Сфінкс і піраміды ў Эль-Гізе

Егіпет уводзіць новыя візы для турыстаў

22
(абноўлена 13:01 05.03.2020)
Змены ўступяць у сілу з лета 2020 года, дакументы можна будзе аформіць толькі ў консульствах краіны або на спецыяльным партале.

МІНСК, 5 сак - Sputnik. Улады Егіпта аб'явілі аб увядзенні новага тыпу турыстычнай візы, пра гэта паведаміла выданне Youm7.

Новая віза будзе выдавацца на пяць гадоў, знаходжанне ў краіне пры кожным заездзе не зможа перавышаць 90 дзён. Атрымаць яе можна будзе толькі праз консульства Егіпта або партал электронных віз.

Новыя правілы ўступяць у сілу з 1 чэрвеня бягучага года.

Таксама будуць спрошчаны правілы ўезду ў Егіпет тых, хто ўжо мае ў пашпарце шэнгенскія, амерыканскія і брытанскія візы.

Турыстам, якія прыбываюць у аэрапорты гарадоў Луксор і Асуан ў спякотныя месяцы (чэрвень-жнівень), будзе давацца скідка на візу ў памеры дзесяці долараў.

На дадзены момант аднаразовая егіпецкая віза пры афармленні праз электронны партал каштуе 25 долараў, шматразовая - 60 долараў.

Акрамя таго, колькасць краін, грамадзяне якіх маюць права атрымліваць візу на мяжы, павялічваецца да 46. Нагадаем, што грамадзяне Беларусі і раней маглі атрымаць візы непасрэдна ў аэрапорце Егіпта, яны давалі магчымасць знаходжання ў краіне на працягу 30 дзён - такая магчымасць застанецца ў турыстаў і зараз.

Меры прымаюцца ў мэтах заахвочвання турызму і развіцця інвестыцый у турыстычны сектар краіны.

Па дадзеных афіцыйнага інфармацыйнага агенцтва MENA, даходы Егіпта ад турызму ў 2018-2019 фінансавым годзе выраслі на 28% і склалі 12,2 мільярда долараў.

22
Тэги:
Візы, Егіпет
Крэйдавыя кар'еры пад Ваўкавыскам

"Беларускія Мальдывы" пад Ваўкавыскам адкрыюць для турыстаў

4
(абноўлена 10:38 14.07.2020)
Крэйдавыя кар'еры ў Гродзенскай вобласці, якія часта параўноўваюць з Мальдывамі за блакітныя вадаёмы і пясчаныя берагі, улады маюць намер афіцыйна зрабіць мясцовай турыстычнай славутасцю.

МІНСК, 14 ліп - Sputnik. Ваўкавыскія ўлады маюць намер арганізаваць прамысловы турызм на адпрацаваных кар'ерах Краснасельскага завода, пра гэта паведамілі ў эфіры тэлеканала Беларусь 1.

Кар'еры каля вёсак Навасёлкі і Карпоўцы ў Ваўкавыскім раёне з'яўляюцца тэхнічнымі вадаёмамі, якія ўтварыліся пасля выпрацоўкі крэйдавых адкладаў. Яны вельмі глыбокія, якасць вады ў іх пакідае жадаць лепшага, а берагі стромкія і небяспечныя, таму Краснасельскі завод і мясцовы райвыканкам забаранілі наведваць гэтую тэрыторыю.

Аднак жаданне зрабіць прыгожае фота ў нашых і замежных турыстаў аказалася нашмат мацней, чым страх атрымаць штраф. Людзі працягнулі прыязджаць на "беларускія Мальдывы". Мабыць, стаміўшыся змагацца з ветракамі, улады вырашылі нарэшце арганізаваць экскурсіі да гэтага папулярнага месца.

"Сумесна з раённай уладай у рамках прамысловага турызму адпрацаваны шлях, пачынаючы з заводу музея і працягваючы ўжо сюды, у кар'ер. Прадугледжана будаўніцтва назіральнай пляцоўкі з устаноўкай агародж. Толькі групамі і толькі пад наглядам", - распавёў тэлеканалу гендырэктар ААТ "Краснасельскбудматэрыялы" Аляксандр Вяселік.

У Беларусі дзясяткі падобных кар'ераў. Акрамя Ваўкавыска, крэйдавыя вадаёмы ёсць у прыгарадзе Гродна, недалёка ад вёскі Пышкі (Гродзенская вобласць), каля вёскі Кабакі (Брэсцкая вобласць), у Любанскім раёне, каля вёскі Лазовіца (Клімавічы), у прыгарадзе Крычава. Большасць з іх прыцягваюць турыстаў, але да гэтага часу застаюцца пад забаронай для наведвання.

4
Тэги:
Турызм і адпачынак, Ваўкавыск
На тэрыторыі аднаго з гатэляў у Егіпце

МЗС папярэдзіў беларусаў пра магчымыя праблемы пры паездках на адпачынак

4
(абноўлена 08:50 14.07.2020)
Беларускім турыстам настойліва рэкамендуецца ўлічваць раптоўнае ўвядзенне пэўных абмежаванняў у тых ці іншых краінах.

МІНСК, 14 ліп - Sputnik. Міністэрства замежных спраў Беларусі папярэдзіла грамадзян краіны пра праблемы, якія могуць нечакана паўстаць пры паездцы на адпачынак у адкрытыя для турыстаў краіны.

