Праграміст на паяльніку запусціў "Тэтрыс"

11
Праграміст запусціў на паяльніку з усталяваным экранам культавую гульню. Глядзіце на відэа, як вэбмайстар гуляе ў "Тэтрыс" пры дапамозе толькі дзвюх кнопак.

У сеціве з'явіўся незвычайны ролік, на якім праграміст пад нікам Joric стварыў гульню для паяльніка TS100. Інструмент мае экран, акрамя таго, яго тэхнічныя характарыстыкі дазваляюць яго адштабнаваць праз USB-порт. Такім чынам "Тэтрыс" і быў усталяваны на паяльнік. Кіраванне "цаглінкамі" ажыццяўляецца з дапамогай кнопак на корпусе.

Дарэчы, праграміст апублікаваў і інструкцыю па ўсталяванні гульні на інструмент.

11
Тэги:
"Тэтрыс", ІТ-тэхналогіі

Нябеснае шоу: аблокі "сцякаюць" з гор і раствараюцца ў паветры - відэа

23
(абноўлена 13:10 04.03.2021)
Турысты захавалі незвычайную прыродную з'яву ў раёне Новарасійска. Яны падняліся на вышыню 540 метраў над узроўнем мора і ўбачылі, як аблокі быццам "сцякаюць" у Цемескую бухту і растаюць. Глядзіце на відэа, як гэта адбывалася.

Пара турыстаў з Сібіры стала сведкамі зачаравальнай прыроднай з'явы ў гарах каля Новарасійска. Падняўшыся на вышыню 540 метраў над узроўнем мора, маладыя людзі ўбачылі, як аблокі быццам сцякаюць у Цемескую бухту і раствараюцца ў паветры, так і не дасягнуўшы горада.

Сіноптыкі патлумачылі - гэта з'ява адбываецца нячаста ў асноўным з-за перападу тэмператур. Наварасійск вядомы сваім нестабільным надвор'ем. З лістапада па сакавік у горадзе ўзнікае шквалісты вецер, які нясе халоднае паветра з Паўночна-Каўказскага плато на ўзбярэжжы Чорнага мора.

Парывы ​​могуць дасягаць 50 м/с.

23
Тэги:
Новарасійск, турыст, паветра, горы, шоу

Мінабароны РФ паказала відэа стральбы ракетамі "Уран" з борта фрэгата

21
(абноўлена 13:13 04.03.2021)
Расійскі фрэгат "Маршал Шапашнікаў", які нядаўна прайшоў мадэрнізацыю, правёў выпрабавальныя пускі супрацькарабельных ракет "Уран". Глядзіце на відэа, як прайшлі стрэльбы.

Ваенны карабель прыпісаны да Ціхаакіянскага флоту, і цяпер ён праходзіць выпрабаванні пасля мадэрнізацыі, падчас якой судна і аснасцілі супрацькарабельнымі ракетамі "Уран", перадае Мінабароны Расіі.

"З борта фрэгата выкананы паспяховы пуск супрацькарабельнай крылатай ракеты комплексу "Уран", - гаворыцца ў паведамленні ведамства.

Раней "Маршал Шапашнікаў" праводзіў стрэльбы з карабельнай артылерыі па паветраных і марскіх цэлях, экіпаж выкарыстаў для гэтага ўніверсальную артустановку А-190.

Рамонт і мадэрнізацыя фрэгата, які нясе сваю службу з 1986 года, праводзіўся на "Дальзаводзе" ва Уладзівастоку. Карабель ўзброілі сучаснымі комплексамі ўдарнай ракетнай зброі "Калібр-НК", "Уран", найноўшым артузбраеннем. Да канца года фрэгат плануюць вярнуць у склад сіл Ціхаакіянскага флоту.

21
Тэги:
відэа, фрэгат, Міністэрства абароны РФ
Які сёння дзень: 5 сакавіка 2021 года

Які сёння дзень: 5 сакавіка 2021 года

218
(абноўлена 18:10 04.03.2021)
Гэты дзень з'яўляецца шэсцьдзясят чацвёртым па грыгарыянскім календары, да канца года застаўся 301 дзень.

Якія падзеі адбыліся 5 сакавіка і чым азнаменаваны гэты дзень у народным календары, чытайце ў спраўцы Sputnik.

Гістарычныя падзеі 5 сакавіка

  • У 1279 годзе войска ВКЛ на чале з князем Трайдзенем перамагло ордэнскае войска ў бітве пры Ашарадэне.
  • У 1562 годзе магістр Лівонскага ордэна Готхард Кетлер у Рыжскім замку перадаў Мікалаю Радзівілу Чорнаму пячатку Ордэна і ключы ад Рыгі, прызнаючы свае ўладанні часткай ВКЛ.
  • У 1992 годзе Беларусь устанавіла дыпламатычныя адносіны з Грэцыяй і Малайзіяй.

Хто нарадзіўся 5 сакавіка

  • 1777 год: Юзаф Маралёўскі, беларускі паэт і педагог.
  • 1896 год: Кандрат Крапіва, беларускі навуковец і пісьменнік.
  • 1910 год: Аўген Калубовіч (Каханоўскі), беларускі гісторык, палітычны дзеяч, настаўнік.

Таксама сёння нарадзіліся нямецкая рэвалюцыянерка Роза Люксембург і італьянскі пісьменнік і рэжысёр П'ер Пазаліні.

5 сакавіка ў народным календары

Сёння Праваслаўная Царква шануе памяць вялебнага Льва Катанскага.

Па народным павер'і, у гэты дзень дрэнным знакам было ўбачыць упаўшую зорку – гэта, быццам бы, непазбежна прывядзе да цяжкай хваробы або нават смерці таго, хто назіраў за небам або кагосьці з яго блізкіх.

Калі птушкі ў гэты дзень пачынаюць мыцца ў снезе, будзе адліга. Снег або дождж прадвяшчаюць паводку.

218
Тэги:
народны каляндар, які сёння дзень