Яны любяць бульбу: самы шчыры кліп байнета

130
(абноўлена 14:15 10.09.2017)
Музыка прызнаўся ў любові да бульбы, тым самым стварыўшы ледзь не самы патрыятычны кліп за гісторыю беларускай музыкі.

Дзяўчаты на абцасах і брутальныя мужчыны — кліп на песню "Мы любім бульбу" пераўзыходзіць узроўнем сэксізму рэкламу "Марк Фармэль", але з-за канцэнтрацыі патрыятызму ў ім выканаўцу не папракнуць прапагандай гендэрнай няроўнасці.

Незвычайную бульбу вынайшлі беларускія селікцыянеры
© Sputnik Светлана Лицкевич, Сергей Пушкин Смотрите какую необычную картошку вывели белорусские специалисты

"Бульба — гэта наш наркотык", — прызнаецца за сябе і, здаецца, іншых беларусаў выканаўца Піліп Беспамылковы.

Лірычны герой адмаўляецца ад сушы і кажа, што чужога яму не трэба і ўсе ягоныя думкі ўжо адданыя бульбе. Ён дадае, што радзіма, свабода ды іншыя спрадвечныя каштоўнасці таксама для яго важныя, але больш за ўсё ён усё роўна любіць бульбу.

Каментуючы кліп, замежная аўдыторыя ўжо напісала, што такую прыгожую мову варта выкарыстоўваць не толькі ў гумарыстычных кліпах, але і па жыцці. Прызнанне ў любові да бульбы глядзіце на відэа.

130
Тэги:
бульба, клип, Піліп Беспамылковы, Беларусь
По теме
"Беспілотная бульба": польскі інжынер паказаў колавы "бульбаход"

Дзень трэці: акцыі пратэсту перамясціліся ў мікрараёны Мінска

34
На трэці дзень пасля прэзідэнцкіх выбараў пратэсты ў сталіцы працягнуліся ў спальных раёнах, сутыкненні з праваахоўнікамі насілі не такі масавы характар, як днём раней.

Несанкцыянаваныя акцыі пратэсту не суціхаюць у Мінску ўжо трэці дзень. Увечары ў аўторак, 11 жніўня, дэманстранты выходзілі ў розных раёнах сталіцы - Уручча, Серабранка, Каменная горка, Малінаўка і ст. м. "Пушкінская" - аднак усе яны заканчваліся хутка. Вартавыя парадку паспяхова спынялі спробы збору дэманстрантаў. Пры разгоне сілавікі выкарыстоўвалі дубінкі, шумавыя гранаты і гумовыя кулі.

Рух на частцы вуліц і праспектаў сталіцы быў перакрыты, установы грамадскага харчавання спынілі працаваць раней, чым звычайна.

Пацярпелі не толькі людзі, але і журналісты. Вядома, што фотакарэспандэнту Associated Press Сяргею Грыцу разбілі камеру, таксама паведамлялася аб затрыманні журналістаў шэрагу беларускіх выданняў.

Глядзіце на відэа, як праходзілі пратэсты ў спальных раёнах.

34
Тэги:
Беларусь
Тэмы:
Выбары прэзідэнта Беларусі - 2020

Панядзелак пасля выбараў: барыкады і жорсткія затрыманні відэа

24
Пасля брутальных затрыманняў АМАПа дэманстранты сканцэнтраваліся ў некалькіх раёнах сталіцы і сталі будаваць барыкады. Глядзіце на відэа, як праходзілі сутыкненні сілавікоў і грамадзянскіх.

На другі дзень пасля выбараў пратэсты ў Мінску прадоўжыліся. Людзі мэтанакіравана выходзілі на вуліцы сталіцы, каб выказаць незадаволенасць вынікамі выбарчай кампаніі. Сілавікі да гэтага былі гатовыя і сцягнулі спецтэхніку і аўтазакі да стэлы "Мінск - горад-герой" і Палаца спорту ўжо каля 17 гадзін.

Першыя затрыманні беларусаў праходзілі на праспекце Пераможцаў. Вартавыя парадку затрымлівалі на вуліцах звычайных мінакоў. Людзей у цэнтры станавілася ўсё менш, але сталі паступаць паведамленні аб тым, што хваляванні паступова пачынаюцца ў розных раёнах Мінска. У некаторых месцах яны перарасталі ў сутыкненні з праваахоўнікамі.

