Відэа

Што павінен ведаць турыст, каб пазбегнуць праблем на адпачынку

Падпісацца
Пытанні страхавання ў выпадку надзвычайных здарэнняў на адпачынку сталі актуальныя пасля чарады тэрактаў у Еўропе. Глядзіце на відэа Sputnik як раяць паступаць у падобных выпадках спецыялісты.

У МПЦ Sputnik эксперты з страхавой, турыстычнай і юрыдычнай галіны абмеркавалі пытанні страхавання турыстаў на адпачынку, як паступаць і куды звяртацца ў выпадку надзвычайнага здарэння пры выездзе на адпачынак.

Дырэктар кампаніі "Універсальны страхавы брокер" Ігар Барташэвіч сказаў, што беларускія страхавыя кампаніі працуюць вельмі годна і ў выпадку ўзнікнення тэрактаў або іншых НЗ акажуць поўную падтрымку кліенту.

Сёрфінг, архіўнае фота - Sputnik Беларусь
Турыстам для актыўнага адпачынку трэба рабіць адмысловую страхоўку

Паводле яго слоў, важна ва ўсіх выпадках прытрымлівацца інструкцый, якія выдае страхавая кампанія інакш можна сутыкнуцца з сітуацыяй, калі ў выплаце кампенсацыі будзе адмоўлена.

Ігар Барташэвіч распавёў, што нават, калі турыст едзе па праграме "усё ўключана" яму варта звярнуць увагу на ўсе ўмовы і праграму адпачынку. Часцяком турысты не звяртаюць на гэта ўвагі, а потым аказваецца, што ў праграму ўваходзяць заняткі актыўнымі відамі спорту, якія патрабуюць асобнай спецыяльнай страхоўкі.

У сваю чаргу, старшыня Рэспубліканскага саюза туріндустрыі Філіп Гулый заклікаў турыстаў, сур'ёзна ставіцца да пытанняў страхавання, і ў выпадку надзвычайнага здарэння адразу тэлефанаваць у службу страхавой падтрымкі.

У апошні час для беларускіх турыстаў з-за адмены візаў стаў больш прывабным для наведвання Ізраіль. Некаторыя беларусы сутыкаліся з тым, што ім пры наяўнасці пуцёўкі і страхоўкі ад невыязду па прылёце ў краіну было адмоўлена ў знаходжанні.

Прэс-канферэнцыя па турыстычнаму страхаванню - Sputnik Беларусь
Беларускія страхавыя кампаніі падтрымаюць турыстаў у выпадку тэракту

Гулый таксама распавёў, што ў падобных выпадках турыстычная кампанія кампенсуе турысту сродкі за паездку за вылікам ўласных выдаткаў на пуцёўку, уключаючы браніраванне і іншыя паслугі. Пры гэтым страхоўка ад невыязду у дадзеным выпадку не дзейнічае, так як турыст пакінуў краіну і прыбыў у Ізраіль, дзе яму адмовілі ў знаходжанні, а не ўездзе.

Кіраючы партнёр адвакацкага бюро "Леў, Шарстнёў і партнёры" Барыс Леў растлумачыў, што ў дадзеным выпадку дзяржава ставіць пытанні ўласнай бяспекі вышэй за іншыя. Спецыяльныя службы ў падобных выпадках спасылаюцца на падрабязныя інструкцыі, але не камэнтуюць прычыны адмовы ў знаходжанні ў Ізраілі.

Барташэвіч, у сваю чаргу, адзначыў, што калі з турыстам пасля ўжывання алкаголю на адпачынку здарылася НЗ, то гэта не з'яўляецца страхавым выпадкам. Разам з тым, ён канстатаваў, што на беларускім рынку страхавых паслуг ужо ёсць кампаніі, якія страхуюць і падобныя выпадкі.

Стужка навiн
0