Відэафакт: як працуе памочнік "Аліса"

21
(абноўлена 19:25 10.10.2017)
Кампанія "Яндэкс" прадставіла ў аўторак свайго галасавога памочніка - робата па імені Аліса. Sputnik апрабаваў новую форму "штучнага інтэлекту".

Кампанія "Яндэкс" займалася распрацоўкай "Алісы" даўно, а гэтай восенню памочніка ўжо паказалі прэзідэнту Расіі Уладзіміру Пуціну — ён цікавіўся ў робата, ці не крыўдзяць яе распрацоўшчыкі.

Ужо 10 кастрычніка "Аліса" стала даступная для карыстальнікаў прыкладання "Яндэкс" на Android і iOS. Робат можа не толькі шукаць у інтэрнэце навіны, паказваць надвор'е і пракладваць маршруты, але і падтрымлівае свецкую гутарку, а таксама папраўляе карыстальніка, які ў пытанні блытае "надзець" і "апрануць".

Вядучы радыё Sputnik Аляксандр Крывашэеў пагутарыў з "Алісай". Так званы Small Talk вядучага і штучнага інтэлекту быў прысвечаны навінам, прагі да ведаў і надвор'ю. Так, на пытанне аб тым, ці любіць робат дождж, голас адказаў: "У кліпах і кіно — так, а так — не".

У працы "Алісы" дагэтуль магчымыя збоі, а ў некаторых карыстальнікаў яна не з'яўляецца пры выкарыстанні прыкладання. "Яндэкс" працягвае ўдасканальваць сваю распрацоўку, якую ўжо назвалі "рускай Siri".

21
Тэги:
Siri, Алиса, Уладзімір Пуцін, Расія
(2:02 / 16.19Mb / просмотров видео: 14398)

Каму марозіва? Глядзіце на відэа, як ствараецца любімы халодны ласунак

49
(абноўлена 21:28 14.04.2021)
Sputnik пабываў на сталічным холадакамбінаце №2 і высветліў, які шлях праходзіць марозіва, перш чым з'явіцца на прылаўках крамаў і парадаваць ласуноў.

У цэхах "Фабрыкі марозіва" чыста, трохі халаднавата і смачна пахне малаком. Тут працуюць усмешлівыя жанчыны ў белых халатах і чапцах. Здаецца, ва ўсіх добры настрой. А як можа быць інакш, калі работнікі не проста ствараюць ласунак, а дораць людзям радасць у чыстым выглядзе?

На самой справе, вытворчасць марозіва даволі складаная. Яно патрабуе часу і каласальных энергазатрат. І гэта пры тым, што працэс практычна цалкам аўтаматызаваны. Увесь працэс стварэння прысмакі ад пачатку да гатоўнасці і адгрузкі ў крамы займае да трох сутак.

Першая стадыя - гэта падрыхтоўка сумесі і складанне рэцэптуры. Пасля атрыманую сумесь рыхтуюць, падаграваюць, фільтруюць, пастэрызуюць, гамагенізуюць, астуджаюць і даюць саспець. Усе гэтыя працэсы нават не бачныя, таму што ўсё вырабляецца ў закрытых ёмістасцях.

Пасля апаратнай падрыхтоўкі гатовая сумесь паступае ў спецыяльны апарат - фрызер: яна насычаецца паветрам і замарожваецца, а пасля - фасуецца. Гэта мяккае марозіва дазакальваецца ў камеры шокавай замарозкі да мінус 18 градусаў і ніжэй. У такім выглядзе яно і даходзіць да пакупнікоў.

Глядзіце таксама:

49
Тэги:
ласунак, Крама, відэа, Марозіва

Французскі байкер выратаваў на дарозе маленькае кацяня - відэа

58
(абноўлена 21:16 14.04.2021)
Байкер у Францыі выратаваў маленькае кацяня, якое апынулася на дарозе. Глядзіце відэа, знятае матацыклістам.

Байкер заўважыў жывёлу падчас руху: кацяня незразумела як апынулася на сярэдзіне дарогі і рызыкавала апынуцца пад коламі машыны.

Матацыкліст спыніўся і падабраў кацяня, а праз некалькі імгненняў знайшоў яму гаспадара: рудага катка пагадзіўся забраць дадому адзін з аўтамабілістаў.

Глядзіце таксама:

58
Тэги:
матацыкліст, дарога, Францыя, відэа, байкер, кацяня
Праасвяшчэнны Круціцкі і Каломенскі, Патрыяршы намеснік Маскоўскай мітраполіі Павел

Экс-кіраўніка БПЦ мітрапаліта Паўла перавялі на новую работу

17
(абноўлена 09:53 17.04.2021)
Мітрапаліт Павел абраны пераемнікам мітрапаліта Ювеналія, які нязменна кіраваў маскоўскімі прыходамі амаль 44 гады.

МІНСК, 18 кра – Sputnik. Новым кіраўніком падмаскоўных парафій стане былы кіраўнік Беларускай праваслаўнай царквы мітрапаліт Павел (Панамароў), дадзенае рашэнне было прынята Святым Сінодам Рускай праваслаўнай царквы.

У жніўні мінулага года мітрапаліт Павел быў адпраўлены на кубанскую кафедру, а на яго месца быў прызначаны епіскап Веніямін.

Рашэннем Святога Сінода ад 25 жніўня 2020 года мітрапаліт Павел быў вызвалены ад пасады Патрыяршага экзарха ўсяе Беларусі, з выказваннем падзякі за панесеныя працы, і прызначаны мітрапалітам Кацярынадарскім і Кубанскім, кіраўніком Кубанскай мітраполіі.

А рашэннем Святога Сінода ад 15 красавіка 2021 года мітрапаліт Павел прызначаны Праасвяшчэнным Круціцкім і Каломенскім, Патрыяршым намеснікам Маскоўскай мітраполіі, пастаянным членам Святога Сінода, з вызваленнем ад кіравання Кацярынадарскай епархіяй.

Такім чынам, ён абраны пераемнікам мітрапаліта Ювеналія (Паяркава), які напярэдадні па асабістай просьбе быў адпраўлены на супакой у сувязі з узростам і станам здароўя. Падмаскоўнымі прыходамі ён кіраваў амаль 44 гады і да гэтага часу быў найстарэйшым з правячых архірэяў РПЦ.

Мітрапаліт Павел на пасаду кіраўніка БПЦ быў прызначаны 25 снежня 2013 года пасля таго, як мітрапаліт Філарэт, які кіраваў БПЦ больш за 20 гадоў, пайшоў на пенсію па ўзросце.

Першы Патрыяршы Экзарх усяе Беларусі мітрапаліт Філарэт памёр 12 студзеня 2021 года на 86-м годзе жыцця. Сінод БПЦ прыняў рашэнне аб увекавечанні яго памяці, для гэтага створана спецыяльная Мемарыяльная камісія. Яе ўзначаліў архіепіскап Навагрудскі і Слонімскі Гурый.

Чытайце таксама:

17
Тэги:
работа, Мітрапаліт Павел, мітрапаліт, БПЦ, экс-кіраўнік