Кадры ДТЗ у Брэсце: Audi на вялікай хуткасці ўрэзалася ў VW і слуп

81
(абноўлена 12:42 27.11.2017)
Камеры відэаназірання захавалі жудаснае ДТЗ у Брэсце, у выніку якога пацярпелі шэсць чалавек. Глядзіце на відэа, што ўначы адбылося на перакрыжаванні.

Аварыя здарылася каля гадзіны ночы на скрыжаванні вуліц Кастрычніцкай Рэвалюцыі і 28 Ліпеня ў абласным цэнтры — берасцеец за рулём Audi A6 урэзаўся ў Volkswagen Passat, якім таксама кіраваў мясцовы жыхар. Пасля ўдару "Аўдзі" ўрэзалася ў слуп.

На запісы з камер відаць, як Audi на вялікай хуткасці набліжалася да скрыжавання і не спынілася на забараняльны сігнал святлафора, у той час як VW паварочваў налева на "зялёны". Ад удару аўтамабіль "гоншчыка" вынесла з праезнай часткі, і ён стукнуўся ў асвятляльную мачту, пасля чаго на скрыжаванні часткова згасла святло.

У выніку ДТЗ шэсць чалавек, якія знаходзіліся ў двух аўтамабілях, уключаючы кіроўцаў, былі шпіталізаваны. У ДАІ Брэсцкай вобласці ўдакладнілі, што дзяўчатам, якія знаходзіліся ў салоне VW, было па 19 гадоў, разам з кіроўцам яны знаходзяцца ў траўматалогіі. Кіроўцу і пасажырам Audi пашанцавала менш — усе трое ў рэанімацыі. Удакладняецца, што яны не былі прышпіленыя рамянямі бяспекі.

Па факце аварыі Дзяржаўтаінспекцыя праводзіць праверку.

81
Тэги:
Volkswagen Passat, Audi A6, авария, дтп, ДАІ, Брэст, Беларусь

Відэафакт: Пуціна спыталі пра заяву Трампа пра "заробак" Байдэна

6
(абноўлена 16:00 26.10.2020)
Прэзідэнту Расіі Уладзіміру Пуціну задалі пытанне, якое датычыцца заявы амерыканскага лідара Дональда Трампа аб тым, што Масква нібыта плаціць ягонаму суперніку на выбарах Джо Байдэну. Глядзіце на відэа, што адказаў Пуцін.

Пытанні, якія тычацца кандыдата ў прэзідэнты ЗША Джо Байдэна, былі зададзены Пуціну ў эфіры тэлеканала "Расія-1". У прыватнасці, гаворка ішла і пра фрагмент з дэбатаў, падчас якіх Трамп заявіў, што ў Байдэна ёсць бізнес-кантакты з жонкай экс-мэра Масквы Аленай Батурынай.

"Вядома, што Алена Батурына займалася, а можа, займаецца, я нават не ведаю пра гэта, бізнесам. І, напэўна, у яе былі шматлікія бізнес-кантакты, дзелавыя сувязі са сваімі замежнымі партнёрамі. Ці ёсць у гэтым ліку амерыканцы? Я проста пра гэта нічога не ведаю, і мне проста пра гэта нічога не вядома", - сказаў Пуцін.

Запыталіся ў расійскага лідара і пра тое, што ён думае пра заяву Трампа з нагоды нібыта атрымання Байдэнам 3,5 мільёна долараў ад Расіі. Сам жа дзеючы прэзідэнт пры гэтым удакладніў, што ніколі не атрымліваў грошай ад Расіі.

"Без каментароў", - адказаў Пуцін.

У ходзе дэбатаў сам Байдэн заявіў, што Расія не хоча, каб ён перамог на выбарах.

Прэзідэнцкія выбары ў ЗША пройдуць 3 лістапада, датэрміновае галасаванне ў шэрагу штатаў ужо пачалося. Супернікамі на выбарах з'яўляюцца кандыдат ад рэспубліканцаў і дзейны кіраўнік Белага дома Трамп і кандыдат ад дэмакратаў Джо Байдэн.

6
Тэги:
Дональд Трамп, Уладзімір Пуцін
(0:00 / .00Mb / )

Паўфінал чацвёртага сезона "Ты супер!" - відэа

7
(абноўлена 10:01 26.10.2020)
Папулярны музычны праект "Ты супер!" праводзяць сумесна тэлеканал НТБ і Міжнароднае агенцтва і радыё Sputnik. Глядзіце на відэа паўфінал вакальнага конкурсу.