Самыя масавыя пратэсты праходзілі ў раёне станцыі метро "Пушкінская" і скрыжаванні вуліц Куйбышава і Сурганава – у раёне ГЦ "Рыга".

Аўтамабілісты перакрылі транспартнымі сродкамі праезд да месца дэманстрацый, а пратэстоўцы выбудоўвалі барыкады. У ход ішлі металічныя агароджы, драўляныя паддоны, смеццевыя бакі і прадуктовыя каляскі.

Дэманстранты скандавалі антыўрадавыя лозунгі, апладзіравалі і запальвалі дымавыя шашкі. Праваахоўнікі ўжылі ў дачыненні да пратэстоўцаў светлашумавыя гранаты, слёзатачывы газ і гумовыя кулі. Да месцаў пратэстаў прыбытку карэты хуткай дапамогі. Паведамлялася аб пацярпелых і ахвярах сутыкненняў.

Пратэсты ў Менску працягнуліся на другі дзень пасля выбараў-беларусы доўга не разыходзіліся са сталічных вуліц нягледзячы на тое, што АМАП працягваў вырабляць брутальныя затрыманні. Глядзіце на нашым відэа, як зачышчаюць цэнтры сталіцы.

Брутальныя затрыманні ў цэнтры Менска не спыняліся, людзі працягвалі выходзіць на вуліцы, яны не задаволеныя вынікамі выбарчай кампаніі.

У раёне Палаца спорту вартавыя парадку ў экіпіроўцы з гумовымі дубінкамі звярнуліся да пратэстоўцаў і папярэдзілі што будуць прымяняць да іх фізічную сілу. Дэманстранты скандавалі "Жыве Беларусь" і апладзіравалі.

24
Тэги:
Беларусь, Выбары
Тэмы:
Выбары прэзідэнта Беларусі - 2020
Шыльда на ЦВК

ЦВК пакуль не вызначыўся з датай пасяджэння па падвядзенні вынікаў выбараў

7
(абноўлена 11:12 12.08.2020)
Тры дні ў Мінску працягваліся пратэсты грамадзян, незадаволеных вынікамі выбараў прэзідэнта; за першыя два дні, па дадзеных МУС, па ўсёй краіне былі затрыманыя каля пяці тысяч чалавек

МІНСК, 12 жні - Sputnik. Дата правядзення пасяджэння Цэнтрвыбаркама, на якім трэба будзе падвесці вынікі прэзідэнцкіх выбараў, пакуль не вызначана, распавялі Sputnik у ЦВК Беларусі.

"Крайні тэрмін для правядзення пасяджэння Цэнтрвыбаркама, на якім трэба будзе падвесці канчатковыя вынікі выбараў прэзідэнта, 19 жніўня, але пакуль канкрэтная дата не вызначана", - сказалі ў Цэнтрвыбаркаме.

Выбары прэзідэнта Беларусі адбыліся 9 жніўня. Адметнай рысай гэта кампаніі сярод іншага стала рэкордная яўка ў 41,7% на датэрміновым галасаванні і вялікія чэргі на шэрагу выбарчых участкаў у асноўны дзень галасавання.

Паводле звестак, агучаных ЦВК на наступны дзень пасля выбараў, перамогу атрымаў дзеючы кіраўнік дзяржавы Аляксандр Лукашэнка. За яго прагаласавалі 80,08% выбаршчыкаў, якія прыйшлі на ўчасткі. Святлана Ціханоўская набрала 10,09% галасоў.

Ціханоўская заявіла, што не згодная з вынікамі выбараў і ў панядзелак падала скаргу ў ЦВК. Аб сваім намеры абскардзіць вынікі заявіў і яшчэ адзін кандыдат у прэзідэнты Андрэй Дзмітрыеў.

Пасля таго, як сталі вядомыя вынікі галасавання, у Мінску і шэрагу рэгіёнаў тры дні працягваліся акцыі пратэсту нязгодных з вынікамі выбараў. Праваахоўныя органы выкарыстоўвалі для разгону пратэстоўцаў спецсродкі і спецтэхніку. За першыя два дня пратэстаў у краіне было затрымана каля пяці тысяч чалавек, загінуў адзін чалавек.

7
Тэги:
ЦВК Рэспублікі Беларусь, Выбары, Беларусь
Тэмы:
Выбары прэзідэнта Беларусі - 2020