(1:17 / 8.02Mb / просмотров видео: 1653)

Помнік гарадавому з'явіўся ў Мінску

37
(абноўлена 10:02 03.03.2017)
Каля музея МУС у сталіцы напярэдадні 100-годдзя беларускай міліцыі адкрылі помнік гарадавому. Аўтарам канцэпцыі стаў асабіста міністр унутраных спраў Ігар Шуневіч.

У цэнтры беларускай сталіцы напярэдадні 100-гадовага юбілею органаў унутраных спраў Беларусі з'явіўся помнік гарадавому. Ва ўрачыстай цырымоніі адкрыцця акрамя Шуневіча прымалі ўдзел таксама міністр культуры Беларусі Барыс Святлоў, кіраўнік Следчага камітэта Іван Наскевіч, міністр па надзвычайных сітуацыях Уладзімір Вашчанка, старшыня Мінгарвыканкама Андрэй Шорац.

"Гарадавы атрымаўся вельмі аўтэнтычны. Ён зроблены па фатаграфіі сапраўднага мінскага гарадавога, якую мы знайшлі ў архіве. Праўдзіва ўсё: пачынаючы ад медалёў і сканчваючы нумарам на кукардзе форменнай фуражкі. Нават пагоны ў гарадавога розныя, як і было тады. Бо ў тыя часы ў асноўным бралі на службу былых салдат. Таму на адным плячы ў нашага гарадавога армейскі пагон, з якім ён звальняўся, а на іншым — паліцэйскі, які яму выдавалі", — распавёў Шуневіч.

Акрамя таго, да 100-гадовага юбілею прыкметна абнавілася і экспазіцыя міліцэйскага музея. Гэта першая за яго 30-гадовую гісторыю рэканструкцыя. Цяпер у зборы — больш за 10 тысяч дакументаў, рэчаў, фотаздымкаў і ўзнагарод.

37
Тэги:
гісторыя, помнік, МУС Беларусі, Іван Наскевіч, Андрэй Шорац, Уладзімір Вашчанка, Ігар Шуневіч, Мінск

Зварот Пуціна перад нарадай па каронавірусе: цытаты

15
(абноўлена 17:25 08.04.2020)
Прэзідэнт Расіі Уладзімір Пуцін правёў у сераду вялікую нараду з дзяржчыноўнікамі з нагоды сітуацыі з каронавірусам. Глядзіце на відэа зварот кіраўніка дзяржавы.

Самыя важныя заявы расійскага лідара:

  • неадкладная задача ўсіх рэгіёнаў - падвышаная гатовасць медустаноў і нарошчванне іх магутнасцяў
  • спадзяемся, што створаныя рэзервы ў медустановах РФ не спатрэбяцца ў поўным аб'ёме
  • рэанімабілі пачнуць паступаць у рэгіёны ўжо ў красавіку, будуць закуплены апараты ШВЛ
  • усе пытанні па барацьбе з каронавірусам трэба вырашаць хутка і аператыўна
  • падаючы рэгіёнам шырокія магчымасці пры барацьбе з каронавірусам, патрабаваць ад іх будзем строга
  • медыкі павінны атрымліваць увесь заробак без затрымак
  • улады РФ у бліжэйшы час выдзеляць рэгіёнам 10 млрд рублёў на дадатковыя выплаты медыкам з-за каронавіруса
  • трэба ўсталяваць для медыкаў павышаныя страхавыя гарантыі, як у вайскоўцаў
  • з красавіка на 3 месяцы павінна быць ўстаноўлена спецвыплата медыкам, якія змагаюцца з каронавірусам: ад 25 да 80 тысяч
  • нельга спыняць эканоміку і працу сістэмаўтваральных прадпрыемстваў
  • трэба стварыць умовы, каб усе кампаніі вярталіся да нармальнага графіка працы
  • патрэбен дакладны пералік арганізацый, якія спыненыя з-за падвышаных рызык, астатнія могуць працаваць
  • трэба змякчыць удар для бізнесу з-за каронавіруса - страты для яго сур'ёзныя
  • прапаную распаўсюдзіць на ўсе прадпрыемствы малога і сярэдняга бізнесу адтэрміноўку на паўгода па страхавых плацяжах, як для мікрабізнеса
  • разлічваю, што бізнес, думаючы пра будучыню, прыкладзе ўсе намаганні для захавання сваіх кампаній
  • дапамагаць у першую чаргу трэба тым кампаніям, якія захоўваюць занятасць, тым, хто застаўся без працы, будзем дапамагаць наўпрост
  • мы павінны быць гатовыя змагацца за кожнае жыццё
  • Расія не раз праходзіла сур'ёзныя выпрабаванні: і печанегі яе раздзіралі, і полаўцы, пераможам і гэтую заразу каронавірусную
  • для развіцця сітуацыі вызначальнымі будуць бліжэйшыя 2-3 тыдні, патрэбна лімітавая канцэнтрацыя ўсіх рэсурсаў
  • можам і абавязаныя на кожны з варыянтаў развіцця сітуацыі з каронавірусам распрацаваць план дзеянняў, тады меры будуць эфектыўнымі
  • у РФ ёсць вопыт пераадолення крызісаў: для гэтага ёсць устойлівая макраэканамічная сітуацыя, мінімальны дзярждоўг, салідная падушка бяспекі

Sputnik вёў анлайн-трансляцыю выступу.