У цяперашнім сезоне "Ты супер!" удзельнічаюць новыя выканаўцы і фіналісты мінулых сезонаў. Усяго ў конкурсе бяруць удзел 58 дзяцей з Расіі, Грузіі, Азербайджана, Абхазіі, Кыргызстана, Беларусі, Эстоніі, Украіны і Малдовы.

У журы праекта - вядомыя расійскія зоркі: Дыяна Арбеніна, Аляксей Вараб'ёў, спявачка Ёлка і кампазітар Ігар Крутой.

Нагадаем, у першым выпуску шоу прыняла ўдзел беларуска Даша Чарнова, якая да гэтага два разы прымала ўдзел у конкурсе. Адораная выканаўца распавяла і пра тое, як складаецца яе творчая кар'ера.

Міжнародны вакальны праект для дзяцей, якія засталіся без апекі бацькоў, "Ты супер!" праводзяць тэлеканал НТБ сумесна з Міжнародным інфармацыйным агенцтвам і радыё Sputnik пры падтрымцы Міністэрства асветы РФ.

7
Тэги:
"Ты супер", НТБ (тэлеканал)
Беларуская АЭС

Літва супраць пуску БелАЭС: Беларусі ўручылі ноту пратэста

0
(абноўлена 15:15 27.10.2020)
Ад асобы Еўрапейскага саюза Літва заклікала беларускія ўлады прымяніць самыя высокія стандарты бяспекі.

МІНСК, 27 кас - Sputnik. Вільнюс накіраваў Беларусі афіцыйную пазіцыю адносна пуску Беларускай атамнай электрастанцыі. Нота з асуджэннем старту працы БелАЭС размешчана на афіцыйным сайце МЗС Літвы.

У звароце рашуча асуджаецца рашэнне Беларусі пачаць ядзерную рэакцыю на небяспечнай, на думку Літвы, электрастанцыі. Афіцыйны Вільнюс таксама выказаўся супраць таго, што Мінск ігнаруе патрабаванні Еўропы па бяспецы. На думку літоўскага МЗС, такое становішча спраў можа прывесці да пагаршэння адносін паміж Беларуссю і ЕС.

"Што датычыцца ўкаранення стандартаў ядзернай бяспекі і экалагічных патрабаванняў на Беларускай атамнай электрастанцыі, Еўрапейскі саюз аднагалосна выступае на ўзроўні Савета Еўропы, Еўрапейскага парламента і Савета па замежных справах, заклікаючы Беларусь неадкладна ўкараніць самыя высокія стандарты бяспекі, экалагічныя патрабаванні і стрэс-тэсты ЕС", - адзначае міністр замежных спраў Лінас Лінкявічус.

Літоўскія ўлады таксама занепакоеныя неадназначным становішчам спраў з дыялогам з нагоды БелАЭС. "Сітуацыя яшчэ больш ускладнілася. Цяпер наогул незразумела, з кім весці перамовы", паведаміў кіраўнік МЗС Літвы ў інтэрв'ю радыё "Жиню радияс". Лінкявічус звязвае цяжкасці з палітычнай сітуацыяй у Беларусі, улады якой, на яго думку, ператварылі дыялог у маналог. Поствыбарныя пратэсты і мітынгі таксама актыўна абмяркоўваюцца ў Літве, дзе цяпер знаходзіцца экс-кандыдат у прэзідэнты Беларусі Святлана Ціханоўская.

Раней Літва афіцыйна заявіла, што спыніць імпарт электраэнергіі з Беларусі пасля запуску БелАЭС.

Літоўскі сойм у чэрвені 2017 года абвясціў, што Астравецкая атамная электрастанцыя (АЭС) з'яўляецца небяспечнай і ўяўляе пагрозу для нацыянальнай бяспекі Літвы, а таксама для аховы навакольнага асяроддзя і здароўя насельніцтва. Быў прыняты адпаведны закон, якім, у прыватнасці, забаронена купля энергіі з краін, дзе дзейнічаюць небяспечныя АЭС.

Беларуская АЭС - найбуйнейшы расійска-беларускі эканамічны праект, генпадрадчыкам яе будаўніцтва з'яўляецца "Атамбудэкспарт" (уваходзіць у "Расатам"). Запуск першага рэактара папярэдне запланаваны на 7 лістапада бягучага года.

0
Тэги:
БелАЭС, Беларусь, Літва
Тэмы:
Будаўніцтва БелАЭС у Астраўцы