sputnik. Мабільная праграма "Падарожнічаю без COVID-19" для свабоднага і бяспечнага перамяшчэння ў ЕАЭС ва ўмовах пандэміі каронавіруса, з'явілася ў крамах прыкладанняў AppStore і Google Play.

"Прыкладанне дазваляе знаходзіць лабараторыі побач з вамі для здачы аналізаў на COVID-19 перад падарожжам паміж краінамі ЕўрАзЭС. Пры перасячэнні мяжы пакажыце QR-код з вынікам аналізу кантралёру", - гаворыцца ў апісанні праграмы.

Пасля ўстаноўкі праграмы на смартфон трэба дазволіць доступ да дадзеных геалакацыі. Такім чынам, можна будзе ўбачыць, дзе знаходзяцца лабараторыі для тэставання на каронавірус.

Праграма таксама папросіць адсканіраваць пашпарт, выбраць кропку адпраўлення і краіну прыбыцця, акрамя гэтага трэба абраць лабараторыю, дзе будзе зроблены тэст, і запісацца анлайн на яго праходжанне.

У лабараторыі карыстальніку прапануюць падпісаць згоду на правядзенне даследавання і атрыманне выніку ў мабільным прыкладанні.

"На згодзе прысутнічае QR-код, адсканіруйце яго праз праграму. Чакайце вынікаў даследавання. Вынікі даследавання паступяць у мабільнае прыкладанне ў фармаце QR-кода. Прад'явіце яго па патрабаванні кантралюючых органаў падчас паездкі", - тлумачыцца ў прэзентацыі праграмы.

Чытайце таксама:

17
Тэги:
ЕАЭС, Падарожжа, каронавірус, тэст, прыкладанні
Медыцынскі работнік трымае ў руцэ вакцыну ад COVID-19 Гам Кавід Вак (Спутник V)

Вытворчасць вакцыны ад COVID з паўпрадукту хутка запусцяць у Беларусі

14
(абноўлена 21:36 24.02.2021)
Кіраўнік беларускага Міністэрства аховы здароўя Дзмітрый Піневіч раней заявіў, што ў краіне штомесяц плануецца выпускаць каля 500 тысяч доз прэпарату супраць каронавіруса.

МІНСК, 25 лют – Sputnik. Вытворчасць вакцыны ад каронавіруснай інфекцыі з паўпрадукту ў бліжэйшы час будзе запушчана на базе РУП "Белмедпрэпараты", заявіў гендырэктар рэспубліканскага ўнітарнага прадпрыемства "Кіруючая кампанія холдынгу "Белфармпрам" Сяргей Казакевіч.

Раней міністр аховы здароўя Беларусі Дзмітрый Піневіч заявіў, што ў сакавіку ў краіне пачнецца выпуск расійскай вакцыны ад COVID-19 "Спутник V". Паводле яго слоў, штомесячны аб'ём вытворчасці складзе каля 500 тысяч доз. Прэзідэнт Аляксандр Лукашэнка раней казаў, што вакцына ўласнай распрацоўкі з'явіцца ў краіне да восені.

Казакевіч адзначыў, што ў адпаведнасці з даручэннямі кіраўніка дзяржавы і ўрада кіруючай кампаніяй працягваецца работа па лакалізацыі ў Беларусі вытворчасці расійскай вакцыны "Спутник V".

"У бліжэйшыя дні стартуе вытворчасць вакцыны з паўпрадукту на пляцоўках РУП "Белмедпрэпараты", да канца гэтага тыдня плануецца ажыццявіць разліў валідацыйных серый вакцыны", - сказаў Казакевіч. Яго словы прыводзіць прэс-служба Міністэрства аховы здароўя.

Паралельна беларускі бок працягвае працу па арганізацыі выпуску прэпарата з адной з расійскіх кампаній па поўным вытворчым цыкле.

Беларусь стала першай дзяржавай пасля Расіі, якая афіцыйна зарэгістравала "Спутник V". У канцы снежня пачалі прышчапляць грамадзян з груп рызыкі - медыкаў. Масавая вакцынацыя пачнецца ў краіне ў сакавіку, усяго на добраахвотнай аснове плануецца прышчапіць больш за 5,5 мільёна чалавек. У Міністэрстве аховы здароўя заяўлялі, што на тэрыторыі рэспублікі будзе наладжана сумесная вытворчасць вакцыны. Акрамя таго, Расія перадала беларускаму Міністэрству аховы здароўя сваю другую вакцыну - "ЭпиВакКорона".

