Пацыентаў з хваробамі кровазвароту ў Беларусі стала ў 10 разоў больш

7
(абноўлена 09:42 03.10.2017)
Колькасць пацыентаў, у якіх выяўляюць хваробы сістэмы кровазвароту, за апошнія 15 гадоў Беларусі павялічылася, распавёў падчас відэамаста ў МПЦ Sputnik Беларусь намеснік дырэктара па арганізацыйна-метадычнай рабоце РНПЦ "Кардыялогія" Аляксандр Пацееў.

Хваробы сістэмы кровазвароту застаецца адной з самых распаўсюджаных прычын смяротнасці насельніцтва ў свеце. На долю гэтых хвароб прыпадае каля 30% усіх смерцяў. Штогод ад іх памірае каля 18 мільёнаў чалавек, нагадаў Пацееў. 29 верасня па ініцыятыве Сусветнай арганізацыі аховы здароўя адзначаецца Сусветны дзень сэрца.

"За апошнія 25 гадоў колькасць тых, хто захварэў хваробамі сістэмы кровазвароту ў РБ павялічылася практычна ў 10 разоў. Гэта адбываецца як па аб'ектыўных прычынах — ідзе старэнне насельніцтва, існуе вялікая колькасць фактараў рызыкі, якія маюць значнае распаўсюджванне ў рэспубліцы. Акрамя таго, значна палепшыўся матэрыяльны стан сістэмы аховы здароўя: мы сталі раней выяўляць гэтых пацыентаў. Адпаведна, іх колькасць павялічылася", — распавёў Пацееў.

Разам з тым, беларускім медыкам удалося істотна знізіць колькасць смерцяў, выкліканых хваробамі сістэмы кровазвароту. Калі ў 2005 годзе смяротнасць ад інсультаў і інфарктаў была 810 на сто тысяч насельніцтва, то летась гэты паказчык склаў 694 на сто тысяч насельніцтва.

Скараціўся гэты паказчык і сярод працаздольнага насельніцтва. Гэтага ўдалося дабіцца ў тым ліку дзякуючы дзяржаве і палітыцы Міністэрства аховы здароўя, накіраванай на аснашчэнне клінік і падрыхтоўку спецыялістаў, у тым ліку ў рэгіёнах.

"Гадоў 15 таму ў нас усе кардыёстымулятары ставіліся ў адной клініцы краіны, якая не магла забяспечыць усю краіну. Таму было прынята радыкальнае рашэнне распаўсюдзіць такога роду тэхналогіі на ўсе абласныя цэнтры. Была пабудавана сетка абласных цэнтраў", — распавёў вядучы супрацоўнік лабараторыі парушэння рытму сэрца Рэспубліканскага навукова-практычнага цэнтра "Кардыялогія" Зміцер Ганчарык.

Спецыялісты з абласных клінік прайшлі падрыхтоўку на базе РНПЦ "Кардыялогія". Новыя тэхналогіі асвойваюць і кардыёлагі ў раённых бальніцах. У якасці станоўчага прыкладу ён прывёў працу з пацыентамі, якія пакутуюць брадыарытміяй. "У нас быў правал у выяўленні і выратаванні асоб з брадыарытміяй. Але мы абсталявалі ўсе клінікі краіны — раённыя бальніцы — часовымі кардыёстымулятарамі. Цяпер ужо няма праблемы перавезці з любой раённай бальніцы краіны хворага з часовым кардыёстымулятарам у абласную бальніцу і праблема смяротнасці ад брадыарытміі рэзка пайшла на спад", — распавёў Ганчарык.

7

Козыраў: "Песняры" выканаюць жывы канцэрт у інтэрнэце

10
(абноўлена 17:09 03.04.2020)
Анлайн-канцэрт у рамках праекта # БЕЗАНТРАКТА праанансаваў кіраўнік БДА "Песняры" Раман Козыраў.

Няпростая пара прыйшла для артыстаў і творчых калектываў: адмяняюцца канцэрты, даводзіцца праядаць "падушкі бяспекі". А калі запасу фінансаў няма, трэба ўжо зараз пачынаць ствараць хіты, каб закласці падмурак на будучыню. Але ёсць яшчэ адна новая іпастась, якую ўжо асвоілі творчыя калектывы - канцэрты анлайн.

"Песняры" таксама ідуць у нагу з часам. Канцэрт у новым фармаце ў бліжэйшы час у рамках праекта #БЕЗАНТРАКТА ўбачаць гледачы Sputnik разам з аўдыторыяй партала Fontanka.ru. Што гэта будзе за канцэрт, якія песні прагучаць і як жывецца ансамблю сёння, у студыі радыё Sputnik распавёў дырэктар і мастацкі кіраўнік Беларускага дзяржаўнага ансамбля "Песняры" Раман Козыраў.

"Паспрабуем выканаць цікавую, насычаную праграму. Каб гэты момант, калі "Песняры" самі прыйдуць у кожны дом, запомніўся нашым любімым гледачам і ў Расіі, і ў Беларусі. Мы перавярнулі старонкі 50-гадовага юбілею калектыву. І гэтым канцэртам адкрываем нашу новую вяху, дзе будуць і новыя песні, і новы стылістычны фармат, і, вядома, класічныя, незабыўныя хіты "Песняроў", - сказаў суразмоўца Sputnik.

Праграму "Гарызонт падзей" з удзелам дырэктара і мастацкага кіраўніка БДА "Песняры" Рамана Козырава глядзіце на Sputnik Беларусь.

10
Тэги:
Музыка, "Песняры"

Як змянілася жыццё ў доме састарэлых з-за пандэміі каронавіруса?

