( / / )

Крывушэнка: перад матчам са Швецыяй сплю, як немаўля

12
(абноўлена 10:53 24.03.2017)
Галоўны трэнер беларускай зборнай па футболе Ігар Крывушэнка распавёў, што не адчувае мандражу перад паядынкам супраць шведаў. Глядзіце на відэа фрагмент прэс-канферэнцыі настаўніка каманды.

Адборачны матч Чэмпіянату свету па футболе 2018 Швецыя — Беларусь адбудзецца ў Стакгольме на стадыёне Friends Arena 25 сакавіка ў 20:00 (па мінскім часе). Капітанам беларускай каманды будзе Аляксандр Мартыновіч, віцэ-капітанамі нацыянальнай каманды выбраны Ягор Філіпенка і Сяргей Кісляк. Для Ігара Крывушэнкі паядынак стане дэбютным на пасадзе галоўнага трэнера нацыянальнай зборнай Беларусі.

"Шчыра скажу: сплю моцна. Хапае, вядома, працы: двухразовыя трэніроўкі, папяровыя пытанні, падрыхтоўка тэарэтычных заняткаў. Вялікі аб'ём, але засынаю, як немаўля. І ўначы не прачынаюся і не варочаюся. Са сном усё нармальна, дай Бог, што будзе і далей так", — сказаў Крывушэнка на прэс-канферэнцыі ў чацвер у Мінску.

Паводле яго слоў, настрой трэнера заўсёды перадаецца гульцам. "Калі ёсць нейкія такія моманты, то яны адчуваюць гэта асабліва. Пакуль усё нармальна, думаю, будзе і далей так", — сказаў спецыяліст.

Турнірнае становішча ў папярэдняй групе А

  1. Францыя — 10 ачкоў
  2. Нідэрланды — 7
  3. Швецыя — 7
  4. Балгарыя — 6
  5. Беларусь — 2
  6. Люксембург — 1
12
Тэги:
футбол, Чэмпіянат свету па футболе-2018, Ігар Крывушэнка, Швецыя, Беларусь

Канадскі пенсіянер ператварыў хаду па снезе ў мастацтва - відэа

8
(абноўлена 19:46 26.02.2021)
Хаду на снегаступах мужчына ператварае ў сапраўднае мастацтва і здымае фантастычныя ўзоры, якія застаюцца на снезе пасля прагулкі. Паглядзіце, якая прыгажосць - і таксама канчайце сумаваць!

Каб не сумаваць ў пандэмію, канадскі пенсіянер адпраўляецца на прагулкі па заснежаных прасторах.

На шпацыр ён абувае снегаступы - мабыць, самае старажытнае прыстасаванне для перамяшчэння па заснежаным покрыве. Дзякуючы шырокай "падэшве", ціск на снег зніжаецца, што дазваляе шпацыраваць, не правальваючыся. А можна ствараць на снезе сапраўдныя творы мастацтва!

Перш, чым "намаляваць" узор на снезе, канадзец рыхтуе праект з дапамогай кампьютэрнай праграмы. У выніку атрымліваюцца па-сапраўднаму маштабныя праекты. Самы вялікі ўзор у дыяметры - 400 метраў!

Працы хутка растаюць, таму мужчына здымае іх з вышыні, каб і вы маглі палюбавацца гэтай прыгажосцю. Глядзіце відэа Sputnik і таксама адпраўляйцеся на шпацыр, снегу ў Беларусі зараз амаль не менш, чым у Канадзе.

Глядзіце таксама:

8
Тэги:
Канада, Прыгажосць, мастацтва, снег, Пенсіянеры

Пустыня на лыжні: воблака пылу з Сахары прыцярушыла гарналыжны схіл

6
(абноўлена 19:41 26.02.2021)
Да Еўропы дабралася воблака пяску з Сахары - у выніку міні-пустыня ўтварылася нават на лыжні курорта Эль-Тартэр у Андоры. Глядзіце на відэа, якім убачылі гарналыжны схіл адпачываючыя.

Часціцы пяску афарбавалі схілы Пірэнейскіх гор. Пясок прыляцеў і на гарналыжны курорт у Андоры, госці курорта знялі на відэа, як ён выглядае.

