Не толькі Расія: куды зноў адкладаюцца рэйсы "Белавія"

© Sputnik / Виктор ТолочкоСамалёт "Белавія" у Нацыянальным аэрапорце "Мінск"
Самалёт Белавія у Нацыянальным аэрапорце Мінск - Sputnik Беларусь, 1920, 22.03.2021
Падпісацца
З-за пандэміі каронавіруса многія краіны скарацілі ці спынілі авіязносіны. Гэта адбілася і на беларускім перавозчыку.

МІНСК, 22 сак – Sputnik. Да 27 сакавіка прыпынены палёты самалётаў авіякампаніі "Белавія" ва ўсе гарады Расіі. Выключэнне складаюць аэрапорты Масквы "Дамадзедава", Санкт-Пецярбург і Растоў-на-Доне, паведамляе прэс-служба Нацыянальнага авіяперавозчыка.

Галоўная прычына: прыпыненне міжнародных авіяцыйных перавозак у шэрагу краін з-за сітуацыі з каронавірусам.

Да 27 сакавіка прыпынены таксама палёты ў Будапешт, да 5 красавіка - у Ашхабад, да 15 красавіка - у Алматы. Да 30 кастрычніка немагчыма паляцець у Жэневу.

"Белавія" звяртае ўвагу, што вярнуць грошы за адмененыя рэйсы або змяніць даты вылету можна да 30 сакавіка (па некаторых маршрутах да 30 чэрвеня).

Для гэтага неабходна звярнуцца ў касы, прадстаўніцтва авіякампаніі або службу падтрымкі.

"Не трэба рабіць гэта прама цяпер, усе дадзеныя вашага білета захаваны ў нас у сістэме, таму да нас можна звярнуцца і пасля меркаванай даты палёту, назваўшы нумар вашага білета", - паведамляе "Белавія".

Чыгуначныя пуці - Sputnik Беларусь, 1920, 05.02.2021
Мінтранс падлічыў, колькі галіна страціла з-за пандэміі каронавіруса

Пры гэтым авіяперавозчык падкрэслівае, што змяненне даты вылету магчыма толькі адзін раз.

"У вас ёсць некалькі месяцаў абдумаць, калі вы хочаце ляцець па дадзеным білеце ў наступны раз", - звяртае ўвагу "Белавія".

Нагадаем, што рэгулярныя авіязносіны паміж Беларуссю і Расіяй былі перапынены ў канцы сакавіка 2020-га ў сувязі з распаўсюджваннем COVID-19. Тады ўрады краін анансавалі хуткую адмену абмежавальных мер: спачатку на травеньскія святы, пазней у перыяд летніх адпачынкаў. Але рэйсы паміж Мінскам і Масквой удалося аднавіць толькі ў канцы верасня - праўда, толькі ў аэрапорт Дамадзедава.

Чытайце таксама:

Стужка навiн
0