Да нарады, якая прайшла у анлайн-фармаце, з рабочых кабінетаў падключылі мэра Масквы Сяргея Сабяніна, губернатара Падмаскоўя Андрэя Вараб'ёва, кіраўнікоў расійскіх рэгіёнаў. У спісе ўдзельнікаў - прэм'ер-міністр Міхаіл Мішусцін, віцэ-прэм'еры і міністры.

Раней аператыўны штаб па барацьбе з каронавірусам паведамляў, што за апошнія суткі ў Расіі зарэгістравана 1175 выпадкаў заражэння. Агульная колькасць тых, хто захварэў па краіне складае 8672 у 81 рэгіёне, усяго ад хваробы памерлі 63 чалавекі.

15
Тэги:
каронавірус, Расія, Уладзімір Пуцін
Тэмы:
Успышка каронавіруса з Уханя

Па вадзе як па глебе: беларускія танкісты могуць і так відэа

10
(абноўлена 14:56 08.04.2020)
Танкі не толькі не баяцца бруду, яны лёгка перамагаюць і водныя перашкоды. Глядзіце ў роліку, як беларускія танкісты вучацца пераадольваць брод пад вадой.

Мала проста навучыцца кіраваць шматтоннай баявой машынай на палігоне, таму ў вучэбнай праграме падрыхтоўкі танкавых экіпажаў ёсць такі элемент, як кіраванне танка па дне вадаёма.

Складанасць заключаецца ў тым, што, калі Т-72 пераадольвае водную перашкоду, механікі аказваюцца ніжэй воднага гарызонту. У такіх умовах беларускі танкіст павінен быць максімальна сканцэнтраваны, таму што машыну ён вядзе строга па прыборах.

Вядома, ніхто проста так "не кідае" курсантаў 72-га аб'яднанага вучэбнага цэнтра на баявой машыне ў ваду. Спачатку  будучым танкістам трэба будзе вывучыць тэорыю і навучыцца кіраваць тэхнікай на электронным трэнажоры.

Акрамя гэтага, курсанты праходзяць і курс лёгкавадалазнай падрыхтоўкі, каб больш упэўнена адчуваць сябе ў экстрэмальных сітуацыях. Як Т-72 рассякае водную роўнядзь, глядзіце на відэа.

10
Тэги:
Міністэрства абароны РБ
Кожнаму дасталася часцінка Жыватворнага агню

Набажэнствы напярэдадні Вялікадня пакажуць па тэлебачанні

0
(абноўлена 09:04 09.04.2020)
Усяго на каналах Белтэлерадыёкампаніі будуць паказаныя 11 набажэнстваў - як для каталікоў, так і для праваслаўных.

МІНСК, 8 кра - Sputnik. Прамыя трансляцыі велікодных набажэнстваў каталіцкай і праваслаўнай цэркваў пакажуць у эфіры беларускага тэлебачання, расказалі Sputnik у прэс-службе Белтэлерадыёкампаніі.

На фоне распаўсюджвання каронавіруса многія, у тым ліку вернікі, хочуць засцерагчы сябе. Для выконваючых сацыяльнае дыстанцыяванне і самаізаляцыю арганізаваны прамыя трансляцыі велікодных набажэнстваў - і ў каталікоў, і ў праваслаўных.

Так, у чацвер 9 красавіка ў сем гадзін вечара на тэлеканале "Беларусь 3" пачнецца прамая трансляцыя набажэнства ў Вялікі чацвер з архікафедральнага касцёла Найсвяцейшай Панны Марыі ў Мінску. У пятніцу 10 красавіка ў 23:20 на гэтым жа тэлеканале пройдзе прамая трансляцыя Крыжовага Шляху з Рымскага Калізея з удзелам Папы Рымскага Францыска.

Вечарам 11 красавіка, а 21:45, у эфіры "Беларусь 1" і "Беларусь 24" пакажуць трансляцыю набажэнства на Вялікдзень з архікафедральнага касцёла Найсвяцейшай Панны Марыі ў Мінску. У нядзелю 12 красавіка ў 16:20 на "Беларусь 3" будзе транслявацца велікоднае пасланне і благаславенне "Гораду і свету" Папы Рымскага.

Прамая трансляцыя літургіі на праваслаўную Вербніца будзе паказана па "Беларусь 3" у нядзелю ў 09:50.

Трансляцыю Чыну амавення ног у праваслаўны Вялікі чацвер пакажуць апоўдні 16 красавіка. У пятніцу 17 красавіка на тым жа тэлеканале ў прамым эфіры будзе ісці Вячэрня з вынасам Плашчаніцы з Мінскага Свята-Духава кафедральнага сабора.

У наступную пятніцу ў 19:00 у эфіры "Беларусь 3" адбудзецца трансляцыя ютрані з чынам пахавання Плашчаніцы з Мінскага Свята-Духава кафедральнага сабора. У нядзелю ў 13:15 па "НТБ-Беларусь" пройдзе прамая трансляцыя з храма Гроба Гасподняга ў Ерусаліме з сыходжаннем Жыватворнага агню.

Нарэшце, 18 мая а 23:45 па "Беларусь 1" і "Беларусь 24" будзе паказаная прамая трансляцыя святочнага богаслужэння з Мінскага Свята-Духава кафедральнага сабора.

0
Тэги:
Беларусь, Вялікдзень
Тэмы:
Сустракаем Вялікдзень