"Беспілотная бульба": польскі інжынер паказаў колавы "бульбаход"

14
(абноўлена 12:04 26.06.2017)
Інжынер з Польшчы Марэк Батшынскі паказаў беспілотнага робата, зробленага з бульбіны. Глядзіце на відэа, як працуе вынаходніцтва.

Многія могуць памятаць са школьнага курсу фізікі, што некаторая гародніна, у прыватнасці, бульба, тэарэтычна можа быць выкарыстана ў якасці батарэек. Польскі інжынер вырашыў скарыстацца гэтай функцыяй і сканструяваў з бульбіны "беспілотнік".

Батшынскі прымацаваў да клубня суперкандэнсатары, якія назапашваюць энергію, і паставіў яго на чатырохколавую каляску з маторчыкам, пасля чаго прывёў канструкцыю ў рух. Таксама вынаходнік абсталяваў сваю прыладу блокам кіравання, пасля чаго "беспілотнік" сам пракладвае сабе маршрут.

Аўтаномнасць "бульбахода" — восем сантыметраў, пасля чаго яму патрабуецца 15-хвілінная "зарадка".

14
Каментары