Новы Боінг Белавія ў нацыянальным аэрапорце

Авіякалапс: што адбываецца ў касах "Белавія" пасля закрыцця рэйсаў

60
(абноўлена 17:06 27.05.2021)
Жадаючым адправіцца ў "зачыненую" Еўропу на самалёце прапануюць ляцець праз Маскву, Бялград або Стамбул.

Што рабіць з квіткамі на адмененыя палёты? Ці можна здаць квіткі і адразу вярнуць свае грошы? Як зараз дабірацца ў еўрапейскія краіны, якія закрылі сваю паветраную прастору? Карэспандэнт Sputnik шукаў адказы на гэтыя пытанні, наведаўшы ў сераду галоўны офіс беларускай кампаніі.

У сталічных авіякас на Нямізе ў сераду вельмі шматлюдна - да абеду сабралася каля сотні чалавек. Усе чакаюць сваёй электроннай чаргі. У памяшканні вельмі горача. Некаторыя стаяць у тамбуры - там больш свежа.

Очередь в кассе Белавиа на Немиге
© Sputnik
Чарга ў касе "Белавія" на Нямізе

"А для звароту квіткоў асобная чарга?" - пытаецца мужчына, прабіўшыся да стойкі.

"Агульная. Але сёння мы ўсе працуем толькі па вяртанню. Ніхто нічога не купляе", - адказвае супрацоўніца "Белавія".

Наяўнымі або на картку

Грошы людзям вяртаюць без праблем - альбо наяўнымі, альбо па картцы. Гэта залежыць ад таго, у якой форме праводзілася аплата пры куплі білета.

Маладыя з Мінска хацелі адправіцца ў вясельнае падарожжа ў Еўропу, набылі квіткі анлайн. Але для іх вяртання яны не сталі афармляць заяву па інтэрнэце - кажуць, што доступ да патрэбнага рэсурсу з-за вялікага наплыву людзей нестабільны. Прыйшоўшы ў касы, маладыя людзі напісалі заяву, пасля чаго грошы ім будуць пералічаны. Тэрмін залічэння грашовых сродкаў на картку залежыць ад банка.

Попыт на Маскву

У сувязі з сітуацыяй  у некалькі разоў павялічыўся попыт на паездкі ў Маскву. Малады чалавек, якому трэба было тэрмінова ляцець на працу ў Мюнхен, цікавіцца наяўнасцю авіябілетаў у расійскую сталіцу. Дзяўчына ў даведачнай яму адказвае, што на бліжэйшыя дні квіткоў няма. Прапануе ехаць цягніком ці аўтобусам.

Жанчына, якой трэба трапіць у Германію, распавядае іншым наведвальнікам, што ёй прапаноўваюць тры варыянты: ляцець праз Маскву, Бялград або Стамбул.

У Вільнюс праз Піцер

Аляксандр распавёў Sputnik пра тое, што яму за пару апошніх дзён ужо некалькі разоў прыйшлося здаваць квіткі. "Мне трэба было ў Вільнюс, але літаральна за восем гадзін да майго вылету рэйс адмянілі. Тады я ўзяў квіток на Рыгу, але следам адмянілі вылеты і туды. Купіў білет на Варшаву. Цяпер вось таксама здаю", - распавядае ён.

Александр за три дня сдает уже третий авиабилет
© Sputnik
Аляксандр за тры дні здае ўжо трэці авіябілет

Зараз Аляксандр плануе ехаць праз Расію - Санкт-Пецярбург ці Маскву, - а туды адправіцца на цягніку. Ён кажа, што прасцей дабрацца да Піцера – у чыгуначных саставах ёсць вольныя месцы. Ёсць яшчэ аэрапорт у Бранску, але, паводле яго слоў, туды вельмі складана даехаць.

А вось трапіць адразу ў Вільнюс на аўтобусе Аляксандр не можа. Аказваецца, беларусам дазволена ездзіць туды наземным транспартам не больш за адзін раз на паўгода, а Аляксандр падарожнічаў на аўтобусе ў літоўскую сталіцу тры месяцы таму.

