(1:09 / 7.66Mb / просмотров видео: 3333)

Відэафакт: Мінск прыняў фінал факельнай эстафеты "Бег міру"

15
(абноўлена 09:35 11.07.2017)
Сотні спартсменаў з розных краін свету прынялі ўдзел у фінальным этапе міжнароднай факельнай эстафеты "Бег міру - 2017". Глядзіце на відэа кадры прабегу ў Мінску.

Напярэдадні, 2 ліпеня, пяць міжнародных каманд прыбылі ў Беларусь з Польшчы, Літвы, Расіі і Украіны. Бегуны з 25 краін пранеслі Факел Міру па пяці маршрутах па кірунку да сталіцы рэспублікі. Шляхі прабегу адначасова злучыліся сёння раніцай на плошчы Перамогі. Удзельнікі ўрачыста адзначылі фініш еўрапейскай часткі эстафеты і яе 30-годдзе.

У святочнай цырымоніі ў цэнтры Мінска прынялі ўдзел вядучыя міжнародныя і нацыянальныя алімпійцы, амбасадары краін. У прабегу мог паўдзельнічаць кожны ахвотны: прабегчы некалькі кіламетраў, патрымаць факел або проста павітаць бегуноў.

"Бег Міру" (Peace Run) — гэта самая працяглая ў свеце эстафета, яе ўдзельнікі перадаюць з рук у рукі падпалены факел — сімвал дружбы і добрай волі. Ініцыятарам правядзення прабегу з'яўляецца энтузіяст спорту і грамадскі дзеяч Шры Чынмой.    

15
Каментары