Школьнік знік увечары 16 верасня, адправіўшыся на шпацыр, пры гэтым не ўзяў з сабой мабільны тэлефон. У пошуках прымаюць удзел добраахвотнікі, якія прыехалі з розных куткоў Беларусі, а таксама міліцыя, МНС і вайскоўцы.
Да пошукаў нават падключылі беспілотныя апараты, абсталяваныя цеплавізарамі, — на названыя апаратурай пункты адпраўляліся групы валанцёраў, аднак хлопчыка там не было. Таксама ратавальнікі-вадалазы апускаліся ў балота, аднак нічога не змаглі выявіць з-за дрэннай бачнасці пад вадой.
Раней паведамлялася, што праваахоўныя органы прапрацоўваюць ўсе версіі знікнення дзіцяці, не выключаецца і крымінальны след.