У бягучым месяцы асобныя дзяржавы пачалі прымаць на сваіх курортах замежных гасцей: беларусы ўжо могуць адправіцца ў Егіпет, Турцыю і іншыя папулярныя марскія краіны.

"З пачаткам турыстычнага сезона ў асобных краінах намеціўся рост захворванняў. Таму адкрыццё замежнымі дзяржавамі турыстычных напрамкаў для нашых грамадзян не выключае ў выпадку пагаршэння ў іх эпідэміялагічнай сітуацыі вяртанне да ранейшых абмежавальных мераў", - сказалі ў МЗС.

Там таксама адзначылі, што ў сувязі з гэтым беларускім турыстам настойліва рэкамендуецца ўлічваць раптоўнае ўвядзенне пэўных абмежаванняў.

"Яшчэ раз нагадваем, што, прымаючы рашэнне аб замежнай паездцы ў такой сітуацыі, вы несяце ўсю паўнату адказнасці за магчымыя выдаткі", - папярэдзілі ў МЗС.

У міністэрстве падкрэслілі, што для грамадзян рэспублікі падрыхтаваны чарговы агляд актуальнай інфармацыі пра краіны, дзе ў цяперашні час дзейнічаюць розныя забароны з-за COVID-19. Азнаёміцца з дакументам беларусы, якія плануюць паездку за мяжу, могуць на сайце МЗС.

4
Тэги:
МЗС Беларусі
Сцягі з сімволікай Еўрасаюза

ЕС асудзіў адмову зарэгістраваць кандыдатаў у прэзідэнты Беларусі

0
(абноўлена 17:30 14.07.2020)
Выключэнне кандыдатаў абмяжоўвае магчымасць для беларускага народа выказваць сваю волю, а таксама падрывае агульную дэмакратычнасць выбараў, лічаць у ЕС.

МІНСК, 14 ліп - Sputnik. Адмова зарэгістраваць кандыдатаў на прэзідэнцкіх выбарах у Беларусі абмяжоўвае волевыяўленне і падрывае дэмакратычнасьць выбарчага працэсу, гаворыцца ў заяве вярхоўнага прадстаўніка ЕС па знешняй палітыцы і палітыцы бяспекі Жозэпа Барэля.

Цэнтрвыбаркам у аўторак адмовіў Віктару Бабарыку ў рэгістрацыі кандыдатам у прэзідэнты. Падставай для такога рашэння стаў ліст КДК у адрас ЦВК, дзе прыведзены атрыманыя ў ходзе следства па "справе Белгазпрамбанка" дадзеныя аб фінансавых махінацыях Бабарыки і наяўнасці ў яго незаконнага даходу. Аргументам супраць рэгістрацыі ў ЦВК назвалі і тое, што некаторыя сябры ініцыятыўнай групы палітыка, якія з'яўляюцца супрацоўнікамі банка, маглі карыстацца службовымі рэсурсамі, што можа быць расцэнена як замежнае фінансаванне кампаніі.

Таксама ў рэгістрацыі было адмоўлена экс-кіраўніку ПВТ Валерыю Цапкалу: у ЦВК нагадалі, што ў яго падтрымку ўлічваецца менш за 100 тысячаў подпісаў ( "з-за высокай колькасці несапраўдных подпісаў"), акрамя таго ў яго знайшлі неадпаведнасць у дэкларацыі яго жонкі - Веранікі.

"Выключэнне кандыдатаў абмяжоўвае магчымасць для беларускага народа выказваць сваю волю, а таксама падрывае агульную дэмакратычнасць выбараў. Адмовіўшы ў рэгістрацыі Віктару Бабарыку і Валерыю Цапкалу, беларускія ўлады не змаглі забяспечыць значную палітычную канкурэнцыю", - сказана ў заяве вярхоўнага прадстаўніка ЕС.

У ЕС дадалі таксама, што разлічваюць, на тое, што Беларусь "будзе паважаць права грамадзян на свабоду волевыяўлення і мірныя сходы ў тыдні, якия папярэднічаюць выбарам".

Нагадаем, раней МЗС заявіў, што Беларусь з'яўляецца суверэннай краінай і як іншыя незалежныя дзяржавы праводзіць выбарчыя кампаніі для сябе.

"Беларусь, напэўна, пакуль яшчэ не краіна ідэальнай дэмакратыі, але вось ужо сапраўды шмат гадоў суверэнная дзяржава. Таму для нас вельмі дзіўна, калі прадстаўнік Еўрапейскага саюза, пастаянна дэкларуе падтрымку нашай незалежнасці, пачынае раптам выступаць у ролі вонкавага кіраўніка, вызначаць вінаватых і невінаватых і дыктаваць, што і як трэба рабіць "кіраўніцтву Беларусі", а таксама пагражаць санкцыямі", - заявіў раней афіцыйны прадстаўнік міністэрства замежных спраў Беларусі Анатоль Глаз.

Паводле яго слоў, Беларусь адкрыта для для раўнапраўнага і ўзаемапаважлівага дыялогу з еўрапейскімі партнёрамі. Але трываць ціск на выбарчую, судовую і праваахоўную сістэмы афіцыйны Мінск не мае намеру.

0
Тэги:
Выбары, Еўрасаюз, Беларусь
Тэмы:
Выбары прэзідэнта Беларусі - 2020