28
(абноўлена 14:24 03.04.2020)
Стэрыльная чысціня, строгая дысцыпліна і ніякай панікі. Дом-інтэрнат для ветэранаў вайны і працы "Світанак" працуе ў антывірусным рэжыме. Якія меры прымаюць ва ўстанове глядзіце на відэа.

З-за пандэміі каронавіруса ў Гарадскім доме-інтэрнаце для ветэранаў вайны і працы "Світанак" змяніўся лад жыцця. Дом зачынілі для наведванняў, новых жыхароў часова не засяляюць. Таксама не прымаюцца пасылкі, а выезды тых, хто тут пражыве,  абмежаваныя. Такія меры тут прымаюць, каб не падвяргаць рызыцы самую ўразлівую перад COVID-19 катэгорыю, бо сярэдні ўзрост пастаяльцаў інтэрната - 84 гады. Самому старэйшаму жыхару 98 гадоў.

"Нашы супрацоўнікі працуюць у сродках індывідуальнай абароны - гэта маскі, пальчаткі, капялюшыкі. У выпадку кантакту з тымі, хто пражывае, яны мяняюцца, як мае быць, раз на дзве гадзіны, імкнемся папярэдзіць магчымыя рызыкі. У дастатковай колькасці сродкі дэзінфекцыі маюцца, праводзім штодня ўборку адзін раз на дзень па віруліцыдным рэжыме. Па неабходнасці праз кожныя 3 гадзіны апрацоўваем дзвярныя ручкі, парэнчы, поручні, ручкі зліўных бачкоў. Увогуле ўсё тое, да чаго датыкаюцца часта рукі", - кажа дырэктар Гарадскога дома-інтэрната для ветэранаў вайны і працы "Світанак" Ала Грыбок.

Акрамя захавання чысціні і дысцыпліны, штодня з самай раніцы супрацоўнікам і пастаяльцам дома-інтэрната вымераюць тэмпературу.

Унутры "Світанка" жыццё ідзе сваёй чаргой, бабулі і дзядулі выходзяць на прагулкі і не панікуюць.

"Змянілася толькі толькі ў тым, што мы не прыцягваем звонку для правядзення мерапрыемстваў валанцёраў, усё робім сваімі сіламі. У нас працуе працатэрапеўт, 2 майстэрні працоўныя, культарганізатар, бібліятэкар. Па сваім штодзённаму плане-графіку праводзім мерапрыемствы сваімі сіламі ўнутры", - дадае Ала Грыбок.

Хутчэй за ўсё, каранцін працягнецца і да 9 мая, таму канцэрт да Дня Перамогі тут рыхтуюць сваімі сіламі. Галоўнымі артыстамі стануць бабулі і дзядулі.

28
Тэги:
каронавірус, Беларусь
Тэмы:
Успышка каронавіруса з Уханя
Праверка на каронавірус

Місія СААЗ прыедзе ў Беларусь 7 красавіка для ацэнкі сітуацыі з COVID-19

10
(абноўлена 08:33 04.04.2020)
Міністэрства аховы здароўя запэўніў СААЗ у тым, што ў Беларусі місіі акажуць поўную падтрымку і зробяць усё неабходнае, каб яна прайшла паспяхова.

МІНСК, 4 кра - Sputnik. Місія Сусветнай арганізацыі аховы здароўя прыбудзе ў Беларусь у аўторак 7 красавіка для ацэнкі сітуацыі, якая складваецца ў рэспубліцы ў сувязі з распаўсюджваннем каронавіруса новага тыпу, паведамілі ў пятніцу ў эфіры тэлеканала "Беларусь 1".

Пра тое, што Беларусь запросіць спецыялістаў СААЗ для праверкі працы сістэмы аховы здароўя, стала вядома 31 сакавіка - такое даручэнне даў прэзідэнт краіны Аляксандр Лукашэнка. У пятніцу 3 красавіка ў Міністэрстве аховы здароўя рэспублікі заявілі, што гэтае пытанне знаходзіцца на заключнай стадыі рашэння.

Паводле інфармацыі тэлеканала, ужо дасягнута дамоўленасць аб наведванні рэспублікі спецыялістамі СААЗ - яны прыбудуць 7 красавіка.

"Былі мабілізаваны ўсе сілы для таго, каб арганізаваць такую місію ў самыя кароткія тэрміны. Мы атрымалі поўнае разуменне з боку міністэрства ў тым, што будзе неабходна місіі", - заявіў у эфіры тэлеканала кіраўнік краінавага офіса Сусветнай арганізацыі аховы здароўя (СААЗ) у Беларусі Батыр Бердыклычаў.

Ён таксама адзначыў, што Міністэрства аховы здароўя запэўніла СААЗ у тым, што ў Беларусі місіі акажуць поўную падтрымку і зробяць усё неабходнае, каб яна прайшла паспяхова.

Па дадзеных на пятніцу, у Беларусі зарэгістраваны 351 выпадак каронавіруса COVID-19. Паводле інфармацыі Міністэрства аховы здароўя, больш за ўсё захварэлых зафіксавана ў Мінску - 190. У Віцебскай вобласці, якая апынулася ў цэнтры ўвагі грамадскасці ў сувязі з сітуацыяй, зафіксавана куды менш - 89 выпадкаў. Трэцяя па колькасці выпадкаў - Мінская вобласць, тут іх паўсотні.

10
Тэги:
каронавірус, Беларусь, Сусветная арганізацыя аховы здароўя (СААЗ)
Тэмы:
Успышка каронавіруса з Уханя