(1:40 / 10.37Mb / просмотров видео: 304)

"Чорная смерць": сакрэтная зброя Чырвонай Арміі. Архіўныя кадры

29
(абноўлена 12:36 14.07.2016)
Першы залп рэактыўнай устаноўкі "Кацюша" прагрымеў 75 гадоў таму, 14 ліпеня 1941 года. Глядзіце на відэа, чаму гэтыя баявыя машыны былі ахінутыя такой сакрэтнасцю.

14 ліпеня 1941 года ў 15 гадзін 15 хвілін на адным з участкаў абароны 20-й арміі на ўсход ад Оршы над лесам падняліся воблакі чорнага дыму, і з нязвыклым гулам і шыпеннем у бок гітлераўскіх войскаў паляцелі вогненныя стрэлы. Так заявілі пра сябе "Кацюшы" — баявыя машыны рэактыўнай артылерыі.

Эфект аднаразовага разрыву 112 мін на працягу некалькіх секунд перасягнуў усе чаканні. У данясенні Генеральнаму штабу Вермахта гаварылася, што "войскі, абстраляныя рускімі, сведчаць: агнявы налёт падобны ўрагану". Нямецкія салдаты празвалі новую савецкую зброю "Чорнай смерцю".

Першае і паспяховае баявое прымяненне Чырвонай Арміяй парахавых ракет новага тыпу датуецца жніўнем 1939 г., тады ў баях за Халхін-Гол снарады "РС-82" знішчалі як наземныя аб'екты, так і самалёты праціўніка.

Мабыць, ні адзін з відаў зброі часоў Вялікай Айчыннай не быў акружаны такой завесай сакрэтнасці: архівы захавалі кадры на заводах, якія выраблялі танкі, гарматы, самалёты, боепрыпасы, але няма ніводнага відэафрагмента, дзе была б паказаная зборка легендарных "Кацюш".

Акрамя таго, у баях з удзелам гэтых установак забараняліся каманды "плі", "агонь", "залп". Замест іх гучала: "спявай" ці "грай"!

Рэактыўная артылерыя ўдзельнічала ва ўсіх буйных ваенных аперацыях. Пры штурме Берліна ў 1945 годзе толькі ў паласе наступу 3-й ударнай арміі было выдаткавана амаль 12,5 тысячаў рэактыўных снарадаў.

Да гэтага часу няма адзінага меркавання, чаму аднаму з самых страшных відаў ўзбраення дадзена жаночае імя. Аднак вядомы той факт, што ўклад баявых машын рэактыўнай артылерыі "Кацюш" у перамогу над ворагам пераацаніць немагчыма.

29
Тэги:
Ваенная тэхніка, Гісторыя, Вялікая Айчынная вайна (1941-1945, Расія, Беларусь

Першая ў свеце падлёдная выстава адкрылася ў Карэліі відэа

8
(абноўлена 14:04 09.04.2021)
Сваімі работамі аўтары выставы хочуць прыцягнуць увагу да праблемы раставання леднікоў, для гэтага і арганізавалі бяспечную працэдуру апускання. Ўбачыць фатаграфіі і карціны, можна толькі пагрузіўшыся пад лёд Белага мора. Глядзіце на відэа, як працуе галерэя пад вадой.

У Карэліі адкрылася ў літаральным сэнсе "асвяжальная" выстава. Справа ў тым, што наведаць незвычайную галерэю, можна толькі нырнуўшы пад лёд Белага мора.

У заліве Нільмогуба побач з турыстычным цэнтрам "Палярны круг" у вадзе можна ўбачыць работы фатографа Віктара Лягушкіна "Пакуль не растаяў лёд" і карціны "Глыбокая замарозка" Дзяніса Латарова.

Галерэя надрукаваная на спецыяльным пластыку, які ўстойлівы да салёнай вады. Зверху палотны прымацаваны да лёду, а знізу іх трымаюць свінцовыя грузы.

Як распавёў Лягушкін, сваімі здымкамі падводнага свету ён хоча прыцягнуць увагу да праблемы раставання леднікоў і, як следства, знікнення асобных відаў жывёл.

Выставу ўжо наведалі дайверы з Расіі, Кітая, Германіі і Францыі. Яна працягнецца да пачатку раставання льдоў у сярэдзіне красавіка. Пагрузіцца пад лёд можна цалкам бясплатна, але толькі пры наяўнасці сертыфіката дайвера.

