У Лошыцкім парку праходзіць фестываль A-fest

107
(абноўлена 14:10 14.08.2017)
Мінчукі і госці сталіцы сабраліся сёння ў самым маляўнічым кутку сталіцы. Глядзіце на відэа Sputnik, як праходзіць у Лошыцкім парку самы маштабны гарадскі фестываль.

У парку створана некалькі тэматычных зон, якія падзяляюць Мінска на мінулае, сучаснасць і будучыню. Усяго на адкрытым паветры арганізавана 16 пляцовак для самых разнастайных актыўнасцяў.  

Для гасцей фестывалю прыгатаваны забавы на адкрытым паветры і арыгінальная музычная праграма. Хэдлайнерам A-fest 2017 стане папулярны брытанскі выканаўца John Newman, які стаў папулярны дзякуючы песні Love me again. На канцэрце выступіць таксама еўрапейскі джаз-бэнд De-Phazz.

Беларускі гурт Akute, які выступаў на адной пляцоўцы з Placebo, сыграе свае галоўныя хіты. Перад беларускай публікай выступіць украінская спявачка і піяністка Марыя Чайкоўская.

Чым займаюцца і як забаўляюцца госці фестывалю, глядзіце на відэа Sputnik.   

107
Тэги:
Лошыцкі парк, Фестываль, A-fest

Як картачны домік: будынак завода ўзарвалі ў Оршы - відэа

16
(абноўлена 15:41 10.05.2021)
Каб падарваць першы з трох карпусоў, выбухатэхнікі заклалі 26 кг выбухоўкі. Глядзіце на відэа, як падрывалі, будынак завода па вытворчасці металаканструкцый, які ўжо некалькі гадоў не выкарыстоўваецца.

Адміністрацыйны корпус аршанскага завода "Легмаш" гадамі нікім не эксплуатаваўся. За некалькі гадоў чатырохпавярховы будынак стаў аварыйным, было вырашана ад яго пазбавіцца. На месца прыбылі выбухатэхнікі пажарнага аварыйна-выратавальнага атрада "Віцязь". З-за таго, што ў некалькіх метрах ад будынка праходзіць вонкавая цепламагістраль, спецыялісты прынялі рашэнне падарваць яго ў тры этапы - каб не пашкодзіць камунікацыі.

Каб абараніць цеплатрасу, камунальнікі пабудавалі спецыяльнае ахоўнае збудаванне. Для выбуху першай часткі будынка ратавальнікі заклалі 26 кілаграмаў выбухоўкі. Усе працы па зносе плануецца завяршыць да канца траўня.

А нядаўна выбухатэхнікі "Віцязя" эфектна знеслі будынак дома культуры ў гарпасёлку Асвея Верхнядзвінскага раёна. Спецыялістам, каб падарваць будынак вышынёй восем метраў, спатрэбілася два тыдні падрыхтоўкі і 25 кілаграмаў выбухоўкі.

Глядзіце таксама:

16
Тэги:
відэа, Орша, завод, будынак

Рэдкі далёкаўсходні леапард выйшаў да людзей - відэа

20
(абноўлена 15:16 10.05.2021)
Чырванакніжны драпежнік выйшаў да хаты расіян у Прымор'е, у людзей атрымалася зняць яго на відэа. Кароткі ролік апублікаваны на YouTube-канале ФДБУ "Зямля леапарда".

Рэдкі леапард выйшаў да прыватнага дома ў ахоўнай зоне нацпарка "Зямля леапарда".

"На відэа плямістая кошка нейкі час застаецца за хмызняком, але затым выходзіць на адкрытае месца пасярод дарогі, аглядаючы наваколле. Пры гэтым звер, хоць і асцярожнічае, захоўвае спакой і відавочна не настроены ўступаць у канфлікт", - гаворыцца ў апісанні да відэа .

Аўтары роліка відавочна здзіўлены такімі паводзінамі драпежніка. Разам з тым, на сайце нацпарка адзначаецца, што падставы для турботы няма. "За ўсю гісторыю вывучэння далёкаўсходняга леапарда не зафіксавана ніводнага выпадку несправакаванага яго нападу на чалавека. Гэта самы мірны леапард ў свеце", - растлумачылі ў нацпарку.

Глядзіце таксама:

20
Тэги:
Прымор'е, ролік, відэа, Нацыянальны парк "Зямля леапарда", леапард
Які сёння дзень: 12 траўня

Які сёння дзень: 12 траўня 2021 года

0
(абноўлена 22:50 28.04.2021)
Гэты дзень з'яўляецца сто трыццаць другім па грыгарыянскім календары, да канца года засталося 233 дні.

Сёння адзначаецца Міжнародны дзень медыцынскай сястры. Якія яшчэ падзеі адбыліся 12 траўня і чым азнаменаваны гэты дзень у народным календары, чытайце ў спраўцы Sputnik.

Гістарычныя падзеі 12 траўня

  • У 996 годзе ў Кіеве была асвечана Дзесяцінная царква, першая вядомая каменная царква Русі.
  • У 1364 годзе быў заснаваны Кракаўскі ўніверсітэт.

Хто нарадзіўся 12 траўня

  • 1670 год: Аўгуст Моцны, курфюрст Саксоніі, кароль польскі і вялікі князь літоўскі.
  • 1909 год: Язэп Найдзюк, беларускі нацыянальны дзеяч, выдавец.
  • Таксама сёння нарадзіліся англійскі мастак і паэт Эдвард Лір і расійскі паэт Андрэй Вазнясенскі.

12 траўня ў народным календары

Сёння праваслаўныя вернікі шануюць памяць дзевяці пакутнікаў Кізічаскіх – хрысціянскіх святых і лекараў, якія прынялі пакутніцкую смерць у ІІІ в. у горадзе Кізік.

У народзе лічыліся, што сны, якія прысніліся на 12 траўня, абавязкова спраўдзяцца. Так, калі прыснілась чыстае возера, чалавек не будзе ў гэтым годзе хварэць. Калі снілася, што чалавек чытае святое пісанне, гэта прадвяшчала яму доўгае жыццё. А вось камандаваць іншымі людзмі значыла страціць давер у калектыве.

Калі ноч цёплая і на небе шмат зорак, ураджай будзе добры. Мурашы збіраюцца на сухім месцы – хутка пойдзе дождж. Шмат хрушчоў – лета будзе сухім.

0
Тэги:
народны каляндар, які сёння дзень
Тэмы:
Які сёння дзень: каляндар знакавых падзей