Фільм Алега Лукашэвіча пра сучаснае мастацтва пакажуць на беларускім ТБ

74
(абноўлена 09:05 20.01.2018)
Глядзіце на відэа Sputnik, як прайшла прэзентацыя тэлецыкла "Сучаснае мастацтва Беларусі" у Нацыянальным мастацкім музеі.

Праект "Сучаснае мастацтва Беларусі" — гэта фільм з дзесяці частак, якія распавядаюць пра выдатных айчынных мастакоў XXI стагоддзя. У рамках тэлецыкла гледачы пазнаёмяцца са стылем віцебскага мастака Алега Крошкіна, мастачкі з Гродна Валянціны Шобы, мастака з Мінска Сяргея Рымашэўскага.

Ёсць у фільме і ўнікальныя кадры. Напрыклад, інтэрв'ю з народным мастаком Беларусі Анатолем Бараноўскім і заслужаным дзеячам мастацтваў Уладзімірам Кожухам, якіх не стала ў 2017 годзе.

"Калі мы пачалі працаваць над гэтай тэмай, то здзівіліся, што да нас практычна ніхто не рабіў добрых фільмаў пра сучасных беларускіх мастакоў. Напрыклад, няма праектаў пра Шчамялёва, у якіх было б прадстаўлена інтэрв'ю з ім. Ёсць праекты пра некаторых мастакоў, але ў нас іх цэлая плеяда», — адзначыў аўтар і рэжысёр Алег Лукашэвіч.

Праца над праектам пачалася ў жніўні 2016 года і вялася каля года.

 "Мы хацелі пагрузіць гледачоў у асабістую прастору кожнага мастака. Менавіта таму наўмысна выключылі закадравы тэкст: атрымліваецца, што кожны герой прадстаўляе сябе сам. У выніку глядач можа ўбачыць кожнага творцу як асобу і пагрузіцца ў яго светапогляд", — растлумачыў другі рэжысёр Аляксандр Аляксееў, які займаўся і графічным афармленнем тэлевізійнага цыклу.

Прэм'ера праекта запланаваная на 24 студзеня. Першая серыя, прысвечаная Валерыю Шкаруба, будзе паказаная на тэлеканале "Беларусь 3" у 19:00.

74
Тэги:
белорусское искусство, живопись, Нацыянальны мастацкі музей Рэспублікі Беларусь, Аляксандр Аляксееў, Алег Лукашэвіч, Мінск, Беларусь
По теме
Хаім Суцін напісаў самую дарагую ў беларускім мастацтве карціну
Відэафакт: карціну Восіпа Любіча падарылі Мастацкаму музею
(2:02 / 16.19Mb / просмотров видео: 14388)

Каму марозіва? Глядзіце на відэа, як ствараецца любімы халодны ласунак

49
(абноўлена 21:28 14.04.2021)
Sputnik пабываў на сталічным холадакамбінаце №2 і высветліў, які шлях праходзіць марозіва, перш чым з'явіцца на прылаўках крамаў і парадаваць ласуноў.

У цэхах "Фабрыкі марозіва" чыста, трохі халаднавата і смачна пахне малаком. Тут працуюць усмешлівыя жанчыны ў белых халатах і чапцах. Здаецца, ва ўсіх добры настрой. А як можа быць інакш, калі работнікі не проста ствараюць ласунак, а дораць людзям радасць у чыстым выглядзе?

На самой справе, вытворчасць марозіва даволі складаная. Яно патрабуе часу і каласальных энергазатрат. І гэта пры тым, што працэс практычна цалкам аўтаматызаваны. Увесь працэс стварэння прысмакі ад пачатку да гатоўнасці і адгрузкі ў крамы займае да трох сутак.

Першая стадыя - гэта падрыхтоўка сумесі і складанне рэцэптуры. Пасля атрыманую сумесь рыхтуюць, падаграваюць, фільтруюць, пастэрызуюць, гамагенізуюць, астуджаюць і даюць саспець. Усе гэтыя працэсы нават не бачныя, таму што ўсё вырабляецца ў закрытых ёмістасцях.