Воблака пяску дабралася ад Сахары да Еўропы, з-за дажджу пясчаныя часцінкі аселі. Прычым, не толькі ў Андоры, пясок таксама дабраўся да Каталоніі, Балеарскіх выспаў і Валенсіі. Падобнае можна было назіраць таксама на поўдні Францыі і ў Швейцарыі.

Гэта распаўсюджаная з'ява, але воблака, якое сфарміравалася ў гэтым годзе - адно з самых вялікіх сярод тых, што дасягалі Еўропы ў апошнія гады.

Глядзіце на відэа, як выглядалі схілы гарналыжнага курорта, прыпарошаныя Сахарай.

Глядзіце таксама:

6
Тэги:
Андора, Еўропа, Сахара
Знойдзены скарб манет

Гісторыкі назвалі ўзрост скарбу залатых манет у цэнтры Мінска

7
(абноўлена 19:48 26.02.2021)
Навукоўцам трэба высветліць, хто больш за 100 гадоў таму схаваў скураны мяшочак з залатымі манетамі, і чаму ён так і застаўся ляжаць у зямлі.

МІНСК, 28 лют – Sputnik. Беларускія навукоўцы высвятляюць дакладны ўзрост скарбу залатых манет і іншых артэфактаў, які быў знойдзены ў цэнтры Мінска - у скверы Марата Казея, паведамілі ў Інстытуце гісторыі НАН Беларусі.

У мінулы панядзелак стала вядома, што манеты пачатку ХХ стагоддзя былі выяўлены ў невялікім парку ў беларускай сталіцы, дзе праводзіліся земляныя работы.

"Гэта яшчэ дарэвалюцыйны скарб, яго ўзрост, як мяркуецца, канец XIX - пачатак XX стагоддзя. Папярэдне можна сказаць, што яму каля 120 гадоў. Але дакладная інфармацыя будзе пасля таго, як мы вывучым знойдзеныя прадметы", - паведамілі Sputnik у інстытуце.

Там таксама патлумачылі, што ў цяперашні час манеты і іншыя каштоўныя артэфакты дастаўлены ў інстытут, распачата даследчая і навуковая праца.

Суразмоўцы агенцтва адзначылі, што навукоўцам трэба высветліць, хто мог схаваць гэты скарб. "Пакуль з вялікай доляй верагоднасці нельга агучыць ні адну з версій, хто схаваў скарб, пры якіх абставінах, чый дом стаяў у той час на месцы знаходкі", - сказалі ў НАН.

Разам з тым у інстытуце ўдакладнілі, што знойдзены скарб, акрамя каштоўных з гістарычнага пункту гледжання артэфактаў, складаецца з 24 залатых манет. У інстытуце растлумачылі, што тэрыторыя сквера, дзе знайшлі золата, з'яўляецца гісторыка-культурнай каштоўнасцю. Там цяпер ідзе будаўніцтва ліўневай каналізацыі.

Што прызначана за скарб

У інстытуце паведамілі, што скарб знайшоў мінчанін, неабыякавы да археалогіі і гісторыі, і перадаў яго дзяржаве. Гісторыкі адмовіліся назваць яго прозвішча. У Беларусі пытанні прыналежнасці скарбаў рэгулююцца Грамадзянскім кодэксам. У адпаведнасці з ім скарб паступае ва ўласнасць асобы, якая яго знайшла, і асобы, якой належыць маёмасць, дзе скарб быў схаваны. Але калі скарб ўтрымлівае рэчы, якія адносяцца да помнікаў гісторыі ці культуры, ён павінен быць перададзены ў дзяржаўную ўласнасць. Пры гэтым уласнік зямельнага ўчастка або iншай маёмасцi, дзе скарб быў знойдзены, і асоба, якая яго выявіла, маюць права на ўзнагароджанне ў памеры 25% ад кошту знойдзенага.

Самыя вядомыя скарбы

Ад пачатку XIX стагоддзя на тэрыторыі сучаснай Беларусі былі выяўлены каля 1500 скарбаў, вялікая колькасць з іх прапала ў гады Вялікай Айчыннай вайны.

Сярод 20 найбольш вядомых - мінскі, віцебскі і брэсцкія скарбы, перкаўскі скарб, гараўлянскія і слуцкія скарбы. У іх пераважна былі срэбныя вырабы, а таксама старажытныя манеты - залатыя і сярэбраныя.

Чытайце таксама:

7
Тэги:
Нацыянальная акадэмія навук Беларусі, Мінск, манеты, Скарб