(2:08 / 16.65Mb / просмотров видео: 3494)

Гісторыі гэтых дзяцей павінны стаць урокам: Сяргей Лазараў пра "Ты супер!"

39
(абноўлена 12:24 24.03.2018)
Папулярны расійскі спявак Сяргей Лазараў з'яўляецца членам журы музычнага шоу тэлеканала НТБ і агенцтва Sputnik "Ты супер!". Сваімі адчуваннямі ад удзелу ў праекце ён падзяліўся з Ганнай Нядзелькай.

"Гэта вялікае шчасце — быць часткай гэтага праекта. Гэта сапраўды асаблівы праект, у ім бяруць удзел асаблівыя дзеці, і хочацца даць гэтым дзецям магчымасць максімальна раскрыцца", — распавёў спявак.

"Гісторыі ўдзельнікаў павінны стаць урокам для іншых сем'яў і дарослых", — падкрэсліў Лазараў.

Ён адзначыў, што прыняцце рашэння перад тым, як націснуць на кнопку, даецца вельмі складана. "Не хочацца казаць гэтым дзецям "не", —. сказаў спявак. Ён адзначыў, што ў шматлікіх выпадках імкнецца "закрыць вушы" на фальшывыя ноты ці іншыя памылкі.

Праект "Ты супер!" тэлеканала НТБ і міжнароднага інфармацыйнага агенцтва і радыё Sputnik дае шанец таленавітым дзецям з Расіі і іншых краін заявіць пра сябе. Другі сезон праекта стартаваў 10 лютага, у ім удзельнічаюць дзве прадстаўніцы нашай краіны — Вера Ярошык і Сняжана Гардзеенка. Любы жадаючы можа аддаць за іх свой голас на сайце НТБ.

Глядзіце сёмы выпуск шоу "Ты супер!" сёння ў 20:00.

39
Тэги:
музыка, "Ты супер", НТБ (тэлеканал), Sputnik, Сяргей Лазараў, Масква

Лукашэнка: "майдана" у Беларусі не будзе - відэа

10
(абноўлена 18:00 01.06.2020)
На сустрэчы з кіраўніком Камітэта дзяржбяспекі прэзідэнт папярэдзіў усіх, хто яго чуе: "майдана" у Беларусі не будзе. Глядзіце заяву кіраўніка дзяржавы на відэа.

Прэзідэнт Беларусі Аляксандр Лукашэнка сказаў, што дасведчаны аб існаванні планаў зладзіць "майданчык" напярэдадні або ў дзень прэзідэнцкіх выбараў.

"Майдана ў Беларусі не будзе", - заявіў ён на сустрэчы са старшынёй Камітэта дзяржаўнай бяспекі Валерыем Вакульчыкам.

Лукашэнка адзначыў, што дзяржаўная бяспека - аснова асноў, і вядучая роля па абароне незалежнасці і суверэнітэту рэспублікі належыць КДБ і прэзідэнту асабіста.

"Мы ведаем мэты, якія пераследуюць тут асобныя людзі. Гэтыя мэты нам ясныя. Зладзіць нам "майданчык" напярэдадні прэзідэнцкіх выбараў або ў дзень прэзідэнцкіх выбараў. Так яны планавалі. Хачу на гэтай сустрэчы вас папярэдзіць і ўсіх, хто нас пачуе, усіх гэтых майданутых хачу папярэдзіць, што "майдана" у Беларусі не будзе", - сказаў Лукашэнка.

На сустрэчы ён падкрэсліў, што дэстабілізацыі абстаноўкі ў краіне не дапусціць. Ён таксама пракаментаваў асобныя публікацыі ў СМІ.

"Не трэба нас параўноўваць, як нядаўна газета суседняй краіны папісвала, што тут у нас з'явіліся новыя Пашынян, новыя Зяленскі і ў нас ледзь не сітуацыя не тое як у Арменіі, не тое як ва Украіне", - сказаў Лукашэнка і выказаў упэўненасць, што ў Беларусі няма такіх лід араў, як прэм'ер Арменіі і ўкраінскі прэзідэнт, з якімі ён ужо паспеў блізка пазнаёміцца.

Лукашэнка выказаў здагадку, што некаторыя хочуць прадаць за капейку ўсё, што створана ў краіне, не толькі уладай, але і народам, і адзначыў, што гэтага нельга дапусціць.

10
Тэги:
Аляксандр Лукашэнка

Як уладальнікі крамаў у ЗША ратуюцца ад марадзёраў - відэа

8
(абноўлена 11:12 01.06.2020)
Беспарадкі ахапілі шэраг буйных амерыканскіх гарадоў, на вуліцах з'явіліся і марадзёры. Глядзіце на відэа, што стала з гандлёвымі аб'ектамі ў адным канкрэтным горадзе - Чыкага.

Жыхары горада на фоне масавых беспарадкаў пасля забойства паліцэйскімі афраамерыканца Джорджа Флойда ўзяліся за марадзёрства.

У роліку бачна, як гараджане, не саромеючыся, заходзяць у краму праз пабітую вітрыну і выносяць вопратку і абутак, не баючыся паліцыі.

Уладальнікі крамаў, якія яшчэ не паспелі разрабаваць, пачалі абараняць вітрыны плітамі з драўнянай габлюшкі. Забітыя вітрыны ў Чыкага цяпер паўсюль.

Беспарадкі ў Штатах пачаліся ў Мінеапалісе пасля забойства паліцэйскімі афраамерыканца Джорджа Флойда.

Кіраўніцтва паліцыі горада паспяшалася выпусціць заяву аб звальненні чатырох афіцэраў, аднак да таго часу найбуйнейшы горад штата Мінесота ахапілі масавыя беспарадкі, якія пазней перакінуліся і на іншыя буйныя гарады. Да расследавання справы аб забойстве падключылася ФБР.

8
Тэги:
ЗША