Сцяг ЗША

Беларусь патрапіла ў катэгорыю бяспечных краін для турыстаў з ЗША

31
(абноўлена 13:55 11.01.2018)
Расія патрапіла ў катэгорыю "падумайце лішні раз, перш, чым паехаць".

МІНСК, 11 сту — Sputnik. Дзярждэп ЗША падзяліў краіны свету на чатыры катэгорыі па ўзроўні бяспекі для амерыканскіх турыстаў. Беларусь трапіла ў першую катэгорыю, якая азначае нешта накшталт "прытрымлівайцеся звычайных нормаў бяспекі".

"У падарожжы заўсёды ёсць рызыка. Умовы жыцця ў іншых краінах могуць адрознівацца ад амерыканскіх і могуць змяніцца ў любы час", — паведамілі ў дэпартаменце ў апісанні дадзенай катэгорыі.

Другі ўзровень прадугледжвае павышаны ўзровень увагі, дзярждэп суправодзіць турыстаў, якія адпраўляюцца ў гэтыя краіны, дадатковай інфармацыяй. Трэці ўзровень гучыць прыкладна як "Падумайце двойчы". Дзярждэп прапануе адмовіцца ад паездкі ў мэтах бясьпекі. Чацвёрты ўзровень уключае самыя небяспечныя для паездкі краіны, турыстам даюць параду не наведваць іх. Дзярждэп удакладняе, што ў выпадку небяспекі, ва ўрада мала рычагоў для аказання дапамогі турысту.

Расія патрапіла ў трэцюю катэгорыю з-за пагроз тэрарызму і дамаганняў. Украіна — у другую з-за магчымасці пратэстаў і павышанага ўзроўню злачыннасці. Іншыя суседзі нашай рэспублікі таксама як і Беларусь апынуліся ў першай, умоўна бяспечнай катэгорыі.

Сярод рызык, якія ўлічваліся пры складанні рэйтынгу — узровень злачыннасці, тэрарызм, грамадзянскія пратэсты, а таксама рызыкі, звязаныя з пагрозай здароўю, прыродныя катаклізмы і такія падзеі, як выбары ці міжнародныя спаборніцтвы.

31
Тэги:
туристы, туризм, ЗША, Беларусь

Піцерскія майстры ўзяліся за рэстаўрацыю гадзінніка Нотр-Дама - відэа

19
(абноўлена 11:00 03.03.2021)
Спецыялісты гадзіннікавага завода "Ракета", які знаходзіцца ў Санкт-Пецярбургу, рамантуюць гадзіннік сабора Парыжскай Божай Маці, пацярпелы ў выніку моцнага пажару. Як гэта адбываецца - глядзіце на відэа.

Аб'ём работ, які неабходна выканаць піцерскім майстрам, на заводзе назвалі даволі значным - гадзіннікавым майстрам трэба будзе вырабіць каля двух тысяч дэталяў.

"Мы думаем у нас у кампаніі вырабляць колы для механізма", - распавёў інжынер-канструктар прадпрыемства Віталь Камароў.

Ён адзначыў, што завод ужо вырабіў сігнальную прыладу, якая ўнутры будынка будзе паказваць час вялікага гадзінніка на фасадзе Нотр-Дама.

Раней на прадпрыемстве адзначылі, што ў Францыі цяпер няма тэхналогій для выпуску манументальных гадзіннікаў, а піцерскі завод мае такі вопыт - прыкладам гэтаму механізм у атрыуме ЦДМ у Маскве. Гадзіннік памерам шэсць на сем метраў важыць больш за чатыры тоны і складаецца з тысяч дэталяў, выкананых з розных матэрыялаў.

Пажар у саборы Парыжскай Божай Маці адбыўся 15 красавіка 2019 года. Абрынуўся шпіль сабора, полымем была агорнутая апорная канструкцыя. Як паведамілі пажарныя, структура Нотр-Дама і галоўныя творы мастацтва, рэліквіі, якія захоўваліся ў саборы, ацалелі. Пракуратура Парыжа выключае крымінальную версію ўзгарання. У якасці магчымых прычын пажару разглядаюцца непатушаная цыгарэта ці праблемы з электрычнасцю.

Прэзідэнт Францыі Эмануэль Макрон раней заявіў пра амбіцыйную мэту аднавіць Нотр-Дам за пяць гадоў, хоць многія эксперты кажуць, што на рэканструкцыю можа сысці да 15 гадоў.

19
Тэги:
гадзіннік, Санкт-Пецярбург, Францыя
Жанчына ў міжнародным аэрапорце Звартноц (Ерэван)

Беларусь і Арменія зменяць правілы рэгістрацыі грамадзян пры паездках

16
(абноўлена 12:36 02.03.2021)
Грамадзяне дзвюх дзяржаў змогуць абыходзіцца па прыездзе без рэгістрацыі месяц, аднак потым павінны стаць на ўлік.

МІНСК, 2 сак – Sputnik. Беларусь і Арменія на ўзаемнай аснове зменяць правілы рэгістрацыі сваіх грамадзян пры ўездзе.

Прэзідэнт Беларусі Аляксандр Лукашэнка ўхваліў праект дакумента аб унясенні дапаўнення ў міжурадавае пагадненне з Арменіяй, якое прадугледжвае ўзаемныя паездкі грамадзян дзвюх краін. Адпаведны ўказ быў падпісаны напярэдадні, паведамляе прэс-служба беларускага лідэра.

Так, прапануецца грамадзян аднаго боку, якія часова прыязджаюць на тэрыторыю іншага боку, вызваліць ад рэгістрацыі з моманту ўезду на 30 дзён. Аднак па завяршэнні дадзенага тэрміну гэтыя людзі павінны ўстаць на ўлік у органы міграцыі альбо ўнутраных спраў.

Беларускі прэзідэнт даручыў міністэрству замежных спраў правесці перамовы па гэтым пытанні, і, калі будзе дасягнута ўзаемная дамоўленасць, падпісаць адпаведны дакумент з армянскім бокам.

Нагадаем, паміж Беларуссю і Арменіяй дзейнічае бязвізавы рэжым. Для ўезду не патрабуецца якіх-небудзь дазволаў.

На дадзены момант усе грамадзяне Арменіі на працягу пяці рабочых дзён пасля перасячэння мяжы Беларусі абавязкова павінны зарэгістравацца. Афармляецца такая часовая рэгістрацыя ў падраздзяленні па грамадзянстве і міграцыі тэрмінам на 90 дзён.

У тым выпадку, калі грамадзянін Арменіі не атрымаў рэгістрацыю своечасова, ён будзе аштрафаваны (да 20 базавых велічынь) і, магчыма, дэпартаваны за межы краіны.

Беларусы могуць знаходзіцца на тэрыторыі Арменіі без візы да 180 дзён, аднак пасля месяца знаходжання неабходна прайсці рэгістрацыю ў міграцыйных органах.

Чытайце таксама:

16
Тэги:
правіла, дзяржава, Арменія, Беларусь