МІНСК, 19 мая — Sputnik. Пагадненне паміж Беларуссю і Аргенцінай аб бязвізавым уездзе ўступіла ў сілу з пятніцы, нагадалі ў дыпламатычным прадстаўніцтве РБ у паўднёваамерыканскай краіне.
Беларускія турысты могуць падарожнічаць без візы ў цэлы шэраг краін па ўсім свеце, а з гэтай пятніцы — у тым ліку і ў Аргенціну.
"З 19 мая беларусам няма неабходнасці ў візе для ўезду ў Аргенціну. Грамадзяне Беларусі, якія з'яўляюцца ўладальнікамі агульнаграмадзянскіх пашпартоў, могуць уязджаць, следаваць транзітам і часова знаходзіцца на тэрыторыі Аргенціны без віз на працягу перыяду, якi не перавышае 90 сутак з дня першага ўезду бесперапынна на працягу каляндарнага года", — паведамілі ў беларускім пасольстве ў Аргентыне.
Як пераканаўся Sputnik самы танны квіток у адзін бок на самалёт да Буэнас-Айрэса з Мінска можна набыць ад 700 долараў — з перасадкамі і больш чым суткамі ў дарозе. Большасць жа квіткоў на пералёты каштуюць у раёне тысячы долараў ЗША і ў залежнасці ад узроўню камфорту могуць каштаваць вышэй.
Аднак акрамя Аргентыны ў Паўднёвай Амерыцы беларусы змогуць наведаць і, скажам, Бразілію або Венесуэлу, з якімі ў рэспублікі таксама дзейнічае пагадненне аб бязвізавым уездзе.
