Самалёт Белавія ў Нацыянальным аэрапорце Мінск

Самалёты з Мінска ў Тбілісі не будуць лётаць да канца месяца

10
Пры гэтым, як адзначылі ў нацыянальным перавозчыку, з грузінскай сталіцы ў беларускую рэйсы працягнуць выконвацца - па адным разе на тыдзень.

МІНСК, 4 ліс - Sputnik. Авіякампанія "Белавія" працягнула да 30 лістапада прыпыненне рэйсаў ва ўсе аэрапорты Грузіі, паведамілі Sputnik у прэс-службе нацыянальнага перавозчыка.

"Гэта рашэнне грузінскіх уладаў", - удакладнілі там.

Пры гэтым у "Белавія" адзначылі, што з Тбілісі ў Мінск рэйсы будуць выконвацца, як і раней, па адным разе на тыдзень па пятніцах. Бліжэйшы самалёт з васільком вылеціць у беларускую сталіцу 6 лістапада.

Нагадаем, у мінулы аўторак нацыянальны перавозчык падоўжыў прыпыненне рэйсаў у Рыгу, Талін і Ларнаку да 14 снежня. Да гэтага "Белавія" адмяніла палёты ў Ашхабад да 1 студзеня 2021 года. Акрамя таго, да 27 сакавіка 2021 года не будзе рэйсаў у Будапешт (акрамя 8 лістапада) і Алматы.
Вярнуць грошы за адмененыя рэйсы або змяніць даты вылету можна да 30 сакавіка 2021 года.

Акрамя таго, да 27 сакавіка наступнага года не будуць выконвацца рэйсы ва ўсе пункты Расіі (акрамя маскоўскага аэрапорта "Дамадзедава") у сувязі з адсутнасцю дазволу з боку РФ.

Як раней паведамляў Sputnik, у верасні Беларусь і РФ дамовіліся аб аднаўленні рэгулярных палётаў. Зараз "Белавія" і "Аэрафлот" выконваюць па тры рэйсы на тыдзень паміж Мінскам і Масквой.

10
Тэги:
"Белавія", Тбілісі, Мінск

"Ніва" зноў выйдзе на старт ралі "Дакар" відэа

9
(абноўлена 16:49 15.06.2021)
Пасля 35-гадовага перапынку аўтамабіль "Ніва" зноў прыме ўдзел у знакамітым ралі-марафоне "Дакар". За рулём айчыннага пазадарожніка будуць прыхільнікі "Нівы" са Швейцарыі. Глядзіце на відэа, як замежнікі рыхтуюць пазадарожнік да ралі-рэйду.

Аўтамабіль "Ніва" з Новасібірска прыме ўдзел у ралі "Дакар". Пасля 35-гадовага перапынку за руль айчыннага пазадарожніка сядуць замежнікі - Марыа Якабер і Сладан Міліч са Швейцарыі.

"Дакар" пройдзе ў Саудаўскай Аравіі зімой 2022 года. А пакуль машыну трэба ўдасканаліць да прыдатнага для ўдзелу ў ралі стану. Гэтым пілот і штурман "Нівы" займаюцца ў Расіі, у Новасібірску.

За аснову быў узяты трехдзверны ВАЗ-2121 1984 года выпуску. Перад удзелам у ралі-марафоне аўтамабіль прайшоў праз шмат змен: яго разабралі, адрэстаўравалі кузаў, а шасі ўзмацнілі ў адпаведнасці са спецыфікацыямі першых савецкіх пазадарожнікаў, якія прымалі ўдзел у гонцы "Парыж - Дакар". Аднак у аўтамабіля захавалі сілавы агрэгат. Па завяршэнні ўсіх работ у Новасібірску "Ніва" адправіцца ў Швейцарыю на канчатковую дапрацоўку.

Важную ролю для маючага адбыцца заезду на адлегласць у шэсць тысяч кіламетраў грае штурман Сладан Міліч. Ён будзе сачыць за навігацыяй і за тым, каб з машынай усё было ў парадку.

У "Ніве" ён сябе адчувае абсалютна камфортна. Паводле яго слоў, у такой машыне ўсё лёгка можна адрамантаваць, у адрозненне ад тых аўтамабіляў, якія больш новыя і складаныя ў частцы электронікі.

"Наша мэта - дабрацца да фінішу, так як многія аўтамабілі проста не даходзяць да канца – бо трэба  праехаць шэсьць тысяч кіламетраў за два тыдні. Для машыны гэта велізарная нагрузка. Так што наша першая мэта - дабрацца да фінішу", - адзначыў Марыа Якабер.