Пасля апаратнай падрыхтоўкі гатовая сумесь паступае ў спецыяльны апарат - фрызер: яна насычаецца паветрам і замарожваецца, а пасля - фасуецца. Гэта мяккае марозіва дазакальваецца ў камеры шокавай замарозкі да мінус 18 градусаў і ніжэй. У такім выглядзе яно і даходзіць да пакупнікоў.

Глядзіце таксама:

49
Тэги:
ласунак, Крама, відэа, Марозіва

Французскі байкер выратаваў на дарозе маленькае кацяня - відэа

58
(абноўлена 21:16 14.04.2021)
Байкер у Францыі выратаваў маленькае кацяня, якое апынулася на дарозе. Глядзіце відэа, знятае матацыклістам.

Байкер заўважыў жывёлу падчас руху: кацяня незразумела як апынулася на сярэдзіне дарогі і рызыкавала апынуцца пад коламі машыны.

Матацыкліст спыніўся і падабраў кацяня, а праз некалькі імгненняў знайшоў яму гаспадара: рудага катка пагадзіўся забраць дадому адзін з аўтамабілістаў.

Глядзіце таксама:

58
Тэги:
матацыкліст, дарога, Францыя, відэа, байкер, кацяня
Праасвяшчэнны Круціцкі і Каломенскі, Патрыяршы намеснік Маскоўскай мітраполіі Павел

Экс-кіраўніка БПЦ мітрапаліта Паўла перавялі на новую работу

17
(абноўлена 09:53 17.04.2021)
Мітрапаліт Павел абраны пераемнікам мітрапаліта Ювеналія, які нязменна кіраваў маскоўскімі прыходамі амаль 44 гады.

МІНСК, 18 кра – Sputnik. Новым кіраўніком падмаскоўных парафій стане былы кіраўнік Беларускай праваслаўнай царквы мітрапаліт Павел (Панамароў), дадзенае рашэнне было прынята Святым Сінодам Рускай праваслаўнай царквы.

У жніўні мінулага года мітрапаліт Павел быў адпраўлены на кубанскую кафедру, а на яго месца быў прызначаны епіскап Веніямін.

Рашэннем Святога Сінода ад 25 жніўня 2020 года мітрапаліт Павел быў вызвалены ад пасады Патрыяршага экзарха ўсяе Беларусі, з выказваннем падзякі за панесеныя працы, і прызначаны мітрапалітам Кацярынадарскім і Кубанскім, кіраўніком Кубанскай мітраполіі.

А рашэннем Святога Сінода ад 15 красавіка 2021 года мітрапаліт Павел прызначаны Праасвяшчэнным Круціцкім і Каломенскім, Патрыяршым намеснікам Маскоўскай мітраполіі, пастаянным членам Святога Сінода, з вызваленнем ад кіравання Кацярынадарскай епархіяй.

Такім чынам, ён абраны пераемнікам мітрапаліта Ювеналія (Паяркава), які напярэдадні па асабістай просьбе быў адпраўлены на супакой у сувязі з узростам і станам здароўя. Падмаскоўнымі прыходамі ён кіраваў амаль 44 гады і да гэтага часу быў найстарэйшым з правячых архірэяў РПЦ.

Мітрапаліт Павел на пасаду кіраўніка БПЦ быў прызначаны 25 снежня 2013 года пасля таго, як мітрапаліт Філарэт, які кіраваў БПЦ больш за 20 гадоў, пайшоў на пенсію па ўзросце.

Першы Патрыяршы Экзарх усяе Беларусі мітрапаліт Філарэт памёр 12 студзеня 2021 года на 86-м годзе жыцця. Сінод БПЦ прыняў рашэнне аб увекавечанні яго памяці, для гэтага створана спецыяльная Мемарыяльная камісія. Яе ўзначаліў архіепіскап Навагрудскі і Слонімскі Гурый.

Чытайце таксама:

17
Тэги:
работа, Мітрапаліт Павел, мітрапаліт, БПЦ, экс-кіраўнік