(2:57 / 18.61Mb / просмотров видео: 27)

Апытанне Sputnik: чаму канфліктуюць веласіпедысты і пешаходы

18
(абноўлена 12:43 11.07.2016)
Па дадзеных Беларускага веласіпеднага таварыства, сутыкненні веласіпедыстаў з пешаходамі здараюцца штотыдзень. Глядзіце на відэа, якія прэтэнзіі адзін да аднаго агучылі веласіпедысты і пешаходы.

Прычына — у не выкананні пешаходамі правілаў дарожнага руху і выхад на велапаласу. У пешаходаў свой спіс прэтэнзій.

Хтосьці прызнаецца, што стаў няўтульна адчуваць сябе ў горадзе са з'яўленнем на ходніках вялікай колькасці веласіпедыстаў, асцерагаецца патрапіць пад колы. Хтосьці скардзіцца на грубасць, калі пешаход выпадкова ступае на велапаласу. А хтосьці адзначае, што, будучы ў розных ролях, больш баіцца няўважлівых пешаходаў, чым аматараў хуткасці.

Але ўсе сышліся ў меркаванні, што большай колькасці канфліктаў можна было б пазбегнуць, калі б усе ўдзельнікі дарожнага руху выконвалі правілы і былі больш паважлiвыя адзін да аднаго.

18
Тэги:
Дарожны рух, Веласіпед, Мінск

Відэафакт: Пуціна спыталі пра заяву Трампа пра "заробак" Байдэна

7
(абноўлена 16:00 26.10.2020)
Прэзідэнту Расіі Уладзіміру Пуціну задалі пытанне, якое датычыцца заявы амерыканскага лідара Дональда Трампа аб тым, што Масква нібыта плаціць ягонаму суперніку на выбарах Джо Байдэну. Глядзіце на відэа, што адказаў Пуцін.

Пытанні, якія тычацца кандыдата ў прэзідэнты ЗША Джо Байдэна, былі зададзены Пуціну ў эфіры тэлеканала "Расія-1". У прыватнасці, гаворка ішла і пра фрагмент з дэбатаў, падчас якіх Трамп заявіў, што ў Байдэна ёсць бізнес-кантакты з жонкай экс-мэра Масквы Аленай Батурынай.

"Вядома, што Алена Батурына займалася, а можа, займаецца, я нават не ведаю пра гэта, бізнесам. І, напэўна, у яе былі шматлікія бізнес-кантакты, дзелавыя сувязі са сваімі замежнымі партнёрамі. Ці ёсць у гэтым ліку амерыканцы? Я проста пра гэта нічога не ведаю, і мне проста пра гэта нічога не вядома", - сказаў Пуцін.

Запыталіся ў расійскага лідара і пра тое, што ён думае пра заяву Трампа з нагоды нібыта атрымання Байдэнам 3,5 мільёна долараў ад Расіі. Сам жа дзеючы прэзідэнт пры гэтым удакладніў, што ніколі не атрымліваў грошай ад Расіі.

"Без каментароў", - адказаў Пуцін.

У ходзе дэбатаў сам Байдэн заявіў, што Расія не хоча, каб ён перамог на выбарах.

Прэзідэнцкія выбары ў ЗША пройдуць 3 лістапада, датэрміновае галасаванне ў шэрагу штатаў ужо пачалося. Супернікамі на выбарах з'яўляюцца кандыдат ад рэспубліканцаў і дзейны кіраўнік Белага дома Трамп і кандыдат ад дэмакратаў Джо Байдэн.

7
Тэги:
Дональд Трамп, Уладзімір Пуцін
(0:00 / .00Mb / )

Паўфінал чацвёртага сезона "Ты супер!" - відэа

9
(абноўлена 10:01 26.10.2020)
Папулярны музычны праект "Ты супер!" праводзяць сумесна тэлеканал НТБ і Міжнароднае агенцтва і радыё Sputnik. Глядзіце на відэа паўфінал вакальнага конкурсу.

У цяперашнім сезоне "Ты супер!" удзельнічаюць новыя выканаўцы і фіналісты мінулых сезонаў. Усяго ў конкурсе бяруць удзел 58 дзяцей з Расіі, Грузіі, Азербайджана, Абхазіі, Кыргызстана, Беларусі, Эстоніі, Украіны і Малдовы.

У журы праекта - вядомыя расійскія зоркі: Дыяна Арбеніна, Аляксей Вараб'ёў, спявачка Ёлка і кампазітар Ігар Крутой.

Нагадаем, у першым выпуску шоу прыняла ўдзел беларуска Даша Чарнова, якая да гэтага два разы прымала ўдзел у конкурсе. Адораная выканаўца распавяла і пра тое, як складаецца яе творчая кар'ера.

Міжнародны вакальны праект для дзяцей, якія засталіся без апекі бацькоў, "Ты супер!" праводзяць тэлеканал НТБ сумесна з Міжнародным інфармацыйным агенцтвам і радыё Sputnik пры падтрымцы Міністэрства асветы РФ.

9
Тэги:
"Ты супер", НТБ (тэлеканал)
Які сёння дзень: 28 кастрычніка 2020 года

Які сёння дзень: 28 кастрычніка 2020 года

0
(абноўлена 09:49 20.10.2020)
Гэты дзень з'яўляецца трыста другім па грыгарыянскім календары, да канца года застаецца 64 дні.

Сёння святкуецца Міжнародны дзень анімацыі. Якія яшчэ падзеі адбыліся 28 кастрычніка і чым азнаменаваны гэты дзень у народным календары, чытайце ў спраўцы Sputnik.

Гістарычныя падзеі 28 кастрычніка

  • У 1523 годзе ў Кракаве выйшла з друку паэма Міколы Гусоўскага "Песня пра зубра".
  • У 1925 годзе была створана Пінская каталіцкая дыяцэзія.
  • У 1939 годзе ў Беластоку пачаўся Сход народа Заходняй Беларусі, які прыняў рашэнне пра далучэнне заходнебеларускіх зямель да БССР.
  • У 1945 годзе ў Мінску быў закладзены парк Перамогі.
  • У 1999 годзе была заснаваная Археаграфічная камісія Дзяржаўнага камітэта па архівах і справаводстве Рэспублікі Беларусь, з мэтай сістэматычнага збору і вывучэння архіўных дакументаў.

Хто нарадзіўся 28 кастрычніка

  • 1884 год: Фларыян Ждановіч, тэатральны дзеяч, акцёр, рэжысёр, адзін з заснавальнікаў прафесійнага беларускага тэатра.
  • 1904 год: Парфён Савіцкі, беларускі гісторык.
  • 1922 год: Міхась Даніленка, беларускі пісьменнік

Таксама сёння нарадзіліся заснавальнік камп’ютарнай кампаніі Microsoft Біл Гейтс і амерыканская актрыса Джулія Робертс.

28 кастрычніка ў народным календары

У гэты дзень праваслаўныя вернікі ўспамінаюць вялебнага Яўхіма.

Жанчыны працягвалі займацца сваімі працамі: мяць і церабіць лён, а таксама каноплі, з якіх потым атрымліваліся добрыя вяроўкі.

Калі снег яшчэ не выпаў, чакалі яго і ўзгадвалі: вясна прыйдзе ў той дзень, калі ў кастрычніку выпадзе снег. Калі ў гэты дзень заўважалі насякомых, гэта значыла, што зіма будзе цёплай.

0
Тэги:
Беларусь, народны каляндар, які сёння дзень
Тэмы:
Які сёння дзень: каляндар знакавых падзей