(1:57 / 13.41Mb / просмотров видео: 3177)

Акцёр рускага тэатра Эстоніі паспрабаваў у Таліне беларускія дранікі

17
(абноўлена 14:30 27.09.2017)
Вядучы акцёр рускага тэатра Эстоніі Аляксандр Івашкевіч распавёў, што яму спадабаліся прыгатаваныя ў Таліне дранікі. Глядзіце на відэа, наколькі ў Таліне ведаюць беларускую кухню.

Івашкевіч адзначыў у інтэрв'ю Sputnik Эстонія, што беларускія дранікі — яго любімая страва, а прэзідэнт Асацыяцыі беларусаў Эстоніі Ніна Савінава распавяла, як прыгатаваць папулярныя ў Беларусі бульбяныя аладкі.

Cа слоў Савінавай, для прыгатавання дранікаў неабходна пяць-шэсць сырых бульбін і галоўка рэпчатай цыбулі — усё гэта трэба нацерці на дробнай тарцы. Для таго, каб цеста было пустым, сок неабходна сцадзіць і дадаць паўшклянкі смятаны, сталовую лыжку расліннага алею і соль па гусце.

Для надання аладкам эфекту "лёгкасці" суразмоўца агенцтва раіць дадаць у цеста дробку соды. Далей сфармаваныя ў цеста аладкі выкладваюцца на разагрэтую патэльню і абсмажваюцца з двух бакоў.

Таксама Савінава падзялілася рэцэптам калдуноў. Як прыгатаваць яшчэ адну беларускую страву — глядзіце на відэа Sputnik.

17
Тэги:
дранікі, Нацыянальная кухня, Эстонія, Беларусь