Дамы без дахаў і паваленыя дрэвы: наступствы непагадзі ў Шаркаўшчыне

22
Моцным ветрам зрывала дахі з прыватных дамоў у трох раёнах Віцебскай вобласці. Глядзіце на кадрах, знятых відавочцам, наступствы непагадзі ў гарадскім пасёлку Шаркаўшчына.

Усяго вецер пашкодзіў дахі некалькіх дзесяткаў дамоў і трох ферм на тэрыторыі Віцебскай вобласці. Больш за ўсё ад непагадзі пацярпеў населены пункт Шаркаўшчына, дзе былі пашкоджаныя больш за 20 дамоў, а таксама гандлёвы аб'ект, які сарвала з падмурка.

Акрамя таго, парывам ветру на дарозе каля населенага пункта перавярнула грузавік IVECO.

Паводле дадзеных МНС, ад стыхіі пацярпелі тры чалавекі. Усе яны з траўмамі рознай ступені цяжкасці шпіталізаваныя.

Стыхія таксама закранула Гродна, дзе моцным ветрам паваліла дрэвы на прыпаркаваныя аўтамабілі. Таксама ад падзення дрэў пацярпелі гандлёвыя аб'екты і прыватныя домаўладанні.

22
Тэги:
Катаклізмы надвор'я, Шаркаўшчына, Віцебская вобласць, Беларусь
Тэмы:
Разгул стыхіі ў Беларусі: разбурэнні, град, залевы (7)
(51:05 / 354.84Mb / просмотров видео: 2646)

Грошы і свет: Форум рэгіёнаў, навацыі "Сбера" і хто такія міленіялы

14
(абноўлена 10:00 29.09.2020)
Актуальныя навіны эканомікі абмяркоўваем у праграме "Грошы і свет" з удзелам экспертаў Аляксея Аўдоніна і Анастасіі Мураўёвай.

Даўно пара выкарыстоўваць новыя тэхналагічныя магчымасці і перавесці традыцыйныя сходу ў анлайн, Форум рэгіёнаў Беларусі і Расіі гэта толькі пацвярджае. Так лічаць госці праграмы "Грошы і свет", эканамічныя эксперты Анастасія Мураўёва і Аляксей Аўдонін, бо многія формы ўзаемадзеяння зараз перажываюць сапраўдную рэвалюцыю на фоне няпростай эпідэміялагічнай сітуацыі. Да прыкладу, кітайская платформа Tik-Tok ужо стала каменем перапоны ў адносінах Вашынгтона і Пекіна.

"Гэта яшчэ адзін віток гандлёвай вайны паміж ЗША і Кітаем. Іміджавыя кітайскія анлайн-платформы дазваляюць стварыць станоўчы вобраз Паднябеснай у вачах амерыканскіх падлеткаў і моладзі, таму для ЗША гэта пытанне ідэалогіі", - мяркуе Мураўёва.

На думку Аўдоніна, спробы тэхналагічнага стрымлівання Кітая з боку ЗША нагадваюць аналагічныя дзеянні, якія раней былі накіраваны супраць СССР. І ўсе мы ведаем, што Саюз разваліўся, у тым ліку, і па гэтай прычыне. Аб'яднаны Захад і сёння спрабуе сканцэнтраваць пляцоўкі для распрацоўкі тэхналогій альбо ў ЗША, альбо ў ЕС і Ізраілі, гэта значыць ідзе сур'ёзная тэхналагічная вайна.

Праграму "Грошы і свет" з удзелам эканамічных экспертаў Анастасіі Мураўёвай і Аляксея Аўдоніна глядзіце на Sputnik Беларусь.

14
Тэги:
Кітай, ЗША, Форум рэгіёнаў Беларусі і Расіі

Карабахскі канфлікт: ці змогуць Азербайджан і Арменія дамовіцца?

6
(абноўлена 09:44 29.09.2020)
Сітуацыя ў Нагорным Карабаху з новай сілай абвастрылася 27 верасня - у непрызнанай рэспубліцы пачаліся ўзброеныя сутыкненні. Глядзіце на відэа, што адбываецца вакол спрэчнай тэрыторыі.

