(3:42 / 23.75Mb / просмотров видео: 72)

Апытанне Sputnik: колькі памылак на плакаце "Год Культуры. Скарына"

83
(абноўлена 10:41 09.08.2016)
Некалькі памылак, у тым ліку факталагічную, пунктуацыйную і некалькі граматычных, выявілі мінчане на плакаце, прысвечаным Году культуры і Францыску Скарыну; білборд з памылкамі быў заўважаны на сталічнай вуліцы Пуліхава.

Білборды з рознымі гістарычнымі і культурнымі дзеячамі ўсталёўваюць у беларускіх гарадах у межах абвешчанага Года культуры. Новая рэклама з выявай помніка першадрукара Францыска Скарыны ўтрымлівае адразу чатыры памылкі.

На ім пераблыталі стагоддзе дзейнасці першадрукара — XV замест XVI. Акрамя таго, ёсць у тэксце граматычныя і пунктуацыйныя памылкі.

На білбордзе напісана "Помнік Францыску Скарыне, асветніку і грамадскому дзеячу XV стагоддзя ў Мінску", а правільная версія выглядала б так: "Помнік Францыску Скарыну, асветніку і грамадскаму дзеячу XVI стагоддзя, у Мінску".

Каля паловы апытаных выявілі граматычныя памылкі. Яшчэ некалькі ўзгадалі, што Скарына надрукаваў першую Біблію ў Празе ў дзесятых гадах XVI стагоддзя.

Невялікая дыскусія разгарэлася ў сацсетках з нагоды скланення прозвішчы Скарына. Згодна з правіламі беларускай мовы назоўнікi мужчынскага роду, якія заканчваюцца на —а і —я, а таксама прозвішчы на —а і —я у давальным склоне маюць канчатак —у, таму "помнiк Скарыну". Канчатак —е быў бы дарэчы, калі б гаворка ішла пра жанчыну з прозвішчам Скарына.

Мінакі таксама паразважалі пра тое, якой культуры бракуе сучасным беларусам.

83
Тэги:
Нацыянальная культура, Гісторыя, Францыск Скарына, Мінск, Беларусь

Чацвёрты дзень пратэстаў у Беларусі - відэа

20
(абноўлена 08:56 13.08.2020)
Жаночыя акцыі салідарнасьці супраць гвалту прайшлі ў Мінску і рэгіёнах, да гэтых акцыяў далучыліся і медыкі - каля двухсот чалавек сталі ўздоўж сталічнага праспекта Дзяржынскага каля БДМУ. Глядзіце на відэа Sputnik, як праходзіў чацвёрты дзень пратэстаў у Мінску.

Чацвёрты дзень пратэстаў у Беларусі атрымаўся самым спакойным з усіх папярэдніх і пачаўся з дзённай акцыі супраць гвалту ў цэнтры сталіцы.

Дзяўчыны ў белай вопратцы і з кветкамі ў руках прыйшлі да Камароўскага рынка. Такія ж ланцуга салідарнасці выстройваліся і ў іншых раёнах Мінска, а таксама ў рэгіёнах - у тым ліку, Віцебску, Брэсце, Гродне, Гомелі. Вадзіцелі падтрымлівалі мірныя акцыі гудкамі аўтамабіляў.

На акцыю салідарнасці выйшлі і ўрачы. Каля 200 чалавек сёння сталі ўздоўж праспекта Дзяржынскага. Акцыя прыцягнула ўвагу і міністра аховы здароўя Уладзіміра Караніка, які асабіста прыбыў на месца.
У мікрараёне Уручча удзельнікаў акцыі частавалі гарачай гарбатай, печывам, прыносілі ваду. Мужчын папрасілі "зрабіць пяць крокаў назад", каб не правакаваць канфлікт з праваахоўнікамі, якія дзяжурылі побач. Абышлося без канфрантацыі, і сілавікі пакінулі мікрараён пад апладысменты прысутных.

А сваякі затрыманых на папярэдніх акцыях салідарнасці зноў сабраліся ля ІЧУ на Акрэсціна. Яны спрабавалі высветліць месцазнаходжанне сваіх блізкіх і чакалі абнаўлення спісаў затрыманых.

