Абыякавы кот паралізаваў рух на эскалатары ў Стамбуле

53
(абноўлена 16:25 16.02.2018)
Кот, які сеў прама перад эскалатарам на адной са станцый метро ў Стамбуле, перашкаджаў пасажырам, якія выходзілі з падземкі. Глядзіце кадры кацінай выхадкі.

Варта адзначыць, што пасажыры своечасова заўважалі жывёлу і спрабавалі абыйсці яе, каб не наступіць. Гэта замарудзіла хуткасць патоку пасажыраў, аднак яны таксама не сутыкаліся адзін з адным падчас пераадолення пухнатай перашкоды.

Кот жа ў сваю чаргу спакойна сядзеў і не звяртаў увагі на тое, што адбываецца ў яго за спіной.

У каментарах пад відэа шмат хто жартаваў, што не варта было будаваць выхад з метро там, дзе сядзіць кот. Некаторыя адзначалі, што такія паводзіны з'яўляюцца тыповымі для прадстаўнікоў сямейства каціных — калі яны не захочуць, яны не сыдуць з месца. Прычым многія згаджаліся з меркаваннем, што гэта менавіта кот, а не кошка.

Каты ў Турцыі карыстаюцца ўсеагульнай папулярнасцю ў жыхароў краіны, нягледзячы на тое, што туркі досыць рэдка трымаюць дома катоў. Пухнатыя стварэнні, якія пастаянна жывуць на вуліцах, падкормліваюць і аказваюць ім усялякую ўвагу.

53
Тэги:
кот, Стамбул, Турцыя
По теме
Кот Ахіл з Эрмітажа можа стаць аракулам ЧС 2018 па футболе
Расійскі блогер і кот прадэгуставалі беларускую тушонку
Для маленькіх беларусаў: да выдання рыхтуецца кніга пра прыгоды ката Шпрота
Рух цягнікоў у Тэль-Авіве спынілі з-за ката
Супрацоўнікі МНС выратавалі чарговага ката, які захрас у батарэі

Лаўроў: Вашынгтон выкарыстаў пандэмію ў сваёй знешняй палітыцы

8
(абноўлена 15:30 18.01.2021)
ЗША разам са сваімі саюзнікамі спрабавалі выкарыстаць пандэмію ў асабістых мэтах, заявіў кіраўнік МЗС Расіі Сяргей Лаўроў. Падрабязнасці - глядзіце на відэа.

"Некаторыя нашы калегі заходнія, перш за ўсё ЗША і бліжэйшыя саюзнікі, спрабавалі выкарыстаць сітуацыю (з пандэміяй - Sputnik) для нарошчвання сваіх метадаў ціску, шантажу, ультыматумаў, нелегітымных дзеянняў з увядзеннем абмежавальных аднабаковых рэстрыкцый, ну і іншых форм умяшанняў ва ўнутраныя справы многіх краін, у тым ліку і нашага бліжэйшага суседа - Беларусі", - сказаў Лаўроў на штогадовай прэс-канферэнцыі ў панядзелак.

У канцы снежня мінулага года ЗША увялі санкцыі супраць шэрага беларускіх чыноўнікаў і сілавікоў. Да гэтага сенат адобрыў законапраект "Аб суверэнітэце, правах чалавека і дэмакратыі ў Беларусі" і ўключыў яго ў праект бюджэту на 2021 год. Згодна з дакументам, абмежаванні могуць быць уведзены не толькі супраць членаў ЦВК і беларускіх чыноўнікаў, але і ў дачыненні да прадстаўнікоў Саюзнай дзяржавы і расійскіх грамадзян, "якія прымалі значны ўдзел у пераследзе СМІ".

Раней расійскі міністр адзначаў, што Вашынгтон паводзіць сябе "як слон у пасуднай краме", што датычыцца сітуацыі на Блізкім Усходзе. Па словах кіраўніка МЗС РФ, ЗША спрабуюць разбурыць Сірыйскую Арабскую рэспубліку.

Ён дадаў, што такая знешняя палітыка Штатаў павярнулася цяжкімі наступствамі для краін Блізкага Усходу і іх насельніцтва.

Чытайце таксама:

8
Тэги:
ЗША, МЗС РФ, Сяргей Лаўроў
(173:04 / 2876.49Mb / просмотров видео: 18)

Сяргей Лаўроў аб выніках працы расійскай дыпламатыі ў 2020 годзе

11
(абноўлена 14:32 18.01.2021)
Вялікая прэс-канферэнцыя кіраўніка расійскага МЗС упершыню прайшла цалкам у анлайн-фармаце. Кіраўнік расійскага МЗС адказаў на пытанні журналістаў па актуальных пытаннях міжнароднага парадку.

Міністр замежных спраў РФ Сяргей Лаўроў даў у панядзелак, 18 студзеня, прэс-канферэнцыю.

Тэма вялікай прэс-канферэнцыі кіраўніка расійскага МЗС - вынікі працы расійскай дыпламатыі ў 2020 годзе. Мерапрыемства праходзіць штогод у першыя працоўныя тыдні студзеня.

У выніках года мінулага - пандэмія каронавіруса і яе ўплыў на міжнародную палітыку, канфлікт у Нагорным Карабаху, выбары ў Беларусі і пратэсты, якія рушылі за імі, напружанасць у адносінах з ЗША, па-ранейшаму не вырашаная сітуацыя ў Данбасе. Але і бягучы год ужо пазначыў шэраг неадназначных сітуацый: новая адміністрацыя ЗША, выхад Расіі з Дамовы па адкрытым небе, ДСНУ, тэрмін якой мінае.

Прэс-канферэнцыя ўпершыню прайшла цалкам у анлайн-фармаце.

11
Тэги:
Сяргей Лаўроў, МЗС РФ, Расія
На Вадохрышча

Міністэрства аховы здароўя расказала, ці можна купацца на Вадохрышча пасля COVID

0
(абноўлена 17:56 18.01.2021)
Вадохрышчанскія купанні пачаліся сёння ў Мінску, акунуцца ў купель можна ў трох спецыяльна абсталяваных для гэтага месцах: на Камсамольскім возеры, у Драздах і на Цнянцы.

МІНСК, 18 сту – Sputnik. Лішні раз нагружаць арганізм стрэсам не варта, падкрэслілі ў прэс-службе Міністэрства аховы здароўя.

Вадохрышчанскія купанні пачаліся ў Мінску. Акунуцца ў купель можна ў бліжэйшыя тры дні ў трох спецыяльна абсталяваных для гэтага месцах: на Камсамольскім возеры, у Драздах і на Цнянцы.

У прэс-службе Міністэрства аховы здароўя падкрэслілі: купанне ў палонцы - стрэс для непадрыхтаванага чалавека. У нетрэніраванага арганізма гэта можа справакаваць зрыў імунітэту і развіццё інфекцый дыхальных шляхоў, у тым ліку і пнеўманій. З-за напружанай сітуацыі ў рэспубліцы з каронавірусам, медыкі раяць не акунацца ў купель. Калі ж чалавек усё ж рашыўся на гэта, варта загадзя пракансультавацца з лекарам.

"Нечаканае для арганізма апусканне ў халодную ваду можа справакаваць розныя хранічныя захворванні, у тым ліку сардэчна-сасудзістыя", - адзначылі ў прэс-службе.

Кажучы пра купання пасля перанесенага COVID-19, у ведамстве падкрэслілі, што існуе такое паняцце, як "посткаронавірусны сіндром". Ён выяўляецца ў тым, што запаленчы працэс скончыўся, але ўскладненні з боку дыхальнай, сардэчна-сасудзістай сістэмы могуць заставацца.

"Лішні раз нагружаць арганізм стрэсам не варта", - рэзюмавалі ў прэс-службе.

Нагадаем, у Беларусі зараз усталявалася марознае надвор'е, у некаторых рэгіёнах у ноч на 19 студзеня тэмпература апусціцца да -27°C. Але ўжо да чацвярга ў краіне пацяплее, абяцаюць сіноптыкі, слупкі тэрмометраў зноў пакажуць плюсавыя значэнні ў дзённы час.

Чытайце таксама:

0
Тэги:
Беларусь, Мінск, Вадохрышча, каронавірус
Тэмы:
Каронавірус COVID-19