Супрацьстаялыя сілы - Азербайджан і Арменія - абвінавачваюць адзін аднаго ў правакацыях. Абедзве краіны заяўляюць аб нападзе праціўніка і вымушанай контраперацыі.

"Сёння раніцай узброеныя сілы Арменіі з некалькіх кірункаў абстралялі нашы населеныя пункты, а таксама нашы ваенныя пазіцыі з рознага зброі, у тым ліку з цяжкай артылерыі", - заявіў напярэдадні прэзідэнт Азербайджана Ільхам Аліеў.

"Сёння ад самай раніцы Рэспубліка Арцах падвяргаецца агрэсіі з боку ўзброеных сіл Азербайджана", - у сваю чаргу паведаміў прэм'ер-міністр Арменіі Нікол Пашынян.

У краінах абвешчана мабілізацыя і ваеннае становішча. Абодва бакі паведамілі аб загінулых і параненых, у тым ліку і сярод грамадзянскага насельніцтва. Паведамілі пра ахвяраў і ўлады Карабаха.

Такога напалу ў Карабаху не было з 1994 года - тады баявыя сутыкненні аціхлі. Але канфрантацыя перыядычна працягвалася. Перамовы па мірным урэгуляванні сітуацыі ў Нагорным Карабаху вядуцца з 1992 года ў рамках Мінскай групы АБСЕ.

Расійскі бок заклікаў Азербайджан і Арменію спыніць абстрэлы і вырашыць канфлікт шляхам дыялогу, прычым Масква запэўніла, што працягне пасрэдніцкія намаганні па стабілізацыі сітуацыі.

6
Тэги:
Нагорны Карабах, Арменія, Азербайджан
Які сёння дзень: 30 верасня 2020 года

Які сёння дзень: 30 верасня 2020 года

0
(абноўлена 10:00 21.09.2020)
Гэты дзень з'яўляецца дзвесце семдзесят чацвёртым па грыгарыянскім календары, да канца года застаецца 92 дні.

У гэты дзень у 1931 годзе нарадзіўся беларускі паэт Ніл Гілевіч. Якія яшчэ падзеі адбыліся 30 верасня і чым азнаменаваны гэты дзень у народным календары, чытайце ў спраўцы Sputnik.

Гістарычныя падзеі 30 верасня

  • У 1472 годзе Іаган Гутэнберг выдаў у Майнцы першую ў Еўропе друкаваную кнігу, зараз вядомую як "Біблія Гутэнберга" або "42-радковая Біблія".
  • У 1791 годзе ў Вене адбылася прэм’ера апошняй оперы Моцарта "Чароўная флейта".
  • У 1939 годзе Уладзіслаў Сікорскі ўзначаліў польскі эмігранцкі ўрад у Францыі.

Хто нарадзіўся 30 верасня

  • 1892 год: Зоська Верас, беларуская пісьменніца і грамадская дзяячка.
  • 1931 год: Ніл Гілевіч, дзеяч беларускай культуры, пісьменнік, літаратуразнавец, перакладчык, фалькларыст, адзін з заснавальнікаў ТБМ.

Таксама сёння нарадзіліся нямецкі фізік Ганс Вільгельм Гейгер і брытанская актрыса Дэбора Кер.

30 верасня ў народным календары

Сёння вернікі шануюць памяць пакутніц Веры, Надзеі, Любові і іх маці Сафіі. Гэты дзень лічыўся дзявоцкім святам.

Пакуль старыя жанчыны збіраліся ў хатах, чыталі Біблію і маліліся, маладыя дзяўчаты ладзілі танцы, гульні, спявалі песні і гадалі. Лічылася, што гэты дзень спрыяльны для навядзення любоўных чараў.

Назіралі таксама за надвор'ем. Калі раніцай было пахмурна, наступныя некалькі дзён надвор'е будзе добрым. Калі ідзе дождж, вясна будзе ранняй, а калі, наадварот, суха – зіма прыйдзе яшчэ не скора.

0
Тэги:
народны каляндар, які сёння дзень, Беларусь
Тэмы:
Які сёння дзень: каляндар знакавых падзей