Мужчыны таксама адзначылі, што хочуць вярнуць "Ніве" былую славу, бо ў 80-х гадах машына мела поспех і займала прызавыя месцы.

Глядзіце таксама:

9
Тэги:
відэа, "Дакар", ралі
Міжнародны аэрапорт Мінеральныя Воды

Новы рэйс расійскай авіякампаніі звяжа Мінеральныя Воды і Мінск

14
(абноўлена 14:21 15.06.2021)
Намеснік міністра транспарту і камунікацый Беларусі Аляксей Ляхновіч ў канцы траўня анансаваў адкрыццё гэтага маршруту.

МІНСК, 15 чэр - Sputnik. Новы рэйс расійскай авіякампаніі "Азімут" звяжа Мінеральныя Воды і Мінск, лятаць самалёты будуць па аўторках з 29 чэрвеня, паведаміла прэс-служба паветранага перавозчыка.

Першы самалёт вылеціць з Мінеральных Вод 29 чэрвеня ў 14:00 і прызямліцца ў беларускай сталіцы ў 16.50. З Нацыянальнага аэрапорта Мінск паветранае судна выляціць у гэты ж дзень у 17:50 (прылёт 20:25). Рэйс будзе выконвацца па аўторках.

Білеты ўжо паступілі ў продаж, мінімальны тарыф - ад 15 еўра без уліку збораў.

Нагадаем, на сустрэчы ў Сочы прэзідэнтаў Расіі і Беларусі Уладзіміра Пуціна і Аляксандра Лукашэнкі была дасягнутая дамоўленасць аб адкрыцці новых рэйсаў у расійскія гарады. Так, агульная колькасць рэйсаў на тыдзень у сталіцу Расіі павялічылася да дзесяці.

Падчас візіту расійскага пасла Яўгена Лук'янава ў Брэсцкую вобласць, дыпламат адзначыў, што Брэст і Калінінград могуць звязаць рэгулярнымі пасажырскімі авіяперавозкамі. Акрамя таго, 15-месныя самалёты з 11 чэрвеня пачалі лятаць з Калінінграда ў Мінск. Таксама была адкрыта новая палётная праграма з Казані ў беларускую сталіцу.

Чытайце таксама:

14
Тэги:
маршрут, Мінск, Авіякампанія, Авіярэйсы
Прэзідэнт ЗША Джо Байдэн

Байдэн пагаварыў з Пуціным пра Беларусь

25
(абноўлена 21:43 16.06.2021)
Прэзідэнт ЗША Джо Байдэн сёння ўпершыню ў якасці кіраўніка дзяржавы сустрэўся са сваім расійскім калегам Уладзімірам Пуціным, па выніках саміту амерыканскі лідэр выступіў на прэс-канферэнцыі.

МІНСК, 16 чэр – Sputnik. Прэзідэнт ЗША Джо Байдэн падчас сустрэчы з расійскім калегам Уладзімірам Пуціным абмеркаваў сітуацыю ў Беларусі.

Паводле яго слоў, ён паведаміў расійскаму калегу аб заклапочанасці ЗША з нагоды сітуацыі ў Беларусі

"Ён не не пагадзіўся са мной, ён задаў пытанне: "Што мы можам зрабіць з гэтай нагоды?" - сказаў Байдэн.

Падрабязнасці абмеркаванняў амерыканскі лідэр раскрываць не стаў.

Першая сустрэча прэзідэнтаў Расіі і ЗША пасля абрання Байдэна на высокую пасаду доўжылася суткі і складалася з трох частак: вузкай і двух пашыраных.

Раней прэс-сакратар прэзідэнта РФ Дзмітрый Пяскоў паведамляў, што Пуцін не плануе падымаць тэму Беларусі на сустрэчы з прэзідэнтам ЗША, але гатовы даць тлумачэнні, калі Вашынгтон сам яе закране.

А старэйшы дырэктар па Расіі і Цэнтральнай Азіі Савета нацыянальнай бяспекі пры Белым доме Эрык Грын адзначаў, што Джо Байдэн разлічвае абмеркаваць з расійскім калегам сітуацыю ў Беларусі і нормы грамадзянскай авіяцыі

"(...) мы будзем гаварыць пра Беларусь і неабходнасць захавання норм грамадзянскай авіяцыі, якія, як мы бачым, груба парушаліся ў апошнія тыдні", - заявіў Грын.

Чытайце таксама:

25
Тэги:
прэс-канферэнцыя, ЗША, прэзідэнт, Беларусь, Уладзімір Пуцін, Джо Байдэн