Глядзіце таксама:

8
Тэги:
фатаграфія, лёд, карціны, выстава, Рэспубліка Карэлія, відэа

Відэафакт: упершыню за некалькі гадоў набярэжную Дзвіны ў Віцебску затапіла

21
(абноўлена 14:04 09.04.2021)
Вада ў Заходняй Дзвіне паднялася на самы высокі ўзровень за апошнія некалькі гадоў. Наколькі моцна разлілася рака, глядзіце на відэа.

Узровень вады ў Заходняй Дзвіне пачаў падымацца ў пачатку сакавіка, у выніку на 5 красавіка набярэжную каля Кіраўскага моста часткова затапіла.

"Разводдзе звязана з гідраметэаралагічнымі ўмовамі, дакладней з раставаннем снегу ў вярхоўі Заходняй Дзвіны ў Расіі і ў нас", - адзначылі ў філіяле "Віцебскаблгідрамета".

Па словах суразмоўцаў, узровень вады ў Віцебску склаў 560 сантыметраў. Нягледзячы на ​​тое, што пры такім разліве набярэжную падтапіла, цяперашні ўзровень вады на 169 сантыметраў ніжэй сярэдніх шматгадовых значэнняў у паводку.

"Проста мы забыліся, што значыць нармальны разліў Заходняй Дзвіны", - падкрэслілі  ў "Віцебскаблгідрамеце".

Як паведамілі гідролагі, у мінулы раз набярэжную Дзвіны затаплівала ў красавіку 2018 года, тады ўзровень вады падняўся да адзнакі 594 сантыметра, у той час як небяспечна высокі - 1024 сантыметра.

Самы высокі ўзровень вады ў гісторыі назіранняў быў ў 1931 годзе (1268 сантыметраў), тады Дзвіна настолькі выйшла з берагоў, што па некаторых вуліцах можна было праплыць на лодцы.

Глядзіце таксама:

21
Тэги:
рака, Віцебск, набярэжная, вада
Які сёння дзень: 11 красавіка

Які сёння дзень: 11 красавіка 2021 года

192
(абноўлена 13:14 10.04.2021)
Гэты дзень з'яўляецца сто першым па грыгарыянскім календары, да канца года засталося 264 дні.

Сёння адзначаецца Міжнародны дзень вызвалення вязняў нацысцкіх канцлагераў. Якія яшчэ падзеі адбыліся 11 красавіка і чым азнаменаваны гэты дзень у народным календары, чытайце ў спраўцы Sputnik.

Гістарычныя падзеі 11 красавіка

  • У 1611 годзе пачалася аблога паўстанцамі ў Маскве гарнізону цара Уладзіслава Вазы.
  • У 1927 годзе была прынятая Канстытуцыя БССР.
  • У 1945 годзе адбылося вызваленне амерыканскімі войскамі вязняў Бухенвальда.
  • У 2011 годзе адбыўся выбух у мінскім метрапалітэне на станцыі "Кастрычніцкая".

Хто нарадзіўся 11 красавіка

  • 1942 год: Пётр Шарыпа, беларускі жывапісец, педагог.
  • 1959 год: Сяргей Астравец, беларускі пісьменнік, эсэіст.
  • 1965 год: Алег Молчан, беларускі кампазітар, прадзюсар, грамадскі дзеяч.

Таксама сёння нарадзіліся нарвежскі скульптар Густаў Вігеланд і англійскі ўрач-хірург Джэймс Паркінсон.

11 красавіка ў народным календары

Сёння праваслаўныя вернікі шануюць памяць святапакутніка Марка, епіскапа Арафусійскага.

У гэты дзень людзі хадзілі ў лес, абдымалі бярозы і прыслухоўваліся, як у іх ідзе сок. Калі сока шмат, хутка пацяплее.

Лічылася, што якое надвор'е 11 красавіка, такое будзе і 11 кастрычніка. Калі лісце спачатку з'явілася на бярозе, лета будзе цёплым, на алешыне – дажджлівым. Сарокі нізка робяць гнёзды – летам будзе шмат навальніц.

192
Тэги:
народны каляндар, які сёння дзень