Глядзіце на відэа, якім быў гэты дзень для Мінска і рэгіёнаў.

20
Тэги:
акцыі пратэстаў, Беларусь, Мінск

Пуцін абвясціў аб рэгістрацыі "Спутник V" - расійскай вакцыны ад COVID-19

5
(абноўлена 13:48 12.08.2020)
Уладзімір Пуцін абвясціў аб рэгістрацыі першай у свеце расійскай вакцыны ад каронавіруса. Яе назвалі "Спутник V".

Як адзначыў прэзідэнт Расіі, прэпарат эфектыўны і фармуе ўстойлівы імунітэт. А яшчэ Пуцін паведаміў, што адна з яго дачок удзельнічала ў эксперыменце: рабіла прышчэпку ад CAVID-19.

"Адна з маіх дачок зрабіла сабе такую прышчэпку. Думаю, у гэтым сэнсе, яна паўдзельнічала ў эксперыменце. Пасля першай прышчэпкі тэмпература ў яе была 38, на наступны дзень - 37 з невялікім і ўсё. Пасля другога ўколу, другой прышчэпкі таксама трохі паднялася тэмпература і потым сышла на няма. Адчувае сябе добра", - сказаў Пуцін.

Каму і на якіх умовах будуць рабіць прышчэпкі ад каронавіруса? Глядзіце на відэа кадры нарады расійскага лідара з членамі ўрада.

5
Тэги:
каронавірус, Вакцынацыя, Уладзімір Пуцін, Расія
Тэмы:
Каронавірус COVID-19
Акцыя пратэсту праходзіць на заводзе БелАЗ у Жодзіне

Акцыя пратэсту праходзіць на заводзе БелАЗ у Жодзіне

3
(абноўлена 13:51 13.08.2020)
Прадстаўнікі завода заяўляюць, што на прадпрыемстве сёння праходзіць "сустрэча з працоўным калектывам".

МІНСК, 13 жні - Sputnik. Несанкцыянаваная акцыя пратэсту праходзіць на заводзе БелАЗ у Жодзіне, перадае з месца падзеяў карэспандэнт Sputnik.

Работнікі выйшлі да заводакіраўніцтва і скандуюць, чуваць крыкі: "Патрабуем нацыянальную забастоўку!"

Разам з тым прадстаўнікі завода заяўляюць, што на заводзе ніякая не забастоўка, а "сустрэча з працоўным калектывам"

.Да прысутных на вуліцы супрацоўнікаў выйшлі прадстаўнікі адміністрацыі завода: выконваючы абавязкі дырэктара і начальнікі цэхаў, якія спрабуюць весці гутарку з удзельнікамі акцыі.

Пасля кароткай размовы з кіраўніцтвам, людзі сталі скандаваць: "Не палохай!"

За плотам сабраліся іншыя людзі, яны падтрымліваюць пратэстуючых.

Да ўдзельнікаў акцыі па іх патрабаванню прыехаў мэр горада. Работнікі прадпрыемства выказалі незадаволенасць тым, што завадзкія аўтобусы выкарыстоўваліся супрацоўнікамі АМАП падчас пратэстаў, якія праходзілі ў розных гарадах краіны ў мінулыя дні: яны патрабуюць растлумачыць, чаму так адбываецца.

Мэру перадалі новы, напісаны ад рукі варыянт патрабаванняў, у якім захаваліся два асноўных патрабаванні - правесці сумленныя выбары і прыбраць АМАП з Жодзіна. Людзі скардзяцца, што не могуць спакойна прайсці па горадзе ўвечары.

Як перадае карэспандэнт Sputnik, людзі ўжо пачынаюць разыходзіцца. Адзін з удзельнікаў сходу распавёў, што супрацоўнікі вяртаюцца ў цэхі, каб інфармаваць іншых работнікаў завода: калі іх патрабаванні не выканаюць, не выключана, што вытворчасьць спыніцца.

3
Тэги:
БелАЗ, Жодзіна