У Калінінград з візай

Яшчэ адной суразмоўцы Sputnik Фрыдзе 81 год. Яна мінчанка. У Калінінградзе жыве яе родная сястра, якая сур'ёзна хварэе, ёй - 75. Фрыда з мужам забраніравалі авіябілет, цяпер прышлі адмяніць заказ.

Бо ў Калінінград з Мінска вылецець таксама нельга, так як авіямаршрут ляжыць праз Прыбалтыку.

Фрида с мужем не может быстро попасть к больной сестре в Калининград
© Sputnik
Фрыда з мужам не можа хутка трапіць да хворай сястры ў Калінінград

Праблема ў тым, як жа цяпер дабрацца ў гэты расійскі горад хутка? Для паездкі наземным транспартам патрабуецца транзітная віза. "Даведаліся наконт візы. Патрэбны дакументы, якія пацвярджаюць сваяцтва. Яшчэ неабходная даведка, што сястра там пражывае, а таксама і іншыя паперы. Каб сабраць усё гэта патрабуецца шмат часу, а мы вельмі пажылыя людзі. Так што можам ужо і не сустрэцца", - кажа Фрыда.

Чытайце таксама:

60
Тэги:
"Белавія"
(2:39 / 16.97Mb / просмотров видео: 4972)

Падарожжа ў часе: рэтрааўтамабілі прыбылі на гонку Mille Miglia - відэа

14
(абноўлена 10:24 20.06.2021)
Знакамітая гонка рэтрааўтамабіляў Mille Miglia праходзіць у Італіі. Яна пракладзена па маршруце Брэшыа - Рым - Брэшыа. Глядзіце на відэа, як праходзіць самае прыгожае рэтра-ралі Еўропы.

Старадаўнія аўтамабілі прыбылі ў Рым у рамках гістарычнай аўтагонкі Mille Miglia.

Вінтажныя аўтамабілі праязджалі па рымскай Віа Венета, прыцягваючы сотні аўтааматараў на вуліцы сталіцы. Па маршруце аўтамабілі адзін за адным пад'язджалі да сцэны, каб гледачы маглі лепш іх разгледзець.

У гэтым годзе арганізатары вырашылі змяніць маршрут - супраць гадзіннай стрэлкі па звычайным маршруце з Брэшыі ў Рым і назад. У спаборніцтве ўдзельнічаюць 375 старадаўніх аўтамабіляў.

Mille Miglia - ці "Тысяча міль" - гістарычная гонка, якая праводзілася з 1927 па 1957 гады з перапынкам на Другую сусветную. Спаборніцтвы праходзілі на дарогах агульнага карыстання, якія нават не перакрываліся на гэты час. У 1977 гонку вырашылі аднавіць пад назвай Mille Miglia Storica, і з таго часу да ўдзелу ў ёй дапускаюцца толькі аўтамабілі, якія былі выпушчаныя да 1957 года. Правілы былі зменены - вырашальным фактарам з'яўляецца не максімальная хуткасць, а захаванне хуткаснага рэжыму. Фактычна цяпер гэта парад рарытэтных аўтамабіляў.

Глядзіце таксама:

14
Тэги:
Італія, відэа, Падарожжа
Праграма Падарожнічаю без COVID-19

З 1 ліпеня ўезд у Расію з Беларусі будзе магчымы па мабільнай праграме

24
(абноўлена 19:28 18.06.2021)
Праграма "Падарожнічаю без COVID" можа стаць абавязковай для прыезджых у Расію з краін ЕАЭС, у тым ліку з Беларусі.

МІНСК, 19 чэр – Sputnik. На пасяджэнні Эканамічнага савета Садружнасці Незалежных Дзяржаў напярэдадні было ўзнята пытанне аб тым, каб урэгуляваць усе перамяшчэнні ў перыяд пандэміі.

З 1 ліпеня выкарыстанне мабільнай праграмы "Падарожнічаю без COVID-19" стане абавязковым для людзей, якія прыязджаюць у Расію з краін-членаў ЕАЭС. З 1 верасня такім будзе патрабаванне для грамадзян СНД.

