(5:12 / 37.19Mb / просмотров видео: 884)

Бартосік: прэмію Гедройца падзялю паміж рэдактарам і жонкай

48
(абноўлена 15:56 01.11.2017)
У Мінску ўрачыста прайшла цырымонія ўзнагароджання пераможцаў самай прэстыжнай беларускай літаратурнай прэміі імя Ежы Гедройца. Глядзіце на відэа Sputnik, як праходзіла мерапрыемства і каго ўганаравалі сярод пісьменнікаў.

Напачатку мерапрыемства лірычны настрой забяспечыла сваім выступам Паліна Рэспубліка, выканаўшы пад акампанемент клавішаў даўно ўсім знаёмыя песні.

У Мінску ўзнагародзілі пераможцаў конкурсу перакладаў Экслібрыс
© Sputnik/ Станіслаў Андросік / Арцём Бардоўскі

Вядучы ўрачыстасцяў, а па сумяшчэнню папулярны беларускі паэт Андрэй Хадановіч, спрабаваў жартаваць. Асабліва публіка ацаніла жарт наконт таго, што член журы і пісьменнік Альгерд Бахарэвіч тройчы атрымліваў другое месца на прэміі Гедройца.

Дырэктар Польскага інстытута ў Мінску Матэўш Адамскі нагадаў прысутным пра супольную гісторыю, а таксама адзначыў, што Беларусь па праву лічыцца культурнай спадкаемніцай Вялікага Княства Літоўскага.

Па выніках 2017 года самую прэстыжную ў беларускім літаратурным асяроддзі ўзнагароду атрымаў Зміцер Бартосік за кнігу "Быў у пана верабейка гаварушчы". Другое месца атрымала Людміла Рублеўская, трэцяе — Адам Глобус.

Прэмію імя рэдактара і публіцыста Ежы Гедройца ўручаюць беларускамоўным празаікам з 2012 года. Уладальнік прэміі атрымлівае прыз у пяць тысяч еўра.

Каму з літаратараў Зміцер Бартосік аддае перавагу і на што патраціць прэмію, глядзіце ў эксклюзіўным відэа Sputnik.

48
Тэги:
литературная премия, литература, Літаратурная прэмія імя Ежы Гедройца, Матэўш Адамскі, Зміцер Бартосік, Людміла Рублеўская, Андрэй Хадановіч, Альгерд Бахарэвіч, Адам Глобус, Паліна Рэспубліка, Мінск, Беларусь
По теме
Прэмія "Гедройца": абяры свайго фаварыта
Каментары