Польшча мяняе правілы ўезду для беларусаў

15:22 26.01.2021(абноўлена 12:01 26.01.2021)

Перад вылетам у суседнюю дзяржаву цяпер трэба будзе прайсці ПЦР або экспрэс-тэст на каронавірус, антыкавідную даведку правераць у аэрапорце прылёту.

МІНСК, 26 сту – Sputnik. Польшча мяняе правілы ўезду для беларусаў з 27 студзеня, распавялі Sputnik у авіякампаніі "Белавія".

Павел Сапоцька ўзначаліў Нацыянальнае агенцтва па турызме Беларусі

Пасажырам, якія вылятаюць рэйсам Мінск-Варшава, патрабуецца прайсці ПЦР або экспрэс-тэст на антыген або антыцелы не раней, чым за 48 гадзін да вылету. Тыя, хто прадаставіць тэст, вызваляюцца ад самаізаляцыі па прыбыцці ў Польшчу. Новыя правілы датычацца таксама пасажыраў, якія ідуць транзітам праз Мінск ці Варшаву.

Экспрэс-тэст на антыген выконваецца ў Нацыянальным аэрапорце Мінск перад вылетам, кошт даследавання для беларусаў складае 44 рублі 69 капеек, для нерэзідэнтаў рэспублікі - 48 рублёў 48 капеек. Рэйсы з Мінска ў Варшаву выконваюцца штодзённа.

Таксама на днях для беларусаў памяняліся правілы ўезду ў Нідэрланды. Усе пасажыры з 23 студзеня, хто ляціць рэйсам Мінск-Амстэрдам, акрамя ПЦР-аналізу, павінны здаваць экспрэс-тэст на антыген SARS-Cov-2. Адзначаецца, што тэст неабходна прайсці не раней, чым за чатыры гадзіны да вылету.

Перад Новым годам правілы ўезду зрабіла больш жорсткім Турцыя: усе пасажыры, якія прыбываюць у гэтую краіну і самалётам, і наземным транспартам, павінны прадастаўляць адмоўны тэст на каронавірус, зроблены на працягу 72 гадзін перад уездам. Такія меры засцярогі захаваюцца да 1 сакавіка.

Тэги:

Варшава, Мінск, Белавія

На самалёце і з ПЦР-тэстам: Грузія дазволіла ўезд беларусам

17:55 24.02.2021(абноўлена 17:27 24.02.2021)

Новы прэм'ер паведаміў, што зняў усе абмежаванні, уведзеныя з-за каронавіруса, - акрамя каменданцкай гадзіны.

МІНСК, 24 лют – Sputnik. Беларусы змогуць уехаць у Грузію з 1 сакавіка, пра гэта паведаміў прэм'ер Грузіі Іраклій Гарыбашвілі.

Уехаць можна пакуль што толькі паветраным шляхам - сухапутныя межы застаюцца зачыненымі для турыстаў. Абавязковая ўмова - наяўнасць з сабой адмоўнага ПЦР-тэста.

У Грузіі таксама здымаецца вялікая частка абмежаванняў, якія раней былі ўведзены з-за каронавіруса - за выключэннем каменданцкай гадзіны. Яна дзейнічае па ўсёй краіне з 21:00 да 05:00.

Адновяць работу рэстараны, якія знаходзяцца ў закрытых памяшканнях (за выключэннем выхадных дзён), хоць ім прыйдзецца выконваць шэраг умоў і рэкамендацый.

З 25 лютага ў краіне адновіць працу міжгародні транспарт і гасцініцы ў гарналыжных курортных гарадах. З 15 сакавіка адкрыюцца спартыўныя залы, тэатры, гандлёвыя цэнтры і рынкі, з 1 сакавіка зноў пачнуць працу дзіцячыя сады і ВНУ.

Прыбыццё рэйса авіякампаніі Белавія ў аэрапорт

Белавія адновіць палёты яшчэ ў два расійскія аэрапорты

Нагадаем, што абмежаванні былі ўведзены ў краіне з-за пандэміі каронавіруса. Уехаць у яе маглі з ПЦР-тэстам толькі грамадзяне краін ЕС, ад астатніх патрабавалася прадаставіць даведку аб праходжанні поўнага курса вакцынацыі. Зараз спісак стаў больш: да іх, акрамя Беларусі, дадаліся Расія, Арменія, Азербайджан, Украіна і Казахстан.

За ўвесь перыяд пандэміі каронавіруса ў Грузіі былі зафіксаваны 269 438 выпадкаў заражэнняў, памерлі 3 463 чалавекі. Вакцынацыю ад каронавіруса ўлады плануюць пачаць у сакавіку.

Дзе ў Мінску можна здаць ПЦР-тэст для паездкі за межы рэспублікі - можна прачытаць тут.

