Відэафакт: на вуліцы Гурскага ў Мінску палыхнуў уцяпляльнік

43
(абноўлена 18:06 30.05.2018)
Узгаранне ўцяпляльніка на адкрытай пляцоўцы адбылося на плошчы ў сто "квадратаў". Глядзіце відэа пажару на вуліцы Гурскага ў Мінску.

Узгаранне каля будынка па адрасе Гурскага, 34 адбылося ў першай палове дня ў сераду. Чорны дым пажару быў бачны здалёк — ён падымаўся вышэй дзевяціпавярховак і выклікаў трывогу ў мясцовых жыхароў.

"Мінск, Гурскага, 34, узгаранне ўцяпляльніка на адкрытай пляцоўцы. Каля 100 квадратных метраў. Працуюць падраздзяленні МНС. Пацярпелых няма", — паведамілі ў Міністэрстве па надзвычайных сітуацыях.

Прычыны ўзгарання пакуль не названыя — яны стануць вядомыя пазней.

Адбыўся пажар на тэрыторыі аднаго з прадпрыемстваў. Па названым МНС адрасе знаходзіцца шынамантаж, па суседстве — прадпрыемства па продажы і ўстаноўцы аўтамабільных акумулятараў.

43
Тэги:
Пажар, Мінск, Беларусь
Каментары