Мотафрыстайліст з Расіі пераскочыў з аднаго БелАЗа на іншы
(абноўлена 14:29 21.02.2017)
Расійскі райдэр Уладзімір Ярыгін упершыню ў свеце здзейсніў скачок з аднаго БелАЗа пад час руху на іншы. Глядзіце на відэа адзін з самых небяспечных трукаў у свеце.Трук выконваўся з удзелам кар'ерных самазвалаў, пабудаваных у Беларусі. Мотакросмэн пераскочыў з 13-тонніка БелАЗ-7513, на якім была ўсталяваная разгонная платформа, у кузаў самага вялікага самазвала ў свеце — БелАЗ-75710. Пры гэтым абодва самазвала рухаліся.
Матацыкліст падчас выканання трука, які называецца Hеart Attack, знаходзіўся на вышыні 18 метраў, а адлегласць паміж шматтонным машынамі — больш за 20 метраў.
Відэаролік быў размешчаны на YouTube-канале Adrenaline Rush напярэдадні і ўжо набраў больш за 700 тысяч праглядаў. Паводле інфармацыі арганізатараў мерапрыемства, трук, які выканаў Ярыгін, стаў першым такім у свеце.
Аўтары роліка адзначылі, што трук выконваўся прафесіяналам і аматарам паўтараць яго не варта.
Тэги:
Пуцін і Лукашэнка абмеркавалі сітуацыю ў Данбасе - відэа
(абноўлена 15:34 23.04.2021)
Прэзідэнт Расіі Уладзімір Пуцін адказаў на прапанову ўкраінскага калегі сустрэцца ў канфліктным рэгіёне, а беларускі прэзідэнт заклікаў Уладзіміра Зяленскага "паводзіць сябе дыпламатычна". Глядзіце кадры сустрэчы кіраўнікоў дзяржаў.На сустрэчы ў Маскве, якая прайшла напярэдадні, прэзідэнты Расіі і Беларусі закранулі не толькі тэмы двухбаковых адносін, але таксама абмеркавалі сітуацыю ў Данбасе. У прыватнасці, Уладзімір Пуцін адказаў на прапанову прэзідэнта Украіны Уладзіміра Зяленскага сустрэцца ў раёне Данбаса.
"Мы прымем прэзідэнта Украіны ў Маскве ў любы зручны для яго час" - заявіў расійскі лідэр.
Пры гэтым Пуцін адзначыў, што для абмеркавання праблем у Данбасе, Зяленскаму трэба перш правесці перамовы з лідэрамі самаабвешчаных рэспублік.
Па словах расійскага прэзідэнта, украінскае кіраўніцтва распачало мноства крокаў, якія разбуралі двухбаковыя адносіны паміж Масквой і Кіевам.
Прэзідэнт Беларусі Аляксандр Лукашэнка, у сваю чаргу, заклікаў украінскага прэзідэнта навучыцца "паводзіць сябе дыпламатычна" і назваў ідэю Кіева перанесці пляцоўку перамо з Мінска "несусветным глупствам".
"Звярнуліся да мяне: трэба арганізаваць. Я ўзяў пад казырок. Калі сёння не падабаецца, калі ласка, можна выбраць любую іншую краіну", - адзначыў беларускі лідэр.
"Падобна на тое, што гэта - пошук такіх прычын ухіліцца ад абмеркавання праблемы Данбаса і пахаваць іх (мінскія пагаднення - Sputnik) канчаткова", - дадаў Пуцін.
Так два прэзідэнты пракаментавалі выказванні кіраўніка ўкраінскай дэлегацыі ў трохбаковай кантактнай групе. Раней экс-прэзідэнт Украіны Леанід Краўчук выступіў з прапановай перанесці перамовы з Мінска.
Чытайце таксама:
- Прамыя кантакты: у Лукашэнкі і Пуціна падобны погляд на Данбас
- Беларусь - Расія: што зменіць новы вектар двухбаковых адносін
- Лукашэнка: Беларусі і Расіі засталося ўзгадніць 2-3 дарожныя карты
Тэги:
Беларусь - Расія: што зменіць новы вектар двухбаковых адносін - відэа
(абноўлена 16:24 23.04.2021)
У пятніцу, 23 красавіка, адбыўся відэамост Масква - Мінск на тэму: "Саюзныя трэнды 2021: напрамкі інтэграцыі Расіі і Беларусі" па выніках візіту прэзідэнта Рэспублікі Беларусь Аляксандра Лукашэнкі ў Маскву 22 красавіка.Эксперты абмяркоўвалі вынікі сустрэчы прэзідэнтаў Беларусі і Расіі Аляксандра Лукашэнкі і Уладзіміра Пуціна.
