Каця IOWA "разбурыла" павільён "Беларусьфільма"

56
(абноўлена 18:34 17.05.2018)
У новым кліпе Каця Іванчыкава і Марк Багатыроў, якія іграюць закаханых, учынілі гармідар, высвятляючы адносіны.

Новы кліп на песню "Молчишь на меня" прадставіў гурт IOWA 17 мая.

Кліп здымалі на "Беларусьфільме": на відэа Каця Іванчыкава і Марк Багатыроў, вядомы па серыяле "Кухня", іграюць закаханых, якія ў сварцы руйнуюць усё навокал. Ад пакоя, у якім вяліся здымкі, у рэшце рэшт застаюцца адны сцены — героі кліпа літаральна разбілі мэблю і іншыя дэталі інтэр'еру.

Рэжысаваў кліп Леанід Каласоўскі, які супрацоўнічаў з Дзімам Біланам, Патапам і Насцяй Каменскіх і іншымі вядомымі артыстамі.

Праз тыдзень, 24 мая, гурт IOWA сыграе сольны канцэрт у Мінску.

Гурт IOWA — выхадцы з Магілёва, гучна заявілі пра сябе ў 2012 годзе з песняй "Мама". Затым былі "Улыбайся", "Маршрутка" і незабыўная "Бьет бит", а таксама "Плохо танцевать" и "Падай", кліп на якую здымаўся на вулкане Тэйдэ.

Таксама Каця IOWA запісала саўндтрэк для фільма "Легенда аб Калаўраце" разам з салістам гурта System Of A Down Сержам Танкянам.

56
Тэги:
Кліпы, "Молчишь на меня" (песня), "Беларусьфільм", IOWA, Беларусь
Каментары