Кінатэатр Чырвоная зорка ў Гродна

Турыстычны маршрут для кінаманаў з'явіўся ў Гродне

76
(абноўлена 12:35 10.08.2017)
Работнікі кінатэатра "Чырвоная Зорка" распрацавалі карту, на адваротным баку якой ёсць кароткае апісанне фільмаў, а таксама фатаграфіі помнікаў архітэктуры гістарычнага цэнтра горада.

МІНСК, 10 жні — Sputnik. У Гродне распрацавалі унікальны маршрут і карту з абазначэннем месцаў здымак фільмаў і серыялаў, якія здымаліся ў горадзе, паведамілі Sputnik у Гродзенскім аблвыканкаме.

Работнікі кінатэатра "Чырвоная Зорка" распрацавалі карту, на адваротным баку якой ёсць кароткае апісанне фільмаў, а таксама фатаграфіі помнікаў архітэктуры гістарычнага цэнтра горада.

"Толькі паводле папярэдніх падлікаў, на вуліцах Гродна і ў наваколлі было знята каля 50 фільмаў. Дзякуючы чарадзе кінастужак, многія з якіх сталі класікай, горад нават сталі называць "беларускім Галівудам", — распавялі ў прэс-службе.

У ліку найбольш вядомых "Міколка-паравоз", "Я родам з дзяцінства", "Хрыстос прызямліўся ў Гародні", "Бронзавая птушка", "Ясь і Яніна", "Раскіданае гняздо", "Мяне клічуць Арлекіна", "У жніўні 44-га", "Сляды апосталаў".

"На карце адлюстраваны месцы здымак 16 фільмаў і серыялаў. Адлегласць ад адной станцыі да іншай можна пераадольваць пешшу або на ровары — у маршрут уключаны стужкі, якія здымаліся на ўскраінах горада. Прагулка будзе цікавая не толькі гродзенцам, але і гасцям, дазволіць убачыць горад з незвычайнага боку. Карты ў хуткім часе можна будзе набыць у кінатэатры "Чырвоная Зорка", — распавёў намеснік генеральнага дырэктара КУП "Гроднааблкінавідэапракат" Юрый Далгашэй.

76
Тэги:
туризм, кино, Гродна, Беларусь
По теме
Гродна можа страціць палац XVII стагоддзя
Каментары