Чытайце таксама:

14
Тэги:
Міністэрства аховы здароўя, Дзмітрый Піневіч, Беларусь, каронавірус, Вакцынацыя, вакцына, вытворчасць
Тэмы:
Расійскія вакцыны ад каронавіруса
Электробус Е321

Парк абнаўляецца: новыя аўтобусы і электробусы пачалі працаваць у Мінску

14
(абноўлена 21:16 24.02.2021)
Раней прэм'ер-міністр заяўляў, што да канца пяцігодкі траціна гарадскога грамадскага транспарту будзе электрычнай.

МІНСК, 25 лют – Sputnik. Эксплуатацыя новых аўтобусаў МАЗ-203, а таксама электробусаў "Белкамунмаш" мадэлі Е321 удасканаленай канструкцыі, пачалася ў сталіцы, паведаміла прэс-служба Мінгарвыканкама.

Аўтобус МАЗ-203 абсталяваны рухавіком экалагічнага класа Еўра-5 і мае нізкую падлогу, што палягчае пасадку і высадку пасажыраў. Новы транспарт месціць да 150 пасажыраў. Усяго ў пачатку 2021 года Мінсктранс атрымаў пяць такіх аўтобусаў.

Электробусаў "Белкамунмаш" мадэлі Е321 у сталіцы пакуль толькі дзевяць.

Раней у Мінтрансе Беларусі паведамлялі, што распрацоўваецца дзяржаўная праграма да 2025 года, у якой прапісана развіццё электратранспарту. Па ёй плануецца электрыфікаваць 30% усяго гарадскога пасажырскага транспарту рэспублікі.

Рэалізацыя плана пачнецца спачатку ў Мінску і абласных гарадах, а таксама ў населеных пунктах з насельніцтвам больш за 100 тысяч жыхароў. Кожны канкрэтны рэгіён будзе выпрацоўваць уласную транспартную стратэгію самастойна.

Падчас выступлення на VI Усебеларускім народным сходзе прэм'ер-міністр рэспублікі Раман Галоўчанка заявіў, што ў краіне плануецца выпускаць малагабарытную, камунальную тэхніку, пасажырскі і грузавы электратранспарт, легкавы і індывідуальны транспарт. А да канца пяцігодкі траціна гарадскога транспарту стане электрычнай.

Чытайце таксама:

14
Тэги:
Беларусь, Мінск, электробус, аўтобус, парк
Вакцынацыя ад COVID-19

Расійскую вакцыну "Спутник V" зарэгістравалі ў Гватэмале

0
(абноўлена 18:00 25.02.2021)
Гватэмала стала 37-й па ліку краінай, дзе ўхвалена прымяненне расійскага прэпарата, які ўвайшоў у топ-3 сусветных вакцын супраць каронавіруса па колькасці атрыманых адабрэнняў.

МІНСК, 25 лют – Sputnik. Расійская вакцына "Спутник V" зарэгістравана ў Гватэмале, гэта ўжо трэцяя краіна Цэнтральнай Амерыкі, якая адобрыла прэпарат, перадае Расійскі фонд прамых інвестыцый (РФПІ).

"РФПІ аб'яўляе аб рэгістрацыі расійскай вакцыны супраць каронавіруса "Спутник V" міністэрствам аховы здароўя Рэспублікі Гватэмала", - распавялі ў фондзе.

Там адзначылі, што рэгістрацыя прэпарата была ажыццёўлена ў паскораным парадку.

"Бяспечная і эфектыўная расійская вакцына прызнана па ўсім свеце і з'яўляецца адным з ключавых інструментаў для барацьбы з пандэміяй", - паведаміў кіраўнік РФПІ Кірыл Дзмітрыеў.

На дадзены момант расійская вакцына "Спутник V" зарэгістравана ў Расіі, Беларусі, Аргентыне, Балівіі, Сербіі, Алжыры, Палестыне, Венесуэле, Парагваі, Туркменістане, Венгрыі, ААЭ, Іране, Рэспубліцы Гвінея, Тунісе, Арменіі, Мексіцы, Нікарагуа, Рэспубліцы Сербскай (энтытэт Босніі і Герцагавіны), Ліване, М'янме, Пакістане, Манголіі, Бахрэйне, Чарнагорыі, Сэнт-Вінсэнце і Грэнадынах, Казахстане, Узбекістане, Габоне, Сан-Марына, Гане, Сірыі, Кыргызстане, Гаяне, Егіпце і Гандурасе.

Чытайце таксама:

0
Тэги:
Гватэмала, Расія, вакцына, каронавірус
Тэмы:
Расійскія вакцыны ад каронавіруса