Відэафакт: воданапорную вежу знеслі ў Докшыцкім раёне

12
(абноўлена 12:30 11.05.2017)
Кіраўніцтва Докшыцкай ЖКГ звярнулася па дапамогу да супрацоўнікаў МНС, калі паўстала вострая неабходнасць знесці неэксплуатаваную вежу ў Круляўшчызне. Глядзіце на відэа, як выратавальнікі знеслі воданапорную вежу з дапамогай накіраванага выбуху.

Неабходнасць у зносе паўстала, калі праводзіліся працы па ўстаноўцы станцыі абезжалезвання. На працягу чатырох дзён выбухатэхнікі вялі падрыхтоўчыя працы і 6 мая ўчынілі знос вежы шляхам накіраванага выбуху.

Знос неэксплуатуемых будынкаў і збудаванняў праводзіць на тэрыторыі Віцебскай вобласці пажарны аварыйна-выратавальны атрад "Віцязь". У 2016 годзе супрацоўнікі атрада правялі знос шасці будынкаў і збудаванняў. У 2017-м дапамога выбухатэхнікаў спатрэбілася ўжо двойчы. Акрамя выпадку ў Докшыцкім раёне, у красавіку падчас вясновага крыгаходу спецыялісты вызвалялі ад лёду мост праз раку Чарніца.

12
Тэги:
Выбух, МНС Беларусі, Віцебская вобласць