"Усім краінам настойліва рэкамендавалі далучыцца", - заявіў на пасяджэнні віцэ-прэм'ер Расіі Аляксей Авярчук.

Навошта гэта трэба

Выступаючы раней на Пецярбургскім міжнародным эканамічным форуме, Авярчук падкрэсліў, што амаль усе ўрады ў свеце такія абмежаванні на перамяшчэнні людзей для сябе ўвялі, за вельмі рэдкім выключэннем.

"Нас гэта прывяло да таго, што мы таксама пачалі знаходзіць тэхналагічныя рашэнні, каб зняць гэтыя абмежаванні. Нарадзілася праграма "Падарожнічаю без COVID", якую мы плануем з пачатку ліпеня зрабіць абавязковай для дзяржаў-членаў ЕАЭС, па меншай меры, для ўезду ў Расійскую Федэрацыю", - цытуе Авярчука РІА Навіны.

У красавіку гэтага года на пасяджэнні міжурадкамісіі з удзелам кіраўнікоў урадаў Еўразійскага эканамічнага саюза ў Казані прэм'ер-міністр Расіі Міхаіл Мішусцін заявіў, што развіццё мабільнай праграмы "Падарожнічаю без COVID" дазволіць хутчэй аднавіць бяспечныя пасажырскія зносіны.

Зараз у праграме ў акне "краіна адпраўлення" можна выбраць шэсць дзяржаў: Арменію, Беларусь, Казахстан, Кыргызстан, Расію і Таджыкістан. Іх жа можна паказаць у акне "краіна прыбыцця".

Беларусь далучылася да праекта ЕАЭС "Падарожнічаю без COVID-19" у сакавіку 2021 года. Перадаваць дадзеныя ў сістэму будзе Нацыянальны цэнтр электронных паслуг ва ўзаемадзеянні з беларускім Міністэрствам аховы здароўя.

Праграма "Падарожнічаю без COVID-19"

Гэтая мабільная платформа была створана Еўразійскім банкам развіцця, яна дазваляе хутка знайсці пералік верыфікаваных лабараторый, здаць тэст на каронавірус, вынікі якога патрапяць у агульную з ЕАЭС сістэму. Пасля гэтага грамадзянін, які атрымаў адмоўны тэст, зможа бесперашкодна перамяшчацца паветраным транспартам у межах ЕАЭС без лішняй папяровай цяганіны. Спампаваць праграму можна бясплатна на Google Play і App Store.

У красавіку ўрад Расійскай Федэрацыі зрабіў тэрмін уезду па праграме бестэрміновым.

Чытайце таксама:

24
Тэги:
ЕАЭС, "Падарожнічаю без COVID-19", мабільная праграма, Беларусь, Расія, уезд
Прэзідэнт Расіі Уладзімір Пуцін

Пуцін падрыхтаваў артыкул да 80-годдзя пачатку Вялікай Айчыннай

0
(абноўлена 09:03 21.06.2021)
Матэрыял за аўтарствам прэзідэнта РФ да адной з журботных дат у сусветнай гісторыі выйдзе ў адным з нямецкіх выданняў.

МІНСК, 21 чэр - Sputnik. Прэзідэнт РФ Уладзімір Пуцін падрыхтаваў артыкул да 80-годдзя пачатку Вялікай Айчыннай, паведамілі напярэдадні на тэлеканале Расія 1.

Матэрыял за аўтарствам прэзідэнта РФ да адной з журботных дат у сусветнай гісторыі выйдзе ў адным з нямецкіх выданняў.

Таксама 22 чэрвеня, у Дзень памяці і смутку, Пуцін ускладзе кветкі да Магілы Невядомага салдата і выступіць з прамовай.

У панядзелак, 21 чэрвеня, ён сустрэнецца ў Крамлі з дэпутатамі Дзярждумы, а на тыдні правядзе нараду з членамі ўрада.

Чытайце таксама:

0
Тэги:
прэзідэнт, Вялікая Айчынная вайна, артыкул, Уладзімір Пуцін