Чытайце таксама:

Белавія з 19 лютага пачынае выконваць рэйсы ў Дубай
Не толькі Масква: Беларусь і Расія аднаўляюць авіязносіны
У 2025 годзе Беларусь павінна наведаць у 2 разы больш турыстаў, чым у 2020-м

Тэги:

каронавірус, беларусы, Грузія, тэст, Самалёты

Тэмы:

Каронавірус COVID-19

Надзвычайная снежная зіма вакол свету ў фотаздымках

10:35 24.02.2021(абноўлена 22:31 23.02.2021)

Зіма ў гэтым годзе незвычайна снежная. Дзіўна, што снег выпаў нават у тых гарадах і краінах, дзе яго не бачылі дзесяткі гадоў.

Снегапад прыносіць і радасць, і няшчасце. Для кагосьці буйныя сняжынкі, што падалі з неба, гэта нагода зрабіць цудоўныя фотаздымкі, пакатацца на лыжах, зляпіць снегавіка. А для кагосьці - парушэнне звыклага рытму жыцця, стаянне ў пробках, збоі ў працы камунальных службаў.

Глядзіце ў фотастужцы Sputnik Беларусь, як сустракаюць сапраўдную снежную зіму жыхары розных краін свету.

Глядзіце таксама:

Гурбы памерам з двух чалавек: поўнач Італіі накрыў снегапад - відэа
Які партрэт, які пейзаж: паглядзіце на ледзяны "вернісаж"
Іспанцы радуюцца снегу, многія бачаць яго ўпершыню ў жыцці - відэа

© AP / Frank Rumpenhorst/dpa
Фантан правасуддзя і плошча Рёмерберг падчас снегападу ў Франкфурце-на-Майне.
© AP / Matthias Schrader
Мужчына ідзе па заснежаным ландшафце ў Оберхофе, Германія.
© AFP 2020 / Andy Buchanan
Сям'я лепіць снегавіка ў Ошцерардэры. У сярэдзіне студзеня у некаторых частках Шатландыі выпаў моцны снег.
© REUTERS / LEHTIKUVA
Заснежаныя дрэвы ў Кіцціле, Фінляндыя.
© REUTERS / SUSANA VERA
Людзі гуляюць па снезе каля сабору Ла Альмудэна ў Мадрыдзе, Іспанія.
© AP / Alvaro Barrientos
Снег у даліне Белагуа недалёка ад Ісабы, паўночная Іспанія. Начныя тэмпературы былі самымі нізкімі з 2001 года, а ў некаторых месцах краіны - з 1982-га.
© AFP 2020 / ED JONES
Змёрзлая рака Хангай ў Паўднёвай Карэі.
© REUTERS / Kim Hong-Ji
Дзяўчыны фатаграфуюць снегапад у Сеуле, Паўднёвая Карэя.
© AP / Lee Jin-man
Людзі ў масках чысцяць тэрыторыю палацавага комплексу Кенбокун у Сеуле.
© REUTERS / KYODO
Аўтамабілі завязнулі ў снезе на хуткаснай аўтамагістралі Хакурыку ў прэфектуры Фукуі, Японія, падчас снегападу ў студзені.
© AFP 2020 / Adem ALTAN
Жанчына ідзе па дарозе падчас моцнага снегападу ў Анкары, Турцыя.
© Sputnik / Евгений Одиноков
Салдат роты ганаровай варты на пасадзе №1 ля Вечнага агню на Магіле Невядомага Салдата каля Крамлёўскай сцяны ў Аляксандраўскім садзе ў Маскве.
© Sputnik / Алексей Даничев
Заснежаныя дрэвы ў горным парку "Рускеала" у Сартавальскім раёне Рэспублікі Карэлія.
© REUTERS / Vesa Moilanen/Lehtikuva
Кафедральны сабор Хельсінкі падчас снежнай буры.
© AFP 2020 / Mats ANDERSSON
Аўтамабіль едзе па заснежанай дарозе за межамі Сундсваля на поўначы Швецыі.
© AFP 2020 / PATRICK HERTZOG
У эльзаскай вёсачцы Рыквір на ўсходзе Францыі.
© REUTERS / Arnd Wiegmann
Людзі на санках падчас снегападу ў Цюрыху, Швейцарыя.
© AFP 2020 / THOMAS KIENZLE
Вінаграднікі падчас моцнага снегападу ў Айзентале недалёка ад Бадэн-Бадэна, на поўдні Германіі.
© AP / Matthias Schrader
Заснежаныя дрэвы адлюстроўваюцца ў рацэ Чапау, Германія.
© Sputnik / Павел Львов
У час сустрэчы першага світання пасля палярнай ночы на гары Сонечная ў Мурманску. Палярная ноч на шыраце Мурманска доўжылася 41 каляндарны дзень. Сустрэча сонца ў Мурманску - традыцыйнае для Мурманска мерапрыемства, калі ўпершыню пасля доўгай ночы на гарызонце з'яўляецца сонца.
© AFP 2020 / Pascal Pochard-Casabianca
Аўтамабіль праязджае пад пакрытымі снегам дрэвамі на Корсіке.