На думку большасці палітолагаў, новы віток у развіцці адносін паміж стратэгічнымі партнёрамі стане магчымым дзякуючы паглыбленню інтэграцыі. У эканамічнай сферы інтэграцыю разглядаюць як інструмент аздараўлення эканомік пасля пандэміі. Інтэграцыя ў сферы бяспекі - гарантыя абароны ад заходніх пагроз.
Таксама падчас круглага стала ішла гаворка пра ўспрыманне саюза Расіі і Беларусі ў грамадскай свядомасці.
Удзельнікі ў Мінску:
- старшыня Пастаяннай камісіі па міжнародных адносінах беларускага парламента Андрэй САВІНЫХ;
- эксперт Беларускага інстытута стратэгічных даследаванняў Аляксей АЎДОНІН;
- старшыня Ліберальна-дэмакратычнай партыі Беларусі Алег ГАЙДУКЕВІЧ;
- дэкан факультэта філасофіі і сацыяльных навук БДУ Вадзім ГІГІН.
У Маскве:
- загадчык сектара двухбаковых стасункаў Расіі і краін-суседзяў Інстытута эканомікі РАН Арцём ПЫЛІН;
- генеральны дырэктар Цэнтра вывучэння перспектыў інтэграцыі Сяргей РЭКЕДА;
- галоўны рэдактар партала "Евразия.Эксперт", прарэктар па міжнародных сувязях Дзяржаўнага акадэмічнага ўніверсітэта гуманітарных навук Вячаслаў СУТЫРЫН.
Мадэратар - галоўны рэдактар Цэнтра вывучэння перспектыў інтэграцыі Дар'я ХАСПЯКОВА.
Выпуск вакцыны ад COVID-19 для жывёл могуць наладзіць у Беларусі
(абноўлена 17:52 23.04.2021)
Для павелічэння аб'ёмаў прэпарату "Корнивак-ков", які здольны абараніць хатніх жывёл, вытворчасць могуць разгарнуць на беларускіх заводах.МІНСК, 23 кра – Sputnik. Вытворчасць вакцыны ад COVID-19 для жывёл можа быць наладжана ў Беларусі, распавёў у пятніцу кіраўнік Рассельгаснагляду Сяргей Данкверт у эфіры тэлеканала "Россия 24".
Першая партыя ветэрынарных лекавых сродкаў супраць каронавіруса, вырабленых у РФ, паступіць у продаж у пачатку траўня. Усяго на базе Федэральнага цэнтра аховы здароўя жывёл (ФДБУ "ВНДІЗЖ") магчыма выпрацоўка трох мільёнаў доз вакцыны штомесяц. Расія першай у свеце зарэгістравала прэпарат, разлічаны на ахову здароўя хатніх і сельскагаспадарчых жывёл.
"Усё залежыць ад попыту, як будзе развівацца сітуацыя. У выпадку неабходнасці павелічэння аб'ёму вытворчасць вакцыны будзе наладжана ў Беларусі. На бягучы момант няма дастатковых дадзеных аб тым, як актыўна вірус муціруе сярод жывёл, адпаведна, і па ўплыву вакцыны на розныя штамы", - паведаміў Данкверт.Па словах кіраўніка Рассельгаснагляду, перадача захворвання ад жывёл чалавеку ў Расіі не пацвердзілася. Хоць ён заўважыў, што было некалькі выпадкаў, калі вірус перадаваўся ад кошак.
Таксама Данкверт адзначыў, што ўтылізацыя норак ў Даніі была марнай - племянное пагалоўе можна было захаваць. Нагадаем, у лістападзе 2020 года ў скандынаўскай дзяржаве былі знішчаны мільёны асобін. Рашэнне аб ліквідацыі ферм урад прыняў з-за падазрэнняў, што норкі маглі быць пераносчыкамі патэнцыйна небяспечнай мутацыі віруса.
Чытайце таксама:
- Вакцыну супраць каронавіруса для жывёл зарэгістравалі ў Расіі
- Скрадзеныя дакументы пралілі святло на зацвярджэнне вакцыны Pfizer у ЕС - СМІ
- Кіраўнік "Белмедпрэпаратаў" агучыў рэальны тэрмін стварэння вакцыны ад COVID
Тэги: