Копію друкарскага станка Францыска Скарыны зрабілі школьнікі са Шчучына

31
(абноўлена 12:16 22.02.2018)
Копію станка, на якім Францыск Скарына надрукаваў першую беларускую Біблію, зрабілі школьнікі з Шчучынскай гімназіі. Як ён працуе, паказалі на выніковай калегіі ўпраўлення адукацыі, якая адбылася ў Гродне.

Экспанат выраблены да 500-годдзя беларускага кнігадрукавання. Каб прывезці друкаваны станок у Гродна, яго прыйшлося разабраць, а затым зноў сабраць.

Друкаваны станок выраблены ў натуральную велічыню з дрэва. Аднаўлялі яго па старадаўніх чарцяжах, малюнках і апісаннях. Аўтарам ідэі і куратарам праекту стаў шчучынскі святар айцец Сергій Сямашка. Дапамогу аказвалі мясцовыя майстры.

Копий такого станка в Беларуси всего три, один из них хранится в Национальной библиотеке
© Sputnik Инна Гришук
Копій такога станка ў Беларусі - усяго тры, адзін з іх захоўваецца ў Нацыянальнай бібліятэцы

Гімназісты з лёгкасцю асвоілі працэс старадаўняга кнігадрукавання. Спрытна наносяць фарбу на аснову-адбітак, заціскаюць паперу пад прэс. Праўда, удакладняюць, што ў якасці фарбы выкарыстоўваюць не сумесь сажы, лаку і яечнага бялку, як у даўніну, а друкарскую фарбу або гуаш.

"Каб вырабіць адну старонку спатрэбіцца не менш за дзесяць хвілін. Разумеем, колькі сіл давялося прыкласці, каб надрукаваць першую Біблію", — дзеляцца назіраннямі школьнікі.

В печати, правда, используется современная краска, а не смесь копоти, лака и яичного белка
© Sputnik Инна Гришук
У друку, праўда, выкарыстоўваецца сучасная фарба, а не сумесь сажы, лаку і яечнага бялку

Яны ўжо ведаюць: каб атрымаць выразны адбітак старонкі, трэба выкарыстоўваць друкарскую або штэмпельную фарбу. Копія друкарскага станка захоўваецца ў музеі гімназіі. Падобных экспанатаў у Беларусі ўсяго некалькі. Адзін з іх захоўваецца ў Нацыянальнай бібліятэцы, яшчэ адзін — у прыватным музеі ў Мінскай вобласці.

31
Тэги:
друкарскі станок, Францыск Скарына, Шчучын, Гродненская вобласць, Беларусь
По теме
Галаграму "Бібліі" Скарыны прадставяць у Нацыянальнай бібліятэцы
Бібліятэка Кангрэса ЗША атрымала факсімільнае выданне кніг Скарыны
Беларусь падарыла Ватыкану факсімільнае выданне кніг Скарыны
Нацбібліятэка ўзнагароджана прэзідэнтам за факсіміле кніг Скарыны

Відэа