Школьны вальс: як праходзілі выпускныя ў мінчукоў у 50-х і 60-х гадах

51
(абноўлена 12:13 09.06.2017)
Sputnik падрыхтаваў падборку архіўных кадраў аб тым, як развітваліся са школай выпускнікі 50-х і 60-х гадах мінулага стагоддзя.

Па ўсёй Беларусі 10 чэрвеня пройдуць выпускныя вечары. Амаль 60 тысяч школьнікаў пакрочаць у дарослае жыццё. Як праходзілі выпускныя ў Мінску паўстагоддзя таму, глядзіце ў падборцы архіўнага відэа на Sputnik.

На старых кадрах кінахронікі з сходу БДАКФФД — выпускныя, якія праходзілі ў Мінску паўстагоддзя таму. Ва ўпрыгожаных кветкамі актавых залах выпускнікі атрымліваюць свае першыя дарослыя дакументы — атэстаты сталасці. Гучаць расчуленыя пажаданні настаўнікаў і першакласнікаў. І, вядома, музыка школьнага вальса, на які можна ў апошні раз запрасіць першую настаўніцу.

Моладзь 50-х і 60-х, якая на кадрах кінахронікі распавядае аб сваіх марах і планах — бабулі і нават прабабулі сучасных выпускнікоў, якія таксама мараць і будуюць планы.

Паглядзіце на Мінск 50-х — з тых часоў ён змяніўся да непазнавальнасці. Ды і прайсціся па начным праспэкце, як гэта рабілі школьнікі першага пасляваеннага дзесяцігоддзя, у сучасных выпускнікоў наўрад ці атрымаецца — рух на галоўным праспекце горада не замірае нават ноччу.

У кожнай школе выпускны баль будзе праходзіць па ўласным сцэнары. Але галоўная традыцыя застанецца нязменнай — выпускнікі 2017 пойдуць сустракаць свой першы дарослы світанак, як гэта рабілі паўстагоддзя таму іх бабулі і прабабулі.

51
Тэги:
Выпускныя вечары, гісторыя, Мінск

Лукашэнка: "майдана" у Беларусі не будзе - відэа

10
(абноўлена 18:00 01.06.2020)
На сустрэчы з кіраўніком Камітэта дзяржбяспекі прэзідэнт папярэдзіў усіх, хто яго чуе: "майдана" у Беларусі не будзе. Глядзіце заяву кіраўніка дзяржавы на відэа.

Прэзідэнт Беларусі Аляксандр Лукашэнка сказаў, што дасведчаны аб існаванні планаў зладзіць "майданчык" напярэдадні або ў дзень прэзідэнцкіх выбараў.

"Майдана ў Беларусі не будзе", - заявіў ён на сустрэчы са старшынёй Камітэта дзяржаўнай бяспекі Валерыем Вакульчыкам.

Лукашэнка адзначыў, што дзяржаўная бяспека - аснова асноў, і вядучая роля па абароне незалежнасці і суверэнітэту рэспублікі належыць КДБ і прэзідэнту асабіста.

"Мы ведаем мэты, якія пераследуюць тут асобныя людзі. Гэтыя мэты нам ясныя. Зладзіць нам "майданчык" напярэдадні прэзідэнцкіх выбараў або ў дзень прэзідэнцкіх выбараў. Так яны планавалі. Хачу на гэтай сустрэчы вас папярэдзіць і ўсіх, хто нас пачуе, усіх гэтых майданутых хачу папярэдзіць, што "майдана" у Беларусі не будзе", - сказаў Лукашэнка.

На сустрэчы ён падкрэсліў, што дэстабілізацыі абстаноўкі ў краіне не дапусціць. Ён таксама пракаментаваў асобныя публікацыі ў СМІ.

"Не трэба нас параўноўваць, як нядаўна газета суседняй краіны папісвала, што тут у нас з'явіліся новыя Пашынян, новыя Зяленскі і ў нас ледзь не сітуацыя не тое як у Арменіі, не тое як ва Украіне", - сказаў Лукашэнка і выказаў упэўненасць, што ў Беларусі няма такіх лід араў, як прэм'ер Арменіі і ўкраінскі прэзідэнт, з якімі ён ужо паспеў блізка пазнаёміцца.

Лукашэнка выказаў здагадку, што некаторыя хочуць прадаць за капейку ўсё, што створана ў краіне, не толькі уладай, але і народам, і адзначыў, што гэтага нельга дапусціць.

10
Тэги:
Аляксандр Лукашэнка

Як уладальнікі крамаў у ЗША ратуюцца ад марадзёраў - відэа

8
(абноўлена 11:12 01.06.2020)
Беспарадкі ахапілі шэраг буйных амерыканскіх гарадоў, на вуліцах з'явіліся і марадзёры. Глядзіце на відэа, што стала з гандлёвымі аб'ектамі ў адным канкрэтным горадзе - Чыкага.

Жыхары горада на фоне масавых беспарадкаў пасля забойства паліцэйскімі афраамерыканца Джорджа Флойда ўзяліся за марадзёрства.

У роліку бачна, як гараджане, не саромеючыся, заходзяць у краму праз пабітую вітрыну і выносяць вопратку і абутак, не баючыся паліцыі.

Уладальнікі крамаў, якія яшчэ не паспелі разрабаваць, пачалі абараняць вітрыны плітамі з драўнянай габлюшкі. Забітыя вітрыны ў Чыкага цяпер паўсюль.

Беспарадкі ў Штатах пачаліся ў Мінеапалісе пасля забойства паліцэйскімі афраамерыканца Джорджа Флойда.

Кіраўніцтва паліцыі горада паспяшалася выпусціць заяву аб звальненні чатырох афіцэраў, аднак да таго часу найбуйнейшы горад штата Мінесота ахапілі масавыя беспарадкі, якія пазней перакінуліся і на іншыя буйныя гарады. Да расследавання справы аб забойстве падключылася ФБР.

8
Тэги:
ЗША