"Начныя ваўкі" пабывалі на выставе Sputnik у Мінску

28
(абноўлена 14:12 03.05.2018)
Выстава фатаграфій ваенкораў Савінфармбюро, арганізаваная Sputnik, выклікала цікавасць у мінчан і гасцей горада.

Байкеры вядомага расійскага клуба адзначылі, што выстава фотаздымкаў ваенных карэспандэнтаў Савінфармбюро "Вайна. Без каментароў", арганізаваная Sputnik, расказвае праўду пра вайну.

Да таго ж фатаграфію практычна немагчыма цэнзураваць, таму ўсе эмоцыі і пачуцці тут па-сапраўднаму жывыя. Многія наведвальнікі, якія разглядаюць фотавыставу Sputnik у гандлёвым цэнтры Galleria Minsk, не хаваюць слёз.

"Дакрануўся да гісторыі, як быццам апынуўся ў тым часе, які мы ўсе памятаем", — лаканічна прызнаўся лідэр "Начных ваўкоў" Аляксандр Залдастанаў (Хірург).

Адкрыццё выставы "Вайна. Без каментароў" адбылося 2 мая, паглядзець прадстаўленыя ў экспазіцыі здымкі можна будзе да 11 мая.

Расійскі мотаклуб "Начныя ваўкі" ўдзельнічае ў чацвёртай, якая стала ўжо традыцыйнай, акцыі да 9 Мая — Мотапрабег "Дарогі Перамогі — на Берлін". У Беларусі яны пабывалі ў гісторыка-культурным комплексе "Лінія Сталіна", а таксама наведалі Курган Славы і Брэсцкую крэпасць.

28
Тэги:
фота, выстава, Вялікая Айчынная вайна, Начныя ваўкі (байкерскі клуб), Аляксандр "Хірург" Залдастанаў, Мінск, Беларусь
Каментары